علّـمـــــونـي .!

[align=center]*


*

وعليكم السلام ورحمة الله وبركاته


انا بحثت عنها وان شاءالله انه بحثي صحيح
والقصيده للشاعر \\ محمد القثامي


والقصيده كامله :


في رياضٍ عشبها اخضر وشجرتها ظليله
جيتها ودّي اسلّي شامها واطـرب يمنهـا

بالقصيد اللي رقابي واعتلى راس الطويله
جعبته مليا جواهر تِحْتِضِنـه ويحتضنهـا

وقمت اغنّي للفياض الخُضْر والبارق أخيله
وجت على بالي قصيده قام يسترسِل لحنها

كنّها صفرا جموحٍ مِن نسل خيـلٍ أصيلـه
تَطْمح لأعلى المراتب وبْيدي قاضب رسنها

قلت اباسرجها واذلّل كل صعبه مستحيلـه
وامدح اللي يِسْتِحق المدح بِرْساله ومنهـا

يارجال الأمر بالمعروف حرّاس الفضيلـه
في زمانٍ عند بعض النّاس مايِعْرَف ثمنها

أنتم سراجٍ ضياه الديـن والعـزّه فتيلـه
وانتم جبال السراة ولايضيم اللـي زبنهـا

وانتم سياجٍ منيعٍ ضـدّ الافكـار الدخيلـه
وانتم حماة العقيده والوطن هـذا وطنهـا

وانتم اشبه في سفينة نوح والغارق تشيله
تِحْتميه من البحور المظلمات ومن فتنهـا

وانتم كفوفٍ تجود بمدّهـا ماهـي بخيلـه
وقدرها فوق النجوم وطيبها مذكور عنهـا

وانتم اهل الحسبه اللي كل مجـدٍ ترتقيلـه
وانتم الصفوه وكلٍّ للعلا روحـه رهنهـا

وانتم الشهد المصفّى والقراح وسلسبيلـه
لو تعادتكم قلوبٍ شاحن البغضـا شحنهـا

واصلوا والله معاكـم يامحاربـة الرذيلـه
دام في دعوتكم قلوب الملا تلقى سكنْهـا

وانهضوا والحق يبغا كل رجـلٍ يرتكيلـه
وانتم لْحمل الامانه خيـر نـاسٍ نأتمنهـا

ويالله اللي كل عبدٍ مـن عبـاده يلتجيلـه
ياعظيم ٍ تَعْلم بْسـرّ المخاليـق وعلنهـا

نسألك تحفظ رجال الدين حرّاس الفضيلـه
في زمانٍ عند بعض النّاس مايِِعْرَف ثمنها



عبدربه .,’ كل الشكر لك على الاختيار الرائع


[/align]