( عيال الرّعاه ) .!

ضيف الله

صح بدنك ولاهنت

عبدالعزيز هليل

صح بدنك ولاهنت

فهيد بن عصيدان


حبيت اسجل حضوري واتشرف .. والا
والله ان الشهاده يقطر دمها من اول حضور لك !
صح السانك دبل وثري



اخووك

والله ان الكلام يقصر دونها يابن عصيدان

صح الله الساانك جداااا

المشاركة الأصلية كتبت بواسطة فهيد بن عصيدان

صباح الخير ,

اعذروني على قصورها مقدّماً .,



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاعاد تنشد ويش حال فهيد , يامال الغناه=الأسئله معروفه , ومردودها .؟ مردودها
بعض النشايد توجع الرجّال , وتبيّح خفاه=ودّه بفرقا الناس لمفارق كُثر منشودها
ماكلّ برقٍ يجذب المسني ليامنّه رعاه=مدام مالِحْق المطر فبروقها ورعودها
والبارحه , ليله مهيب تعدّ من ضمن الحياه=لوانّه ايكاشف علي نور القمر .؟ ياسودها
أغبط خليّات القلوب اللّي لو اتحصّل لهاه .؟=اتسجّ في جرّة ربابتها , ورنّة عودها .!
وانا لي الله قلبي البارح شعاه اللّي شعاه=يطمر معاليقي من أصغرها , وياصل عودها
أمتّر ( الجهرا ) بساقي من خلاه وفي خلاه=ماكنّه الا في مطالعها .؟ يحرْس حدودها
خابر لي اطلالٍ لوقتٍ راح وأعطاني قفاه=يابري حالي , يوم أمسّيها وذعذع نودها
والنوم , مالنّوم درْب لعيني ولاله طراه=ودموعها ياهونها , ومْن اوّلٍ ياكودها .!
الضيقه انتشرت , ويومي من صباحه لامساه .؟=ماغير اذاودها عن الصّدْر وعجزت اذودها
ماكنّها الا ضيفٍ , ايضيق المعزّب لالفاه=ضافت معاليقي , وهيّت لإجتماع إوفودها
أسبابها , سرّ إجتماع أهل المشالح والعباه=اللّي يِحَفْظ سدودها , والا يبيح سدودها
والكلمه اللّي زتّها لساني على اطراف الشّفاه=نطقتها , وانا اعرف انّي ماجهلت بنودها
للصّاحب اللي يوم اوصيه , اجتنب درب الوصاه=ولامشى فيها وورّدها بغير اعدودها
صحيح مايمديني أغليه , ويشرّهني غلاه=لكنْه ماأدى الامانه , والعهود اعهودها
وانا بشر يخطي .! وكلٍّ عارفٍ وشهو خطاه=لكنّ ذيك الساعه ان عادت .؟ فأنا بعودها
أجابه أيامي , واواجهها على كلّ اتجاه=واحاول انفذ من قذايفها , ومن بارودها
أتبع هوى نفسي ياعنكْ انّه يعنّيني هواه=ونفسي على درب الهلاك تقودني وآقودها
وسنيني تمرّ , ونصيبي في سنيني .؟ ماخزاه=والله مدري وش حصيل اصدورها وورودها
وأحلامي تموت , وطموحي يحتضر فأوّل صباه=تعبت من كثرة خسايرها , وقلّة فودها
وإن جيت بطردها .؟ سبوق الوقت , مايمدي مداه=ولاصدق قول المثل : ملحوقها مطرودها
والوقت لايِحمد , ولايمّن , ولاينصف قِضاه=ناسٍ مايعرفها , وناسٍ يعترف بوْجودها
أحدٍ يِبعّد , لوّه أقرب : منسب ووجه ووجاه=وأحدٍ يِقرّب لجل زين : اللّي تكدّ جعودها
وقتٍ على عْيال الشيوخ , ايقدّم عْيال الرّعاه=لوانّها ماكبّرت ضيّانها ووقودها
ودنياً , تزيّن لي بملبوسٍ يشدّ الانتباه=تغريني , وتكشف مفاتنها , وليّن عودها
أطرد وراها , وإن دعتْ .؟ لبّيتها ماقلت ( هاه )=وأطبق شفاياي بشفاياها , وأضمّ زنودها
ومن قبْل لاتاصل مع العاشق لذروة مشتهاه .؟=تنفر , ولاتاتي وتِلْحِق بالصدود .؟ اجحودها .!
فالمبتلا .؟ يصْبر مدام إنْ : في بلاه الله بلاه=ولايلدّ بهرج حسّاده , وغلّ إكبودها
ولايشحّ بدعوة الله , دامه أقرب في دْعاه=ويناجي الله فالصلاه , رْكوعها وسْجودها
والرجلْ دامه حيّ .؟ ياقف دون ذكره ويحماه=والا الرخوم ارخوم , لوذكْرت بطيب إجدودها .!
ماتلحقه في نفسه مْن الناس شكّه وإشتباه=إيعرف ويش أهدافه , ويتعب على مقصودها
إيدوّر اللّي يرفعه , ولاينزّل مستواه=ويدرى مشاريه الرّجال , ويحْسب لمنقودها
وأنا هنيّا , يامنقّلة العلوم امن الرواه=وإن كبْرت القاله .؟ تراني قدّها وإقدودها
أطقّها فالوجْه , وأضرب فالخشوم وفالجباه=إلين أميّز بين صاملها , وبين شرودها .![/poem]


