تواقيع الأعضاء .. [ 26 ]

تحركـي يالصـوره الرمـزيّـه

لا تحسبين إنك مجـرد صـوره

أقـول يالمـامـوره المنهـيّـه

وأقـول يالمنهيّـه المـامـوره

كم صورة ٍ حيّه ولا هـي حيّـه

تكبّ عفش الشاعر وجمهـوره

ما يفرق الشبهه عن الشخصيّه

الاّ غياب إبداعنـا واحضـوره

مال الملامـح خطّـة ٍ خمسيّـه

تكشف نظام المبدع ودستـوره

لو إن فالصـوره ميـة ماريّـه

ما نعترف ( بالصوره المبتوره )

أعمالنـا فالبنـيـه التحتـيّـه

وأحلامنا فأعلامنـا المنشـوره

ما كان والله عنـدي أيّـة نيّـه

أطلّـع الإطـار خـارج طـوره

وأنا بمـا فينـي مـن العفويّـه

أكره فلاش الكيمره مـن نـوره

لسيد الابداع
عايض النفيعي

لاهنت يا ( مربع التوقيـع )
جمّلتنـي بيـن خلـق الله ،
البيت جذر ٍ علـى التربيـع
معناه يآ صِعـب تآصلّـه ..
ما كمّـل البيـت بالترقيـع
لو إنّ الأفكـار منشلّـه ..
200 بكسل غـدت للبيـع!
تِشرا / ولاينشـرا كلّـه ..
يحفظ حقوقك بدون تضيـع
أ/بْشرط م َ تكون مختلّـه ..
ويبثّهـا / والمذيـع يـذيـع
ويرِوي له اكبود معتلّـه ..
في منتدى ( يرفض التلميع )
كل ٍ ّ ويمناه تعمـل لـه ..

الله الله عليك / يامسفر المقاطي

لا فتحت الكمبيوتر .. قفلت التيلفون
يثّر الأوّل على الثاني بتقنيّته
/
التطوّر يسحب العاقل بحبل الجنون
والضمير الحي ما ينشده عن نيّته
/
دوّروا لي ركن هادي بعيد عن الركون
وأتركوني بين شمس القصيد وفيّته
/
كل طرق ٍ حلّ وأحتلّ هاجوسي يمون
سلّم الطاري عليه ولحوني حيّته
/
بين مرقاب المواهب ومرقاب الفنون
يحكم الشعبي على الشاعر وشعبيّته
/
يا شواعير النبط يا عساكم تسلمون
القصايد عايشه والمشاعر ميّته
/
علّموا من قال سداح مدري من يكون
قاف سداح العتيبي مثل شخصيّته
/
صلف في كل التفاصيل لو قلبي حنون
مير ما ترهم طبوعي على حنيّته
/
يا قصيرين الايادي كبيرين البطون
من كسرت ايديّته لا يمدّ إيديّته !


الله الله الله الله الله
الله الله الله الله الله


والله انك غيرررر ياسداح العتيبي

خلّ السياسه تستعدّ وتستريح وتستدير
يا موجز الأخبار سلّم لي على تفصيلها
،
مانيب يمّ اللّي حصل واللّي بعد يمكن يصير
جوارحي مشغوله بمنتوقة ٍ تومي لها
،
الجادل اللي تلّني لعيونها سلك الحرير
قامت محاجرها تحاصرني وتسرج خيلها
،
أفرد لها صدري وأقلّـطها على الضلع القصير
حطيتها بين الضلوع ولا قدرت أشيلها
،
الله خلقها عن بنات الجيل فيها طبع غير
والطبع خلاّها بعيني فارقه عن جيلها
،
بالشكل والمضمون فازت ربّة الحسن المثير
واللي تنافسها على عرش الحلا يا حليلها !
،
أحبّها .. والحبّ مستكبر وأنا قلبي كبير
يمنعني أحكي عن غرابيل الهوى وأشكيلها
،
أخشى عليها من زمان ٍ فيه شرّ وفيه خير
وأخاف منها بين عدلات الليال وميلها
،
إليا عرض لي طيفها خبيّت مكنون الضمير
وغمضّت عيني ثم نطقت بهمس .. يا حبيّ لها

