نبض ..,,.. حرفي

من جد.. حد الله .. بيني وبينك
حد الله .. اللي بعده.. ينفذ الحد

يدينني مزحك ... ومزحي يدينك
واخاف لا نمزح وننحاس.. من جد

بدع ورد

بيني وبين شاعر المحاوره المرقابي مطلق بن عبيان


مطر العازمي:

يامطلق هد فالسرعه ترى الرادار بالمرصاد
وساهر يانبيه العقل ماترحم فﻻشاته

مطلق بن عبيان:

أنا إستأجرت من مجنون ليلى القلب حتى باد
ولوقلبي على قلبه ماتقنعني قناعاته

مطر العازمي:

انا اقول انت تتعب مير ﻻ صايد وﻻ منصاد
وقلبك مايتوب وﻻ توفق من حركاته

مطلق بن عبيان:

تدور الدايره والسيف والسكين والجلاد
طعمها بالغرام أحلى من الشهد وملذاته

مطر العازمي:

بعد ماابحرت يامطلق فﻻ تشفق على المعواد
ترى بحر الهوى من غاص جوفه واجه امواته

مطلق عبيان:

ماسقناها عبث يافرحة النشاد والنقاد
يسمي مايسمي كلبوها من بركاته

مطر العازمي:

تبى فنجال دله وانت نارك فوقها براد
ذبحك العشق يامجنون وانته في بداياته


مطلق بن عبيان:

ترنا ماأنفردنا بالأصيله ماعليها شداد
ومثل ماشاف بصري شفت فالخشف وحركاته




هذا وقد انتهت الملاكمه بتعادل الفريقين وانا الكسبان من هذا العله

خيالٍ يجيك اصدق من الواقع الملموس
وواقع يجي وتكذبه لو بإثباته

ليا اعطيت فكرك راحته جسد المحسوس
على قدر تفكيرك ومجمل مساحاته

كم شعورٍ نشعره لكن مانقدر نقوله
ينولد ويموت نبضه ما طرق باب الصراحه

اكثر الاحساس يلقى حاجزٍ يمنع وصوله
لو بغى التعبير تبقى فرصته ماهي متاحه

لو نخفي الميعاد علم عطره
على جميع اسراره المخفيه

اترك خفوقي منك ياخذ وطره
يبي رضاك ولفته انسانيه

طاريك ولع في ضميري حريقه
والشوق تعبني وسهرت عيني

افتح مجال ارجوك بـ/آية طريقه
خل المسافه .. صفر.. بينك وبيني

اطلق عقال النيه (المعقوله)
اﻷرض كله خير من (مبركها)

مااريد غير الحاجه (المعقوله)
والساعه اللي تجذبك (ماابركها)

عيب هز الوسط ياراع الردوف
الميوعه فالرجل مستنكره

مدري انته رخل والا انته خروف
بس اكيد انك لا رجل ولا مره

الله عن دروبي وممشاي ينسفك
يامنبع الشين ومقر المعاصي

امنت بالله وانته ابليس عاسفك
الحمد للي منك يسر خلاصي

الغزل ماابغاه لكنك تجيبه
كل ما مريتني قمت اتغزل

طالبك غادر وطول فالمغيبه
لا تغرد في تويتر لين اعزل

انا ليامني تجاوزت حدي
خليت قلبي داخل الحد موجود

ماودي افعل شي ماهوب ودي
لي حد والعالم لها مثلي حدود

الله يعينك لو يطول انتظارك
اصبر شوي وكل مطرود ملحوق

ماغير قلبك يشعر بحر نارك
ولا غيرك اللي تحرقه جمرة الشوق

يقول حدد موقعك قلت موجود
مع طيفك اشاهد صور ذكرياتك

واراجع الماضي مع عيونك السود
واقول .. يالله رحمتك وبركاتك

فصله وديه:

اسبانيا حمران وعيونهم زرق
واللبس لونه مثل لون الميرندا

طرقان والجمهور طرقان مع طرق
الله لنا يامشجعين العبندا

يابنت ثوب الستر لا صار ضافي
يغنيك عن بعض المظاهر والاشكال

اصل الوفا فالود ماهوب كافي
كم واحدٍ مخلص ولا هو برجال

اصل الدجاجه دجاجه لو بمية ريـال
لو رفعوا سعرها ما يرتفع قدرها

صحيح ذبح الدجاجه فالشريعه حلال
لكن بين النشاما ميّت ذكرها

مالك لزوم فيه خله يولي
المقفي الشرهه على من يناديه

خلك عن المنقود دوم متعلي
ومن ﻻ يميز قيمتك وش تبي فيه

ذبحك الفراق وصاحبك مايفكر فيك
لو انه يقدر موقفك كان مافارق

لو انك تعز النفس عن شخص مايبغيك
مايمديك في بحر الوهم بالامل غارق

لو ينثني غصنك معي عفت الغصون
ورسيت بشعوري على بر الامان
خذني على صدرك اكون او لا اكون
تعبت ادور بين خلق الله مكان

يامدور الزين في لبنان والمغرب
الزين والله مقره فالسعوديه

زين له القلب يطرب والنظر يطرب
وان رحت وان جيت ماانت محصل زيه

مدري وش احساس قلبي ﻻ طرى اسمك علي
لكن به شي خلا القلب لك ينجذب

واتخيل الصوره اللي عنك في داخلي
واخاف ﻻ تطلع الصوره بعيني كذب

يارب انا طالبك لا تبتليني
في كل مايصعب لروحي علاجه

في كل وقت ارفع لوجهك يديني
عجل عليّه من سعتك انفراجه