بيت القصيــد

المشاركة الأصلية كتبت بواسطة عبدالله الطلحي

أحبتي الغالين

السلام عليكم ورحمة الله وبركاته

لعيونكم الغالية
( بيت القصيـد )

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامتعب الشعار يابيت القصيد=لولا تعبهم فيك ماجالك طراه
كم لي وانا ادور على معنى جديد=ماكل من دور على الطيب لقاه
لو كل من يحذف حصاه يجيب صيد=ماكان نحتاج البنادق والرماه
ولو ينصرف في البنك شيك بلا رصيد=كلٍ طمع في الدر الأصلي وإشتراه
لعيون من يبحث عن الدر الفريد=هذي وصاه لمن يحفظون الوصاه
يمكن ليا نصبت موازين العبيد=ترجح بميزاني ويكتَب لي نجاه
ايامنا ماكلها فرحه وعيد=وإن عشت يومك ماضمنت اللي وراه
والرجل مهما عاش في الدنيا سعيد=لابد مايحتاج ربعه واقرباه
لاتقطع ارحامك ويشملك الوعيد=ولاتخسر الغالي ولاترخص غلاه
واخوك لا تخسره لو إنه عنيد=يخطي مية مره وتسمح له خطاه
وإن كان شد الحبل حاول ماتزيد=ارخيه قبل الشد يوصل منتهاه
ولا تنصحه وقت الزعل مايستفيد=واعرض عليه النصح في ساعة رضاه
وليا طلب رايك عطه رايٍ سديد=وإن ماطلبك الراي لاتبحث خفاه
واعرف ترى قرب المنازل مايفيد=واحيان يبدي شي ماودك تراه
لكن لاتقرب ولا تنزل بعيد=خلك على قول المثل حذفة حصاه
واحفظ حبال الود حفظك للوريد=اللي معلق فيه موتك والحياه
ترى الأخو مهما حصل يبقى عضيد=وترى عيال العم ماعنهم غناه
الناس دايم ماتهاب اللي وحيد=اللي ليامنه وقف محدٍ معاه
لو كان في الميقاف عزمه من حديد=لابد بعض احيان ينزل مستواه
وخذ الحذر لو كنت في قصرٍ مشيد=الذيب لولا فطنته كلٍ رماه
لاتامن الدنيا لها مكرٍ وكيد=يمكن تحدك صوب شخصٍ ماتباه
إليا رمتك بوجه شيطانٍ مريد=طاغي ومتمسك بقانون الطغاه
ثبت عليه شهود والخالق شهيد=لا تندفع للشر وتسوي كماه
وإتبع دروب الحق عنها لاتحيد=ويبين راعي العرف من راعي العياه
ولاتبدي اسرارك لزيد ولا عبيد=من يحسدون الرجل في زاده وماه
لاجوك قول الله يدبر مايريد=ولاتعرض الدعوة على غير القضاه
إلا على شيخٍ وله عقلٍ رشيد=وإلا على مطنوخ له منصب وجاه[/poem]

ياسلالالالالالام عليك



عبدالله الطلحي عز الله دره ثمينه



نسأل الله ان يكتب لك الاجر





صح لسانك مليوووون




لك فائق احترامي وتقديري ...!!

المشاركة الأصلية كتبت بواسطة مطلق بن دعيج

والله مافي الذهب خيار لكن

اعـرف تـرى قـرب المنـازل مايفيـد
واحيـان يبـدي شـي مـاودك تــراه

لـكـن لاتـقـرب ولا تـنـزل بعـيـد
خلك علـى قـول المثـل حذفـة حصـاه


شاعر الحكمة الأستاذ / عبدالله الطلحي
أنا تلميذ أقراء لأستاذي لم أتي هنا للإشادة
فقط أنا هنا لأستفيد من الحكمه والشعر والتجربه
وكل ماهو سامي
وأقول صح لسانك وتقديري وإعجابي ومتابعتي اللامتناهيه
دمت بخير

هلا بك أخ مطلق
لك من إسمك نصيب
شكراً لك من القلب على تواصلك وإهتمامك
وعلى تشجيعك وكلماتك الرائعى

صح لسانك يا استااااااااذ

والله الذي لا إله الا هو أنه لن يندم من يقرا لك أي متصغح
سيجد الابداع في التصوير وجمال اللفظ وتركيب الابيات وجزالة المعنى

لله درك من شاااااااعر وعلم

الله يعطيك الصحة والعافية

تح ـياتي

المشاركة الأصلية كتبت بواسطة مستور الذويبي

عبدالله الطلحي..

هنا اجتمع الشعر .. والحكمه معا ..

وأتيت نا بسبائكــ من ذهب ..

صح فكركــ وشعركــ .. وكلكــ ..

محبتي لكـــ

هلا بك يا مستور
صح بدنك ياغالي .. دمت بخير وعافيه

لاعدمتك يالطيب .. ولاهنت

المشاركة الأصلية كتبت بواسطة محمد الفعم

صح السانك
واعتلا شانك



سجلني من متابعينك

شكراً لحضورك أخ محمد
صح بدنك .. ولاهنت

المشاركة الأصلية كتبت بواسطة عادل بن حجنه

شاعر الحكمة


كل ماتكتبه ذهب .. حكمة وشعر وجزاله وادب لايعلى عليه


صح لساااااااااااااانك يا استاذي وفي انتظار تنفيذ وعدك ..

الغالي عادل بن حجنة
صح بدنك ودمت بكل خير وسعادة
أشكرك من القلب على طيبك وعلمك الغانم

أي وعد ؟ ذكرني ترا الشايب بدأ يمسح هههههههه

المشاركة الأصلية كتبت بواسطة ناصر تراحيب

والرجل مهما عاش في الدنيا سعيـد
لابـد مايحتـاج ربـعـه واقـربـاه

للحكمه شاعر
وللإبداع مبدع
وعبدالله الطلحي شاعر الحكمه ومبدعها

لك التقدير الفائق
يا أديبنا واستاذنا القدير

هلا بالغالي / ناصر تراحيب
أنت من بيت الشعر ومقره ومرجعه
شكراً لحضورك الراقي وكلماتك المشجعة
ألف شكر