للمبدع سداح

.
حلــفت مـا آجــامل ولا أوطــي الــرأس
إن كــان فـي تـوطــاة رأســـي مــذلـــه
* *
أخسـر صـداقــة ناس و مجـاملـة ناس
وأحيـا عـزيـز ولا أخسـر العمــر كلـــه
.
.
.
7
لله درك يَ / سيف بن صالح الدلبحي !!
.

.

أحب الرياض العاصمه واعْشقه واغليه
لو أني بعمـري ماسكنتـه ولا ليلـه

وزوّد غلاه بْخافقي قبر أبويه فيـه
عسى مدلهم الغيم يسقيه من سيلـه

توقيع مؤلم للمتألقة :

شاعرة نجد

هد بالك لاتضيق بك الوسيعة
واستريح وخل قلبك في محلّه
::::
لاتجي شكّاك واحكامك سريعة !
اذكر الله لاتزيد الطين بلّه
::::
الغنا لاهل الغنا سلم وطبيعه
ولاعنيتك بالغنا دقّه وجلّه
::::
الخديعة ماتجازا بالخديعه
الله يسامحك في ماصار كلّه
::::
حافظك لا اقفيت حفاظ ا لوديعه
والظمير ان عاتبك / من زود غلّه
::::
اشتره واليا شريته لاتبيعه
ولاتلاعب بالظمير وتستغله !
::::
الكبر لله والدنيا وضيعه
والتواضع فالبشر يازين دلّه
::::
والجفا كانك بغيته / ذب ريعه
روّح ودرب الجفا كلٍ يدلّه

للمبدع / عمر بن عبدالرحمن

الله " حسيبك " يوم ماأنت محاسب
يومك " تحاسبني " ولاتحسب لي
//
تعبت لجلك .. وآخرتها راسب
يالين ماصار " التعب " ينسب لي
//
" أشقيتني " .. وأشوفه إلك مناسب
وشقاك .. " في يدّي " .. ولا ناسب لي.

للشاعر الجميل / حسن الدجيماء

يضاف الى ابداع التوقيع
ابداع الصوره الرمزيه

يامشرق النور شعشع وإكسر الظلمــــاء
يطرب لك الكون من شرقه الى غربـــــه
*
أحتاج لك مثل ما أحتاج الهوى والمــــاء
ومنك العذآبات عنـــدي كلــها عذبـــــــــه
*
أشبع وأجوع بغرامك وأشربه وأظمـــاء
وأعيش في مجتمع وأحــس في غربــــه
*
تحتار فيك الصفات و تصغر الأسمــــــاء
ويقبل عليك الجريــــــح يقبَــل الحربــــه

للمبدع / سيف صالح الدلبحي

تصبح على خير يا روحي وريحاني
والصبح بعيونك الخدرات صبّحني

،،
مع فكـّة الريق دوّرني وتلقاني
وان قلت كيف انت قلت الشوق ذابحني



سداح

•
ما قدرت أنساك يا الحبّ القديم
لا أختليت بوحدتي تطري علي
^
أتوغّل في تفاصيلك وأهيم
مع حكايات الحبيب الأوّلي
^
ذكرياته لو يذبّن الخريم
عوّدن يملن ّ تفكيري ملي
^
صورته لا هب ذعذاع النسيم
حلـّت بعيني وعيـّت تنجلي
^
لا يزال الحب في صدري مقيم
والجفاء القاسي يغيض ويمتلي
^
لا ذكرته قلت والله العظيم
ما يعوضه لا شبيه ولا حلي
^
من يقول أنّ العذارى سيم سيم
أشهد أنّه سالي وقلبه خلي
^
أنصح اللي ما عرف عشق الحريم
ينتبه في حبّهن لا يبتلي !

