ماهيب صعبه

احبتي ......

السلام عليكم ورحمة الله وبركاته

نزف جديد لابد من ان يعانق اذواقكم الشامخه

ولكم كل ودي......


[poet font="Simplified Arabic,4,blue,normal,normal" bkcolor="transparent" bkimage="" border="solid,1,gray" type=2 line=200% align=center use=ex length=0 char="" num="0,black" filter=""]
حلفت لك ياجرح ما تثنيني السكه ولا مردود الابواب=لين ارتوي من مقصدي وآقوم انا متماسكٍٍ ويطيح غيري

مادامظهري مستند بالحق والنخوه ولا للزله اسباب= لهديك ياكفٍ تبي تهديني الجمرة وتكويني سعيري

واحفظ لوفقات الرجال حقوقها في خاطري وأعز الأشناب= اللي تسامت في وجيهٍ ثابته بالصدق ابد ما تستديري

وارد كيلة من يبيع الدم عنده هينٍ ودى ولا جاب= مايدري انه ما يساوي هو وخلانه في الموقف ظفيري

معاذ ربي ما تساويني بهم قيمه ولافزعات الاصحاب= وهم يبيعون الظماير يحسبوها هينه بيعة ظميري

ماجهزوا لليوم الاخر حجهٍ ثبته ولا جابوا له حساب= خابت وجيهٍ غافلاتٍ تامن اليوم العبوس القمطريري

وانا ولد من ركزوا للريع وقت الضيق بوابات واطناب= ياكل رجلٍ ما مشت بالحق ما ترحب ولاتاطا حصيري

ما هيب صعبه لو بليتيني واجر السيف لك يا هامة الداب= الصعبه اني لو قطعت عروق راسك ما بيهدى بك زفيري

لا السيف يلزمني على قطعك وهو بيدي ولا ترويه الاذناب= انشهد اني كلما شافك طرف عيني لقطعتك استخيري

باجمّع حمولٍ ثقيله لين يكتب خالقي للطعنه كتاب= وآلملم الأول مع التالي واقسمها على الحد الشطيري

مادامت الدنيا كذوبه حسب مبداكم فلا باصير كذاب= سوق الرخاصه يا بخيسين الثمن والله ماتنزله عيري

ياكذبة البارود من سواك بين الناس والبارود ما تاب= اعرف مسير الكاذب الغدار والله خالقي يعرف مصيري

انا بوجه اللي يحق الحق منه النصر والموعد على الباب= ربٍ تكفل بالخليقه كلها من شايبٍ حتى الصغيري

اللي بدونه ما نجى من دم يوسف والظليمه راع الانياب= الين رده بعد طول الوقت ما ظروه وابصره الظريري
[/poet]