فهيد بن محمد

الله الله

ياسلام عليك يافهيد

صح لسانك مدد

مبدع إلا مالا نهايه ..

تقبل أعجابي ومتابعتي

سعود هديان

صح بدنك ولاهنت

المشاركة الأصلية كتبت بواسطة سلطان بن بتلاء

بدون انسخ ولابيت..واترك بيت


قصيده مترابطه يصعب على المتلقي ان يختار بيتا افضل من اخر


فهيد بن عصيدان..شاعر اطرب لقصائده .. واتوق لقرائتها والله عليم




هذا ليس من ارقى نصوص فهيد وحسب..

بل هذا من ارقى واكمل النصوص اللتي قرأتها الى الان


صح لسانك يابو محمد

ويعطيك العافيه

يكفيني الكلام اعلاه

من الشخص اعلاه

لبى تسبدك يا ابا بندر

الغالي بندر

صح بدنك

عايض الهاجري
ارحب يبومبارك
ولاعليك زود

لـو يـزود الـحـكـي ولا يـنـقـص.. ولـو اقـول الـكـلام الـمـصـفـف.. ولا اهـمـلـه
<< وشـفـيـه افـلاطـون
,,,,والله انـكـ مـبـدع يـافـهـيـد وتـمـتـلـكـ شـاعـريـه ذهـبـيـه
جـعـلـكـ تـبطـي حـي عـلـى عـز ومـعـزه
وصـح لـسـانـكـ مـدد مـدد ماهـو بـعـدد
وسـجـل إعـجـابـي
لـكـ الـود والـتـقـديـر

الغالي

فيصل سعد

صح بدنك

ولاهنت

ابومحارب

صح بدنك

ولاهنت ياريس

بن دلباح

صح بدنك ولاهنت

فالح الشلوي

صح بدنك
ولاهنت

المشاركة الأصلية كتبت بواسطة حمد بن صالح

أطرد وراها , وإن دعتْ .؟ لبّيتها ماقلت ( هاه )
وأطبق شفايـاي بشفاياهـا , وأضـمّ زنودهـا
ومن قبْل لاتاصل مع العاشق لذروة مشتهـاه .؟
تنفر , ولاتاتي وتِلْحِق بالصدود .؟ اجحودهـا .!


فهيد بن عصيدان


يظل للإبداع معك معنى آخر

قصيده شامخه مثل صاحبها
وليس عندي اكثر من ماقاله اخي فالح الهاجري

صح الله لسانك

ارحب يبوصالح

تراك عذبتنا بغيابك

صح بدنك ولاهنت

فهيد بن عصيدان :

من اجمل ماقرأت مؤخرا


تحياتي وتقديري

الكابتن عبداللطيف

صح بدنك
ولاهنت

أغبط خليّات القلوب اللّي لـو اتحصّـل لهـاه .؟
اتسجّ فـي جـرّة ربابتهـا , ورنّـة عودهـا .!

فهيد,,,,ابدعت
وعز الله انك جبت القصيد اللي ودنا فيه
قصيده جزله ورائعه وقمه في الجزاله والابداع


صح منطوقك ولاهنت

الضيقه انتشرت , ويومي من صباحه لامساه .؟
ماغير اذاودها عن الصّـدْر وعجـزت اذودهـا
ماكنّهـا الا ضيـفٍ , ايضيـق المعـزّب لالفـاه
ضافت معاليقـي , وهيّـت لإجتمـاع إوفودهـا


يا سلام يا ابن عصيدان




جزل وشاعر يطربني قصيده




صح لسانك ولاهنت







ودمت للمرقاب






تحياتي

الاخ فهيد بن عصيدان

صح لسانك

وبيض الله جهك

على هالرئعه

مسعد الهذلي

سعود ناهض الرويس


صح بدنك
ولاهنت

.

بعض النشايد توجـع الرجّـال , وتبيّـح خفـاه
ودّه بفرقـا النـاس لمفـارق كُثـر منشـودهـا


الله عليك يافهيد ..مبدع ومميز في كل حضور


تحياتي