خال الحبتين !!

[align=center] اسمحوا لها بالمرور ياعمالقة الشعر :[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العام اقول ابغى اشتري ذود واقناه = سواة ابن مشيّب وابن ذايب حنيف
واماري ليا صار وقت المماراه = اعيش بين الحلم والعلم والطيف
واليوم مالي فالسواليف مشهاه = الله ولا بعض الحكي والسواليف
ماني بحاسد شيخ ٍ العرف مركاه = ولا ني بحاسد من يصيّف ورى جنيف
لو كلها عز الرجـــال اتمّنــــاه = من يمتلكها ماشكى الجور والحيف
بلاني اللي جعل ربي ما يبلاه = هذا مصير اهل القلوب المواليف
الجادل اللي يشرح القلب طرياه =لايحسب انه في خفوقي قلط ضيف
مستوطنٍ قلبي من ادناه لـ اقصاه=معهـــــ بلا(يكفي) ولا (لا) و لا (كيف )
في كل ليله يعطي الخافق وصاه = والحب بلوى والمشاعر ملاهيف
ياعــاذلـــي والله والله والله = لولاي فاقد مـــابدعت التواصيف
ياخفّ عقلي بعد شوفته خفّـــاه = اكلي قهر ودموع عيني مصاريف
ياملحه وحلوه وقبلة محيــــاه = اليا تبســـــم له عليّه معــــاريف
الخمر ريقه والزقاير شفــايـــــاه = والمشكله عيا يجي لي على الكيف
اعيونه الزيتون والخد مشكـــاه = اسراج جنب سراج من بينها سيف
ياحبتين الخـــال لا واحــــلالاه = ماكنك الا وردتينٍ علــى سِيف
ياحظ خال الحبتين المسمــاه = بـ اسمه عسى ماتبتليه الصواديف
لويطلب اللي يطلبه قلت له جاه = ابشتريها ماحسبت التكـــاليف
حتى تسمى بسم من يكسب الجاه =وان كان عيا سومتي منه تشريف
ودي بقرب حبيّبي جعلي فداه = احذف من احزانه وشكواه واضيف
على الذي حمله من الوقت غطاه = شقران شيال الحمول المراديف
اقدّر اجروحه واحشّم خطاياه = نزيه مايقرب من العيب والزيف
واعزي الخسران من بعد فرقاه = واهني اللي غطرفوا بالغطاريف
حظي كما جمٍ جذب فالشتا ماه = وش عاد ابرجي منه في كنة الصيف
هذي ثمان سنين وانا اتحداه = يرثع وانا ارقابه بروس المشاريف
لكن مصير الذيب يشبع من الشاه = مهما يحصل من صدوف وتخاليف
في غفلة الراعي يبا يزين مسراه = البطن خالي والمخالب معاكيف [/poem]