( مقتطفاتي )

عودا حميدا منتدانا
أبحث عنك في كل حين رغم انقطاعك

يا منتدى المرقاب طولت الغياب
موقع أدب حراام,شمسك لاتغيب

طرقت لـ ابحث عن سموّك كل باب
وياللاسف مرقابنا مامن مجيب

والحين صدفه ماحسبت لْها حساب
فتحت قوقل والامل بك مايخيب

يامرحباً عْداد همال السحاب
بالعوده اللي وقتنا معها يطيب

وقهويت عشاق القصيد وتمنيت

- قهوه دائمه -

سلمتي

المشاركة الأصلية كتبت بواسطة سيف صالح الدلبحي

وقهويت عشاق القصيد وتمنيت

- قهوه دائمه -

سلمتي

تسلم وتدووم شاعرنا
مرور المبدعين تشريف,لاهنت

تقديري,’’

برّدي فووح صدري ياهبوب الجنوب
وأسعفيني وهبي وهج صـدري يفـوح

اجبري الخاطر المكسور وقت الغروب
يوم غنى الحمام وزاد نزف الجروح

ياكبر دور سجعه في حنين القلوب
كان طربان والا فوق غصنه ينوح

لاسمعته قسم بالله روحي تذوب
فوق جمر الغلا من سمر نار الطموح

نوب عيني على القمه واكابر ونوب
أعترف يـ الغلا وُمابَعْدها الروح روح

حال الاجواء هـ الايام ولله الحمد
اللهم سقياا رحمه..

تراكم الغيم كنْه الليل
وبْرووقه تْشووق من قبله

أطرب على شوفته بالحيل
إيوالله اشتاق واطرب له

قريحتي من مَطَرْه تْسيل
من سيلها الحرف يكتب له

بـ اوْصَفْ لك الجو بالتفصيل
برق ومطر والرعد قَبْله

كني على جال نهر النيل
سيل ومطر ياكبر وبله

وسويت دله وزدت الهيل
والقاف يسكب وانا اسكب له

وغنيت لو جوّنا تهليل
لو قالوا الناس منهبله

البُعد جوره يهد الحيل
من ضيمه الكبد مندبله

من لامني لو لحقني ميل
ياضعف عقله وياخبله!!

السلام عليكم ورحمة الله

وكل عام وانتم بخير اسرتي المرقابيه الكريمه
وتقبل الله طاعتكم واعاده علينا وعليكم بـ الامن والامان

تحيتي للجميع,’’

المشاركة الأصلية كتبت بواسطة شاعرة نجد

برّدي فووح صدري ياهبوب الجنوب
وأسعفيني وهبي وهج صـدري يفـوح

اجبري الخاطر المكسور وقت الغروب
يوم غنى الحمام وزاد نزف الجروح

ياكبر دور سجعه في حنين القلوب
كان طربان والا فوق غصنه ينوح

لاسمعته قسم بالله روحي تذوب
فوق جمر الغلا من سمر نار الطموح

نوب عيني على القمه واكابر ونوب
أعترف يـ الغلا وُمابَعْدها الروح روح

الله الله يا شاعرة نجد

مبدعه وعذبه وانيقه

صح قلبج لين ترضين

🌹

الناس بردانه وأنا لاهب الشوق
في صدري المكتوم يحرق لهيبه

ماصوّره شعري ولانثر منطوق
غريبه ونشرة حياتي غريبه

لاصرت لافضفضت مـ أرتاح واروق
بلاش والدمعه بعيني قريبه

حدب الضلوع جْسور والقلب صندوق
على خفايا الروح ياطيب طيبه

غيم المشاعر لاسرى ليله بْروق
يااخذ من الوجداان واافر نصيبه

على سناه أنظم من الشعر لي طوق
والبس وتخنقني طلاسم عجيبه

مرسول الاشواق خذني فوق كف الغرام
والليل ساكن وقلبي مع نجومه دليل

أسري على الهجس غاية مهجتي والمرام
مـ اضيع عن وجهتي في غربتي مستحيل

متوهج الحدس ينطق لو يضيع الكلام
حس المشاعر على جوّ التلاقي هديل

والجو كايف وممطر والهوى ياسلام
يهب لو حلم كنّه علم,ليلي طويل

يانجوم الليل ياليتني نجمه معاك
فـ السما وابْعد عن الارض واهْل الارض مرهـ

واتغنّى من قصيدي وياعيني فداك
السهر لو ماتنامين ما للناس جرهـ

بـ اسحب الموال ماهمني هذا وذاك
كوكبي وحدي ولابه ولاحيٍ يمرهـ

واعطني يـ هاجس الشعر من مـ الله عطاك
هات ماعندك ولاتدّخر مثقال ذرهـ

فضفض المكنون مـ عاد فيني من نهاك
بـ اتلقّى ماتدره على صوتي واجرهـ

وياهواي وناظري شوف نجمي في سماك
من بعيد وياله البُعد يا لله درهـ

صح بدنك ريف
والابداع حضورك الفااخر

شرفتي مقتطفاتي شاعرتنا
شكري وتقديري,’’

