خيانة خيال ..!

المشاركة الأصلية كتبت بواسطة محمد السبيعي

اتمنى لها الرضا والقبول ..




[poem=font="Traditional Arabic,6,blue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انتي اللي حزينه .. ولاّ انا اللي حزين=ما انتظرت الاجابه .. قبل طرح السؤال؟
مرّري طيش قلبك .. دام عقلي رزين=اسألتنا قصيرة .. وأجوبتنا طوال!
ما شرحتنا المحبّه .. لو شرحنا الحنين=ولا فهمتنا الليالي .. كان باقي ليال!
في بداية نهاية حبنا .. واقفين=كل واحد ما وده يفتح (ا)لها مجال!
لكن انها بتبدأ لو تمرّ السنين=لا أنادي تعالي .. لا تنادي تعال!
انتهينا .. وكلٍ في عيونه سجين=دمع بعث المفارق .. دمع موت الوصال!
انتهينا .. وكلٍ لـ ( المواجع ) مدين=بـ / آهتينٍ سمان .. وبسمتينٍ هزال!
انتهينا .. وكلٍ من يدينه طعين=ما صدمتنا الحقيقة .. بس خان الخيال!
انتهينا .. ولكن ليتنا منتهين=قبل ابادلك همّ التربية .. والعيال!
قبل اجاوبك تم .. وتوّك بتسألين=قبل لا نحسب الممكن يهزم المحال!
قبل نزعل في حينٍ .. ونتراضى في حين=قبل بالضحك ننهي همهمات الجدال!
قبل نبكي بعينٍ .. ونتبسّم بـ / عين=قبل ربط المشاعر بإختلاف الخصال!
لكن انّه مقدّر .. والله اللي يعين=النفوس الخفيفة .. والعقول الثقال!
ما فطنّا .. وقلب البعد قلبٍ فطين=حين غرّة سرقنا .. ما سرق بالعدال!![/poem]

[align=center]يا سلااااام يا سلااااام

المبدع محمد السبيعي

صح لسااااانك

وقصائدك دائماً رائعة لأنها من القلب[/align]