الله
الله
الله
ياحلووو هـ التوقيع
لـِ شاعرنآ / سـدآح

^
لاعدمتك انت وقلبك

.
.


الصراحه (روح) والواقع (جسد)
والجسد مطعون والطاعن يديه

منطق الرجّال عن فعله يسد
وهقوت (العقّال) ما تنصى (سفيه)

هيه ياللي ما وراك الا الحسد
فزعتك مثل المرض محدن يبيه

لا تبرع بدمك كان دمك فسد
ولا تزهل بشي منت قادر عليه

تجمع المخزون عقب انه كسد
الخبل وهو الخبل ما يشتريه

للرائع / محمد بن مصوّي

في نظّرتك صمّت وحكي ثاني
يكّشف خبايا روح مذّبوحـه

ان قلّت تبّغضني وتجفانـي
ملامحك بالحـب مفّضوحـه

بعطيك حصّة درس مجانـي
لو الشهاده فيـك مجروحـه


للجميل / نايل الظفيري

•
يا حبيبي ليه تزعل يـوم أعاتـب وأتشـرّه
هدّ روعك .. والعتب ملح العلاقات الحميمـه
أسمح لقلبي وخلّـه يشتكـي منـك المضـرّه
لا تغانم خاطري بالضيق يـا مـال الغنيمـه
أيه أحبّـك والمحبّـه مـع جنابـك مستمـرّه
ولا يعكّر صفوها غيـر التمـادي بالظليمـه
تفرض الغيره عليك أحكامها فـي كـل مـرّه
وتعزف الريبه لحنهـا واللحـن دقّّـه قديمـه
لا تزعزعك الهقـاوي والحقيقـه مستقـرّه
لو يحوم الشك فوقك ما بقـى للحـبّ قيمـه
يوم قلت الشـوق جايـر قلـت لـي لله درّه
خله بقلبـك يزيـد وياعسـى ربـي يديمـه
قلت طيب هاك حبّك .. وأكفني خيره وشـرّه
وأستدرت تسوق غيضك كنّي مسوّي جريمه !

وياحلووو هـ التوقيع بعد

لـِ شاعرنآ / سدآح

التغـاضـي عـنـك مــا يعـنـي غـــروري
أتـغـاضـى عـنــك مـــن بـــاب الـزمـالـه
والـمـجـامـل بـيـنـنـا مــاهــو ضـــــروري
أذكــــر الله وأحــتـــرم لــفـــظ الـجــلالــه
سجّل حضورك وأنا أسجّل حضوري
وكــــل واحــــد يــتــرك الـثـانــي لـحـالــه

سداح
كن على ثقه اني لو اعرفه ( حثلتها معه )

ارحل بدون اسباب يا كل الأسباب
الي منوّل في طريق السعاده

بينك وبين القلب خمسة عشر باب
صكيتها واعلن خفوقي حداده

ياليت قلبي ماتغرّب ولاغاب
ولا اعلنت كل الجوارح وداده

ولا جرى فالدم حبه ولا شاب
راسي وهو همّه وشربه وزاده



لـ / عبدالله عبيد

الشوق للحبّ .. ولاّعـه
يقدح على الحبّ ويشبّـه
وقلوب الأحباب طمّاعـه
كم قلب مشفوح في حبّـه
وقلبي ما يحتاج سماعـه
نبضه تقل ضرب مرزبّه !
يا صاحبي تعرف أطباعه
على النقاء خالقـه ربّـه
ليه الغلا تلـوي ذراعـه
لا تكسره وأنت تلعب بّـه
عطني وعد يشفي أوجاعها
لمنتظر .. شوفتك طبّـه
لو تلدغه عقرب الساعه
يموت والعقرب السبّـه !





