/.. { بعـًٌُُّْثرٍَهـٌ , (ج)ًُ

.

مافيه حاجه تجـي مـن يمـك وتـاوي
................................... لا رمش , لا صوت , لا عينين , لا عذوبه
قد شفت شاعر سواتـي يتبـع الغـاوي !
................................... وقد شفت مُذنب سواتـي يعشـق ذنوبـه !
تدرين ! شوفتـك بـس لحالها تسـاوي :
................................... كنوز كسرى وقصـره / سيفـه وثوبـه
ادخل علـى الله تصـد الميسـم الكـاوي
................................... عينك عقوبه ورمـش عيونـك عقوبـه
جيتك وانـا مـن بهاذيـل الهـوى راوي
................................... واللي سواتك علـى درب الهـوى دوبـه
اللي وصل لـك بعـد تغريبتـه ضـاوي
................................... طالبـك عـن جيّتـه لا تسكـر دروبـه
من دونك الموت واللـي جالـك إفـداوي
................................... بس قول ( احبك حبيبي ) بـس هالنوبـه
خله يعيـش السعـاده والعمـر خـاوي
................................... يمكـن يعـاف القصيـد ويعلـن التوبـه

.

ياللعوب اللي تحلى بالجمـال الراقـي
................................ يالغزال اللي تمشى في حدود العبلـه
مابقى في جوف شاعرك المعنّا باقـي
................................ غير كبدٍ من مواعيد الوصـل مندبلـه
ايه احبك بس مدري ويش انا بك لاقي
................................ والمحبه في زمننا الصلف ماهي سهله
كل ماجيتك سجين محبتـي واشواقـي
................................ حدني عن شوفك الذله وقل الصملـه

.

الطيب في بطنك ولغـوك واذانيـك
............................. ياللي احتكرت المجد في هالثلاثـه
ان جيت والا رحت ماعندنـا فيـك
............................. اخلاقنا تسمـو بحسـن ودماثـه
طبعك كذا تنقص وتنقص مباديـك
............................. ماعاد تنفـع فيـك هيئـة إغاثـه
اما على المقفيـن تعمـل تماتيـك
............................. والا بعرض الناس صابـك غلاثـه
اذيـت خـلـق الله .. الله يـذّيـك
............................. في نفسك اللـي كلبوهـا خباثـه
ابوك - عمك - خالك ومن حواليك
............................. مستحوذينـك للـردى بالـوراثـه

.

الركن له عام ماعدّى 11 زاير
................................. سيسانه الثابتـه , للحين ماطاحـت
لاهاجسٍ يكتب القيفان ع الطاير
................................. والملهمه اللي تثير بـ هاجسي راحت

.

+







وجه الشبـه بيـن افوكـادو ومانقـو
............................. تعطي شحن عضوي وقوه مع الشخص
والشاعر اللي في حزامـه ( فشنقـو)
............................. بضاعتـه حرجـه وماقدمـه نقـص
والا هل الشعـر الطحاطيـح سِرقـوا
............................. اللي بضايعهم تحمس هـل الرخـص
وشعـار هـوز ان هيـر والبارلنقـو
............................. ماباقـي الا يقلبـون الشعـر رقـص

.









ليتني عنـدك نديـب معاملـه
والا سكرتيرك عشان اشاورك

واشرح لك آيات الجمال الكامله
من حد رمشينك لحد اسـاورك

الإداري واليـديـن العامـلـه
الكل منهم وده إنْـه يجـاورك

الحلا فـ اللي سواك مجاملـه
دون ما نناقشك والا نحـاورك

.

اللي لجئ واللي انسجن واللي اغتيل
............................ ووجه الشبه ذاقوا ( مذله وإهانه )
والدور جايٍ لك يابشار ابو الليـل
............................ مانافعك جيـشٍ ومـال وحصانـه
معمـر اللـي سحّبـوه الرياجيـل !
............................ والله لتاكلهـا وتـدفـن وزانــه

.

تطور الناس بين الاوديو والميديا
وانا إلى الحين تعجبني غنم بيتر

الله اكبر وش اللي صار بالدنيا
حتى طلال القريني مسوي تويتر

.

غث كبدي شاعـرٍ مايمـدح الا شعـره
............................ وان نقد غيره من الشعار نقده " رفسي "
ملغي كل المواهـب والنجـوم الخبـره
............................ والله انك ماتقـول الا مريـضٍ نفسـي

.

ياركني الهادي صباح / ومسا الخير
.......................... اصبحت عندي شي مهم وضروري
كتبت فيك الشعر وارضى جماهيـر
.......................... لكن إلى هالحين ما ارضى غروري

.

ملهمة شعري وما يعني له ومايرمز
يافخامه , يا تضاريس الحسن , يالبطه

لو تنزل لثمتك , لو تبتسم , لو تغمز
جاك عمري فدوتك لو راح عندك قطه

.

مغرور , متكبر , وبي عـزة النفـس
....... ومكسوور .. واوقف على كسر رجلي

تعبت اداري عبرتي من قبـل أمـس
....... ماكنـي الا بدعـوة النـاس مبلـي

.

انت من ريقك تغذّى ماتبي لك وصفه
ريقك السكر مطيّرني ومن يلزمني ..!!

لابلع من ريقه الحالي اقول بلهفه :
ليه تتعشى وانا يابخيل ماتعزمني ..!

.

ماحدٍ يثير الجفول الفارق الطرقا
إلا نويقاتها وإحساس شاعرها

خوفتها بالحظوظ وساعة الفرقا
وصكّت تليفونها وراحت لاباعرها

.

لاتسبر جروحي ولاتحاول تويق
ماقد تشكّيت لبشر وانت خابر

ماهوب بس اني اكابر على الضيق !
انا على حتى انكساري !! أكاابر

.

الكامل الله ولاغيره حدٍ كامل
وانا تعبت اتعيّن في البشر صاحب

اما صديقٍ معه نفسية الحامل
والا صديقٍ ليا جت حزته ساحب

.

الناس عادات وقناعات وطبوع
وانا ماحب يطول معهم كلامي

لو كنت بجاريك في كل موضوع !
لا شك بفقد هيبتي وإحترامي ..

.

احفظ صلاتك كلها يافندي
يامصلي الجمعه عشان السمعه !

لاتصير مثل البنغلا والهندي
مايعرفون الا صلاة الجمعه

.

خلك على طبعك ودور ثاني
وهذي هداياك القديمه إمسك

لا تقول ماتقدر على نسياني
انا نسيتك وانت دبر نفسك

.

راعي الردى لو هو على باب الارزاق
ماجيه مستغني ولا فإحتياجي

والله لو آقف على مكسر الساق
ياعنك مادوّرت عنده علاجي

.

والله مدري وش انا بالهوى باغي ؟
عنيت حالي معك واتعبت نفسيتي

ارخصت قدري معك بإسم ( الهوى طاغي )
لين الهوى الطاغي افقدني مثاليتي

.





ماعاد عندي قصيدٍ عذب
والطله ماعادها الطله

ثلاثة ارباع شعري كذب
اكتب باحسيس خلق الله







.