بنت الفكر

،

الله الله الله الله الله

صح الله السانك يا أبو سعد ، إعجابي لا يخفاك يالشيخ

مبارك عليك الشهر ـ وتقبل الله طاعتك


،

المشاركة الأصلية كتبت بواسطة عبدربه

أقوووول :


كن فيه هنا تقديم ماحقه التأخير !
ومن لا يعرف من اني اعزاز الجناب
مايدري ان الشمس تشرق كل يـوم

ولا ماغار يورّالي ؟!

كلامك هذا يبى مترجم

المشاركة الأصلية كتبت بواسطة فيصل الدوسري

السلام عليكم ورحمة الله وبركاته
مبارك عليكم الشهر وكل عام وانتو بخير




[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بنت الفكر زاحت عن الوجه الحجاب = وقامت تهزّع كنها قبا ً قحوم
كن في تهزعها لـ تلعات الرقاب = غرور بنت الشيخ لبنيّ الرخوم
تحت السما ولاهي بفوق التراب = وشعاعها ويا شعاع الشمس توم
تطق بيبان المعاني باب باب = ومع كل باب ٍ ينفتح تقضي لزوم
افكاري خشوف وقوافيي شباب = وهمومي ايتام وهقاويي هموم
شاعر وهجسي ذيب له مخلب وناب = اقدم وشعري من قدوم الى قدوم
مابيني وبين السحاب الا السحاب = ولا بيني وبين النجوم الا النجوم
ومن لا يعرف اني من اعزاز الجناب = مايدري ان الشمس تشرق كل يوم
ومن قام مايحسب لطيحاته حساب = شوري عليه .. انه يطيح ولا يقوم
واذا حضوري ماقطع راس الغياب ؟ = مانيب متهقوي على روس الحزوم
نزلت للقمه وبعثرت الضباب = وجنبت شوفي عن مجمّعة العلوم
بهيّب الدنيا وعيّت لاتهاب = وانا لحالي والليال السود قوم
خلّيتها للي يبي شرب السراب = يقضي حياته من سراب الى حلوم
اباخذ التقوى لآخرتي زهاب = شرع الله ابرك من تقاليد وسلوم
يالله يامرسل نبيّك بالكتاب = يامحيي الاموات يامنشي الغيوم
ياجامع انس وجن في يوم الحساب = يوم ٍ به المظلوم يقتص الظلوم
انت اللي عندك رحمه وعندك عذاب = وانت البصير اللي عيونه دون نوم
اغفر لـ عبد من العباد اذنب وتاب = ولازال يغرق في ذنوبه كل يوم
يارب لو عبدك يحيد من الصواب = من تتركه له وانت ماغيرك رحوم؟
العفو سيل ٍ لاحدر دكّ الهضاب = والذنب نار وكلّ لذاته جروم
والعبد يحتاج العفو لو ويش جاب = لو كان كلّ ايامه عباده وصوم
يارب انا عبد ٍ خلقته من تراب = لاتتركه في غبة ذنوبه يعوم


[/poem]

الله الله
الله الله
الله الله
يافيصل

وش نقول وش نخلي

الله يزيدك من فضله ويغفر ذنوبنا وذنوبك يالغالي


<--- مع تعديل البيت اللي يقول عبدربه

الله يا بو سعد ..!

وش كتبت يا فيصل والله اني مع كل أستمتع بـ الشعر

من المبدأ وفكرته وصوره الشعريه الى السلاسه في التنقل بين الافكار ،
مروراً بـ الفخر اللي عز الله انك كفو له على مستوى شخصك وربعك وشاعريتك ،
الى الروحانيه في نهاية النص شيء ثاني والله يا فيصل ،
من الظلم انسخ بيت او بيتين وابدي اعجاب ،

دره غاليه غاليه غاليه ،

مبدع يا بو سعد ،
في كل نص لك تتجدد وتثبت انك شاعر متمكن في أي غرض تطرقه



لله درك
لله درك

فيصل الدوسري



صح الله السانك .. مبدع



جميله من أولها لأخرها / وعسا الله يرحمنا وكل مسلم

شاعر وهجسي ذيب له مخلب وناب
اقدم وشعري من قدوم الـى قـدوم
مابيني وبين السحاب الا السحـاب
ولا بيني وبين النجـوم الا النجـوم


اشهد بالله انك كفو

ولاتحتاج شهاده من احد


هنا لانحتاج الا نسخه طبق الاصل لكل متذوقي الشعر الحي الحقيقي ..

لله درررررك ..

المتابعه والاعجاب مفروغ منها ..

عليكم السلام ورحمة الله وبركاته


مرحبا مليون يابو سعد

ويعلم الله ان هالقصيده لحالها في عيني وانها اكبر من التعليق بكثير الله يزيدك من فضله


وصح الله لسانك مدد

صح لسانك ملايين يافيصل




مبدع لاهنت


تقبل تحياتي