سداح

يا ليتهـا تشـرا .. هجوسـي وتنبـاع
أو ليتهـا .. مـا عــاد تـطـري علـيّـه
والله لـــــــدوّر واحـــــــدٍ طـــايــــل ذراع
وأقــول أخـذهـا يـــا السـنـافـي هـديّــه
إمّــا يطوّعـهـا عـلـى طــقّ الاصـبـاع
وإلاّ يـســلّــمــهــا لـــغـــيـــره عـــطـــيّــــه
تـجـاوزت مــن كثـرهـا حــدّ الإشـبـاع
شـبــعــت مـنــهــا والــطـــواري مــديّـــه
تلوف قلبي من ورا حدب الإضلاع
لـيـن أيبـسـت كــل الـعــروق الـنـديّـه
يـا معشـر الشعّـار وشلـون الإبـداع
هـو حــيّ والا مــات فــي المهمهـيّـه
قامت عليـه القـوم مـن كـلّ الأنـواع
و تخالـفـوا فــي مــن يـقـود السـريّـه
واللي يعرف يصيح وعيونه وسـاع
لا تــنــقـــدون حـــروفــــه الأبــجــديّـــه
مـرشّـحـيــنــه لـلــقــيــاده بــالإجـــمـــاع
عـاش الزعـيـم وعـاشـت العنصـريّـه
عـــز الله ان الـذائـقـه زبـدهــا مـــاع
ونـــص الجمـاهـيـر الـغـفـيـره غـبـيّــه
الله يــطـــول عــمـــر فـــــازع وفـــــزاع
ويــمـــدّهـــم بــالــفــزعـــه الـجــاهــلــيّــه



معروف شآعرها

مافى الهوى رحمه ولا فالهوى طب
لاصرت تجهل مايكنه ضميـري


كم لي وانا فهمك وش قيمة الحب
ويومك فهمة الحب حبيت غيري


.
ل عبدالله ال سمران

ازريت اغني وانا طرقي وعابر سبيل
في خاطري حاجة ٍ وازريت لا اقولها
/
ماغير اهوجس وادير الفكر في كل ليل
اخاف من كلمةٍ ماهي علـى اصولهـا
/
الصدر يزداد ضيق وحمل قلبي ثقيـل
والله حسيب الليال العـوج واحمولهـا
/
مازال عندي على اللوعات قدره وحيل
لو زاد نزف الجروح اللي مضى حولها
/
مابين بذر الجميل وبين حصد الجميـل
غطت علي الوجيه البيـض بفعولهـا




لاخوي / نواف نايف

دفشه وبأسلوب التصرف عنيفـه
والعنف دايـم مرتبـط بالدفاشـه
نشدت عنك وقالوا إسمك لطيفـه
والواجب اسمك يا لطيفه .. قماشه
تقمّشي يـا أم العلـوم الظريفـه
لا تشغلين الحرّ وأنتـي فراشـه
الله بلانـي فـي زميلـة وظيفـه
ليت الموظف يغتني عن معاشه !


هههههههههههههههههههههههههههههههههه
ياحبي لك بس انت وطلعاتك
طبعاً سداح

^

جعلي ما اعدم اسمك وكلك

.
.



تارد هواجيسي على صافي الجم
والبال شارد بين ساعه/ وساعه

ان كان صدري موطن الضيق/ والهم
راسي وطن للمرجله/ والشجاعه

حاولت اهديها وبحر العنا زم
لو إن راسي فيه قوة مناعه

بين العرب فتنه ومنتوجها سم
والفتنه الكبرى جيوش الأذاعه

هاذا ذبح هاذا/ وهاذا نقع دم
بالفبركه عدوا احدود الأشاعه

لاكن يابو متعب عسى افراحك اتعم
حنا احصون الدين/ وانتم ذراعه

وجزيرة الأسلام تسمو وتنعّم
في ظلكم ياحاكمين .. الجماعه

للمبدع / عبدالله سعد