صح بدنك ريف
تشرف الركن بمرورك لاعدمتك

شكري وتقديري,’’

على بالي وانا ماودي الغالي على بالي
قسم مـ عاد لاودي على بالي ولا باله

ياليت عْيوني تْغمض وافتّح ماله ومالي
وكلٍ ناسي الثاني وكلٍ رااح في حاله

وكنّه ماحصل فـ الكون لاجيته ولا جالي
وننسى مامضى وادله وهو مثلي بعد داله

واعوّد طفله صْغيره بريئه والعَب بشالي
على جال المدي مابين بستانه وشلاله

مع امي والْاهَل مابين ابوي وعمي وخالي
واغني بينهم طفله وكلٍ يحذف عقاله

علي تشجيع للتبديع ازود وزاد في حالي
ثوااني وانتهى ذاك الزمن حله وترحاله

غفرانك ربي المعبود لا جريت موالي
وتهيضت وتهيض خاطري والقاف غنى له

السلام عليكم ورحمة الله

منتدانا الشامخ واعضاءهـ وزواره ومتابعيه
طابت اوقاتكم ودام حضوركم

وتحيتي وتقديري لكم ولجمهوري الكريم
واعتذر عن الغياب,’’

يـ لاعب المنكوس لاتسحب القوس
وتْجر صوتك لين تبحث خفايه

وأنا من امس الخاطر العمس محيوس
واصل من الضيقه لحد النهايه

البس على نسج التجاريب واقوس
ولا لحقت لشفي العسر غايه

مدري متى يدري وياخذ له دروس
ومن التجارب يرتقي في سمايه

ما بـ الحياة وخالقي لعب وفلوس
قرار واستقرار بس وكفايه !

أحب السحاب المرتكم والمطر والسيل
واحب القصيد وكل شيٍ على حله

وأحب المساا جوي ومودي ظلام الليل
أعيشه بـ مافيني ولو طال مـ امله

واحب السكوون ايوالله اني احبه حيل
ولولا الحياا كان اعتزل عالمي كله

معي مصحفي والدله وسبحتي والهيل
واصلي واسبّح وابدع القاف واشله

(دين ودنيا:smile

ياحلم كم ضاعت منَ سْنين وايام
وانا انتظر ولاتحققت ياحلم

الحال مثله قبل واليوم والعام
عيت تجي عـ الكيف مدري وش العلم

نجري ورى الايام ونْقول قدام
حياتنا قصه وانا نجمة الفلم

البُعد والحرمان في حكم الاسلام
ياشيخ وش فرقه عن الجرم والظلم؟

السلام عليكم ورحمة الله وبركاته

وتقبل الله طاعتكم وكل عام وانتم بخير,’’

أجْهَد التفكير فكري عسى مقسوم خير
رحت مَعْه وجيت ماغيّر مْن الحال شي

ياعذابي كل ماغنت الورقاا عصير
فوق غصنٍ ليّن وتحتها مْن العذب مي

أتسمّع سجعها واسحب الحس القصير
لين مايسمع صدى بوحي الا هو وهي

والمشاعر لـ تنادت معَ الارسال غير
يجذب الاحساس حسّ الغلا لـ صار حي

والبعيد اللي معه لوتحديت الكثير
راحت الايام تطوي جديد العمر طي

هيه ياشمس,الغروب ان تأخر وش يصير
يافديتك كم يسوّي هوى ذالوقت في!

عليها الله الضيقه ترقّب قدوم الليل
تروّح علي مع غيبة الشمس لـ غابت

وابي فزعة الصبْر وتعذر وقال الكيل
طفح واعتذر يابنت عين الصبر شابت

على الكتف مدري القلب احط الشقى واشيل
وروحي من جروحي توارت ولاتابت

غبيه وانا ماني غبيه وبالتمثيل
لقيت المخارج واجده والغلا ثابت

على لوحتي وارسم ويخدمني التظليل
رسوم الخيال اللي على واقعي نابَت!

يامرحبا عدّت يالمرقاب
من بعد ماسكروا بابك

صرح الادب غيير,والكتّاب
لاهان من ردك وجابك

مراسيل الغلا عبر الهوى ماتنطر العنوان
توجهها المشاعر لو تعثر دونها المرسول

تواقد نارها من غير لاشعله ولادخان
تجاذب مغناطيسي من صفاته يجذب المجهول

على سطح البحر من غير لاقارب ولاربان
وعلى صحراا الهجر من غير لاحارس ولامسؤول

وعلى درب الغرام احلام ماتقطع ظماا الظميان
تصول بْنا الظروف وتستمر ابّطشها وتجول