بدايات المبدعين.....

البارحه دورت منهو يواسي


............................ جرح ٍ تعذر للاطباء علاجه


تعبت لين اتعبت خمس الحواسي


........................... انخى الصباح وفزعته وانبلاجه



ياقلب تهنا مالقينا مراسي


......................... شح القراح .. ولا بغينا هماجه


وان عودت مابين عيني وراسي


.............................. مالي ورى حبل المشاريه حاجه



اصبر ولو حكم المقادير قاسي


.............................. (( لابدها للصابرين انفراجه ))



من عادتي لاطحت اطيح متواسي


............................ واضحك على صفو الزمان وعجاجه


والا انت ياسيدي وربعي وناسي


............................... فديت لولك.. شفتك ... والتعاجه


يادر .. يامحار .. قلبي .. وماسي


................................. يانهج ٍ اصعب مايكون انتهاجه



ياللي تطق اصبع .. برقم قياسي


.................................. للزين وحدوده .. وطقه لتاجه



يالعز .. يالنوماس .. شفي .. وكاسي



.................................. ياطمعة الشاعر.. وخمرة .. مزاجه



يافرحتي ... يادنيتي .. وانتكاسي



................................... فراق غيرك لاجل وصلك .. مواجه




يابو عيونٍ ... غافيات ٍ نعاسي


................................ لبيه يارمشك... وطرقة حجا جه



لو امنعوني عنك مانيب ناسي



............................... والجرح جرحك وانته انته علاجه



لكنها مابين عيني وراسي

.
............................ تدري اجل ماللمشاريه ...... حاجه




عناد النفيعي

مخايل

صح
قلبك


موضووع رااائع بكل المقاييس

سأكون هناااا

س
ل
م
ت
ي

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يازين مسرا الجيب مع خط الازرق=المملكه قدمي والاردن اخلافي
على الذي يلحق ولا هوب يلحق=مسراه من مسرا المزون المقافي
اليا مشا عنه المواتر تفهّق=راهي ولا يصعب عليه الطوافي
من ينظره من سرعته فيه ماحق=من سرعته كن المواتر اوقافي
تقول حر(ن) للمخاييش مطلق=من كف صقار(ن) يجوب الفيافي
مسراه وسّع خاطر(ن) كان مغلق=وهاض الفؤاد وشلت لحن القوافي
وقلبي عقب ماامحل من البعد ورّق=توريق عشب الوسم عقب الجفافي
وشميت نود(ن) في عروقي تدفّق=نشّط اعظامي ثم ثار الخوافي
في ديرة(ن) للمجد والعز مشرق=دار السعود مطوّعين العنافي
اللى حموها عن طمع كل منشق=بالسيف حتى اصبح بها الامن ضافي
حلم(ن) لبوتركي بفعله تحقّق=لاعادت ايام السنين العجافي
حدّد حدود المملكه ثم وثّق=صك(ن) عطاه مخضّبين الرهافي
ثم ارتقت للمجد والحق ينطق=وفي عهد ابو فيصل جهوده اتشافي
فهد الفهود اللى محا الشر واحرق=قلوب عدوان(ن) تثير السوافي
مقدم هل العوجا هل الفعل الاسبق=رمز العرب عساه دوم امتعافي
مع وسط داره جيت مجنب ومشفق=للديره اللى حبها حب صافي
دار(ن) غلاها في ضميري تغمّق=لا ابطيت عنها صار فيّ اختلافي
افراقها لا ابطيت بالعون يفتق=تجذب سجاياها القلوب الولافي
الاّ الخفوق اللي من الشوق مادق=هذاك جعله مايذوق العوافي
دار الصباح اللي عداهم تدنّق=تدنيقة(ن) معها تعظ الاشافي
ريف الغريب اللي من الوقت مرهق=حلوين مرين(ن) صعاب(ن) صخافي
في ظل شيخ(ن) لا قسا الوقت يرفق=مضف(ن) على شعب الكويت اللحافي
ساس السخا اللي مثل الامزان ينفق=عمّر دول واحسن لكل الضعافي
شيخ القلوب اللي بحبه تعلّق=اي والله انحبه ونهتف اهتافي
حب(ن) على الفطره مع الشعب يخلق=ماننعسف في حب جابر اعسافي
ماهوب حب اللي ليا عاف يشنق=يغصب ويشنق كان صابه اعيافي
شيخ(ن) بميزات المعالي تفوّق=عساه سالم مايصيبه اخلافي
وعمار ياديرة هل العدل والحق=الحكم حكم العدل والشعب وافي
شعب(ن) سماته عن سما الناس تفرق=بشاش الوجيه اهل القلوب النظافي
الجود اله معهم مواثيق واطرق=ماصكوا البيبان والنور طافي
ياموتري قلبي عليهم تشوّق=واشتقت للي زاد شوقي اشغافي
اللى سناها كنه النور لا شق=يجهر سناها لا بسات الغدافي
من بعدها قلبي بغبنه تشلّق=وان ماحصل لقيا ماهوب امتشافي
ومسراي طول الليل من خط الازرق=وانا ابدع الابيات واشيل قافي
ويوم انجلا الليل وبدا الصبح واشرق=لا الكويت قدمي والجزيره اخلافي[/poem]


