عوذي برب الناس وابكي مع الناس

صح لسانك ولاهنت ...!

المشاركة الأصلية كتبت بواسطة عامر عمار

الأخوه والأخوات في المرقاب الخلاب

السلام عليكم

لكم هذه المتواضعه مع التحيه

القصيده:

[frame="9 80"]

[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ساعات الوم اللي يعمّر بلا ساس=وساعات اعمّر بالأماني مباني
لا نص كاس من الأماني ولا كاس=اللي تجرعته كثير وكفاني
ماني معك لله ولا انتي مع الياس=الياس باعك غاليه واشتراني
شاعرك روح بواحدٍ يلفظ انفاس=ماباقي الا في حياته ثواني
وبدون علم اللي يقولون لا باس=نزل ملاكٍ من سماه وخذاني
ماعاد لي في كوكب الارض مجلاس=هذي جنازتكم وهذا مكاني
عوذي برب الناس وابكي مع الناس=وادعي وقولي يالله المستعاني
تلِّي وهلِّي كل نطفه بها الراس=لكن لا يثّر على شي ثاني
ماهوب انا اللي بس مرهف وحساس=حتى خدودك من عيونك تعاني
بالله وش يُفهم من الوان قرطاس=قرطاس تنطف فوق صفحِه صواني
واذا على صوره كذا اسلوبي انحاس=انتِ الك في كل المناهج معاني
لكل نوع من العسل شدق لحّاس=اذا مرد النحْل للقحوياني
تغريني الصوره على طْباق وجناس=وابقى معك باسلوبي الاولاني
(من لا يدوس الراي من قبل ينداس)=شطرٍ لتركي قد قريت وشعاني
وانا ليا منّي تناوشت هوجاس=قولي وش اللي في الطروق يعصاني
ماعبّت البنجاب في دهم الاكياس=ما ورّده تاجر وجا للمواني
ما تنثله شمّر على خشم ملاّس=ما تستر عتيبه بحيلٍ سماني
ما لج من هيج السناعيس متراس=ما سلّة الهيلا من احدب يماني
ماحرّكو حبّّه وطقّت بمحماس=وتعداد من يقراه من مودماني
الله يخزي كل قافي وبلاس=والله يسامح من ذكرت ونساني
البرد جاله تالي الليل نسناس=وشباط شب نويرته واشتهاني
وكل المحاطب يابسه والعصا فاس=لا عاد تطلع يا سهيل اليماني

[/poem]
[/frame]

وسلامتكم

عامر عمار

إسم إرتبط بالابداع

قرأت لك الكثير
ولم أجد سوى الإبداع المتجدد
الله لا يضرك


صح نبضك على هذه الفاتنه



تحياتي،،

المشاركة الأصلية كتبت بواسطة بدر ناصر العجمي

وعليكم السلام والرحمة


ماهوب انا اللي بس مرهف وحساس
حتى خدودك من عيونك تعاني

تعاني الله الله

يا سلام عليك يا عامر ما تقطف الا الزهر الله لا يعوقك

جعلك ما تلجم وصح لسانك ولا هنت

نتشوق للقادم

وافي للشعر يا بدر

اسعدتني عودتك والجمني ردك

صح بدنك وقلبك

المشاركة الأصلية كتبت بواسطة محمد بن عون

مرحبا ياعامر

كل عام وأنت بخير

من طول الغيبات جاب الغنايم




صح لسانك


تحياتي وتقديري

سلمت ودمت يا ابن عون


شرفني حضورك طال عمرك


لاهنت

المشاركة الأصلية كتبت بواسطة وجــد

وعليكم السلام ورحمة الله وبركاته


ماعاد لي في كوكب الارض مجلاس
هذي جنازتكم وهذا مكاني

الله الله الله


وكل المحاطب يابسه والعصا فاس
لا عاد تطلع يا سهيل اليماني

اليماااااني

ياسلام على هالابداااااع

صح لسانك مليووون وتسلم يمينك

حضور جزل وواافي

لاهنت

احترااامي

و
ج
د

هلابك يا وجد وبردك

نوّر المتصفّّح

صح بدنك لكل حرف ورد هنا

المشاركة الأصلية كتبت بواسطة عفاس بن حرباش

ياسلام ياسلام

عندك اسلوب يخلي الواحد يفكر قبل يقراء ويقراء ويفكر
لله درك يامبدعنا القدير !

ليس اروع من اسلوبك في الرد يا ابن حرباش

ممنون لتواجدك معي طال عمرك

تسلم

البرد جاله تالي الليل نسناس
وشباط شب نويرته واشتهاني
وكل المحاطب يابسه والعصا فاس
لا عاد تطلع يا سهيل اليماني




عامر



مبدع مبدع


صح لسانك ودام نبضك



تحيتي

الـبــرد جـالــه تــالــي الـلـيــل نـسـنــاس
وشــبــاط شــــب نـويــرتــه واشـتـهـانــي
وكـل المحاطـب يابسـه والعصـا فـاس
لا عـــاد تـطـلـع يـــا سـهـيــل الـيـمـانـي

صح لسانك ولاهنت .. لا زال حرفك محلقا ً .. ابداعا ً .. و عمقا ً
تقديري ومتابعتي .. اخوك ابو نايف