[ طـــواري ]

تستحي / وليا ضحكت ضحكة براءه
تنكسر من لطفها كسر الخزامى

كنّها طفلٍ مايعرف للقراءه
ان تكلّم قال : يا بابا .. يا ماما !

يازين / عمري عشانك ضايعٍ نصّه
وان كان ناوي تضيّع نصفه الباقي

علّمني بـ موجز الأخبار والقصّه
وفي هالشنب لـ حذف بـ حبّك من اعماقي !!

.
ياحبيبي حبّكم بيّح سدودي
انكشف لأهل البطاله والمراتب

فرحتي بك فرحت الشعب السعودي
في سرى الصرّافه بـ يوم الرواتب !!

أذكرك حين القمر يبدي لنا نوره
وعلى محيّاك / لو طال الغياب .. أمسي

وليا تلاشت فـ بالي رسمة الصوره
من البدايه تعيد .. إليا شرقت شمسي !!

مستقلبي ضاع بـ اسبابك وروّح شتات
والوضع هذا مايرضي لـ امّك وشايبك

مدام عاشقك .. حبّك بين كل البنات
لو توصلين الثريّا ... جايبك جايبك !!

من الطفوله / قبل لا اعرفك محروم
الشق والرقعه تميّز ثيابي

وبعد عرفتك : قلت ماحولي هموم
واحرمتني بعد الطفوله / شبابي !!

خليتني بشوف الهنود اتصبّح
وتميس يابس معه فنجال غوري

وأنته على ريش المخدّه تسدّح
مستكثرٍ فيّه تسوي فطوري !!

يسعد صباحك وياحي الله الطلّه
طلّتك عندي هي الدنيا ومافيها

يانسمة الصبح ياورده ويافّله
ياروضةٍ طيرها يرقص لـ كاديها

حب الغضي بين الحقيقه والخيال
لاشايفٍ وجهه .. لا صوته سامعه

شوف الطبيعه ماهو بـ صوره فـ بال
ياليتني دكتور وسط الجامعه !!

سو ماتبي فالحياه وعيش متأنس
على ضفاف الكبر واحلام وريّه

وأول شبابك تغلّا واخره عانس
وانا يعوّضني الله فيك .. حوريّه

من باعني بـ رخيص - بعته بلاشي
وحده بـ وحده / والدعاوي هواين

ومن طحت من عينه فـ عيني ولاشي
ماشوفه / وعيني في عينه تعاين !!!

ياصبحه وشمسه وتفكيره وحلمه
ميّت على شوفك ومشتاق لـ علومك

سهران ليله : عشان يقول لك / كلمه
( يسعد صباحك ) بعد صحيت من نومك !!

نمت على شاطئ الأحلام تفاحه
وهب الجفا لين كسّر غصنها الوارق

ياليت قلبي خُلق من دون مفتاحه
إليا طُرق : قال / عفواً .. أيها الطارق !!