لــ حسين علي العتيبي

المشاركة الأصلية كتبت بواسطة محمد بن رشيد

مخايل

صح
قلبك


موضووع رااائع بكل المقاييس

سأكون هناااا

س
ل
م
ت
ي

هلا يابن رشيد هلا ولا هنت على تواجدك
الطيب
والله يسلمك

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أسعفني الوقت ولا ّ الوقت مااسعفني=والله لواصل طريقي وارخص الــــــــــغالي











أعرف طريقي ولي فكر ٍ مصرفني=واعرف دروب الهوى والمر والحـــــــــالي











أعرف طريقي ولا ابغي من يوصفني=وليا انتحى الدرب سقت الرجل مامالــــي











وانا احمد الله بدمعي ماغرق جفني=ولاا برك لحمل ٍ ثقيل الا ونا احـــــــــــتالي











ولا ّ انت ياللي تحسب انك مصرفني=من يوم فارقت وجهك والســـــــــعد فالي











كنت احسب انك على الفطره موالفني=واثرك مع الوقت صرت ألوان واشكالي











اعرف ترى الدرب سيده يامخالفني=ومادام ضيعت دربـــــــــي مالك ومالي











ارحل مبي عشرة اللي مايشرفني=مادمت واطي وانا في المرقب العالي











يؤسفني اني عرفتك يوم يؤ سفني=غلطة عمر مـــــــــــالها أول ولا تالي







[/poem]


لــ سالم بن جخير

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لحظه جنوني ودي أصدحّ تعالي=يا طايشه في صدر منهو ملكتيه

عثتي غرام وزاد وقعك ليالي=مركّي على جوف المعنّى بلاويه

تبدين يا وجه الرضا والقبالي=واعيش وقتي ساليٍ في نواحيه

تطوين همّي واعتراكٍ اف بالي=ويسيح ثقلٍ فوق صدري مراسيه

ياحنّ قلبي حنّ خلجٍ غوالي=حلّ الوباء وعيالها بين كفيه

ويا وجد حالي وجد عُودٍ وجالي=قشوّه قومن وابعدوا عنه أراضيه

يصفق بكفينه ويذرى الرمالي=على وقارٍ وأكثره من عناويه

لا عزوةٍ تذكر بوقت العضالي=صابر وكاظم مجبرٌ من يعزيه

ويا ونتي منها الضلوع النحالي =تحطبت وأبدت مكانين غاليه

عليك ياللي ناسياً عهد زالي=يا مخلفٌ طوري تمعن ّ مواريه

خثعت بي مدري صدفت البوالي=وأقحمت نفسي بالهوى مرغمٍ فيه

ياشيب عيني شيب مما جرالي=نقضت عهدٍ للعواشيق تكميه

غيبت وعيي واعتراني سؤالي =علل غيابك ياهوى البال... هو ليه؟؟

إما قبلت العذر وأرحت بالي=وألا تحزمت بنواسف تداريه

ويورّخ العشاق عيدٍ و صالي= ينسف بيومه كل هاوي هواويه

[/poem]


لــ محمد مشوط

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفراق بلا موادع في خفوقي شب ضوّه=مونس(ن)بين الضلوع الحدب يحرقني لهبها

