َبنوك بلا رصيد !

المشاركة الأصلية كتبت بواسطة نايف معلا

في ظل حملة التغيير التي يقودها المفكر فضيلة الشيخ / سلمان العودة ، أبيت إلا أن أكون شريكاً فيها بما وجدته ، وقد قالت أمةُ خلت : ( الجود من الموجود ) ..!

احترامي لكل من سأحضى به هنا ولو بالصدفة !


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا شيخنا سلمان والتغيير مفتاح الكمال = والآدمي مجبول في الدنيا على حب الجديد

لكن في ظل الظروف الراهنة يبقى السؤال = وش قيمة التغيير لا صرنا بنوك بلا رصيد ؟!

نقول ما لا نفعل ونفعل بعد ما لا يقال = ونوعد ونخلف ونتعذر دايم بعذر البليد

عقود من عمر الزمن مرَّت وحنا لا نزال = نبكي على أطلال النصر ورسوم ماضينا المجيد

من كثر ما نحكي عن الماضي ونسرف في الجدال = ما نعرف لبغداد حاكم غير هارون الرشيد

ومن كثر ما نغفل عن الواقع ونجفل للخيال = صرنا نوابغ في الخطابة والمقالة والقصيد

يا كثرنا في القول والمنقول لو ما له مجال = ويا قلنا لا جا مجال الفعل في اليوم الشديد

نقول ما للحمل غير الحمل وظهور الجمال = وجمالنا هادت عزايمها وعيّت لا تهيد

ولولا الجمال اللي بقت بحمولها تشيل الثقال = صارت عروبتنا مجرد رمز في طابع بريد

ستين عام القدس تستجدي بسالات الرجال = وحنا نعشمها بحلٍ سلمي وعيشٍ رغيد

ستين عامٍ وانقضت والاحتلال الاحتلال = وحنا نحاول نجمع الأضداد في وجه الضديد

نعقد قمم ، نشحذ همم والسالفة روح وتعال = نشجب ونستنكر ولا ندري وش اللي نستفيد

وهناك في غزة يغيب البدر ويهل الهلال = والطفل ما حصل غذا صالح ولا حقنة وريد

وبغداد مسرح للفتن والتصفية والاغتيال = وش لون ما تختل والمحتل له فيها عضيد

متوارثين الضعف أباً عن جد وإلا عن خوال = نزيد لكن مع زيادتنا مواجعنا تزيد

ويا قاري التاريخ سامراء مضرب للمثال = والله يستر لا تصير ( إسلام أباد ) إسلام أ ُبيد !

يحق لك تسأل وأنا أجاوب على قدر السؤال = والأمر لله والله يدبّر بخلقه ما يريد

إن كان تبغى تعرف اللي يحكم تعال = ( ارسم مثلث وأقلبه ، وارسم مثلث من جديد )
[/poem]

ياسلام عليك يابومعلا

صح لسانك لين ترضى

شهادتي فيك مجروحه

دام ابداعك