صاحبي في خنجر غيابك طعنت القلب قوّه=ليت قلت ظروف واقنع بالظروف بلا سببها

انت لو علمتني باللي تبي قلت إلك سوه=لو تبي الفرقى لآقول الله لنا الفرقى كتبها

شوفني من بين ياليته/وياعلّه/ ولوّه=وإلمتى عيني على شوفتك مايغفي هدبها

وإن تجاهلت الغلا ماتلزمك فيني حموّه=احرق اجمل ذكريات الحب وازيدك حطبها

لاتحسب إني بدون احساس معدوم المروّه=عزتي بالنفس مايستحمل الخافق عتبها

كل جرح(ن) من ورى عينك ليامن لاح نوّه=لانزف كم ناس يطربها وتبديلي عجبها

وكان مابيّن بعينك شي طو الحب طوّه=وكان باقي لك بقايا جروح قبل تروح جبها

والا انا من قبل اعرفك لي مع الصدمات خوّه=مير حبك من سكن روحي عزايمها شربها

غيب لاكن لاقريت الحزن في شعري تفوّه=إعرف ان بيوته اللي قلت يرجع لك نسبها

كيف ابنسـآجرحك اللي فات واللي صار توّه=وانت في عمري قصيدة حب شاعرها كتبها[/poem]


لــ محمد العيباني

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قوافي شعر ابو منصور نادت يوقـدالمصبـاح = مداد القافيـه شهـد الرضـاب بجـزره ومـده
انا وحروف شعري والهجوس نواصل المسراح= تدور الدايره والليل يقبـل مـا وصـل حـده0
واذا بانت نجوم الليل اخذت من الدجى ملـواح =اسامرهـا واعانـق مبتـداي وطالـت المـده
رعاك الله يابرقٍ لمـع مـع نـوره الوضّـاح = سقى نوّه حنايا الصدر من بعد العطـش هـده0
تساقِي منه حبات البـرد شريانـي النضّـاح =تنَفس من هواه و بـل ريـق وللضمـى حـده
ولو هو ما ارتوى منه الثرى وانهلّت المسبـاح = تجي وسميه اتعل العطش لـو حـروة الشـده0
تباشر به طروش البدو بشرى الخاطر المرتـاح =تسابق لـه ضعاينهـم وكـلٍ شـد عـن عِـده
عسى يحيي هشيمٍ في قفارٍ مابهـا الااشبـاح = غدا لعبة سمـوم القيـض بالروحـات والـرده
يِعل ابه الثرى ريـح الخزامـى والنفـل فـوّاح = تثنى منه غرياف اخضـرا بأغصـان مشتـده0
تمادت عنجهية فكري الهايـم ولبـس وشـاح = يساهر نجمة الجـوزا وبانـت شامـه بخـده0
غفى له غفوَة الصاحي صحى من صرّت الارياح = ولا ا ستسلـم يعانـد بالقسـى ماتنثنـي يـده
تَعلم من مشـب النـار ودلال ونجـروسنـاح = وطن نجد وتربى شرق لو قد عاش في جـده0
يسج البيد عشر سنين لو هو فا لبحـرسبـاح = وقضي عقدٍ من سنين العمر كـف الكـرم مـده
وفا ماضي وفا حاضر وفا مستقبـل الإصـلاح = وفا وافي وفا كل الوفـا فـي هزلـه وجـده




[/poem]

لــ كديميس السيحاني

[poem=font="Simplified Arabic,5,gray,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياكثر غلطات الزمن لاتذكرت=انه جمعنا بس 00 لجل انتفارق



همٍ سطى وش فايده لو تصبرت ؟= همٍ غريق بوسط خفـّاق غارق



مقبول عذرك يازمن لو تعذرت=عادتك وانت لفرحتي دوم سارق



وياخل كانك في غلا قلبي احترت=تراك في عيني عن الناس فارق



أذكرك يومٍ جيت يمي وسيرت=فتحت قلبي وانت ماكنت طارق



مافي سماي الا انت مهما تصورت=حتى ولو يبرق لي الفين بارق



هلت دموعي يوم فالبعد فكرت=لقيت بعدك للمعاليق حارق



ياكثر مافي حقي اليوم قصرت=والحب مابه مغريات وفوارق



حتيش لونك لحبي تنكرت= ببقى بصدقي شامخه كالبيارق



خلااااااص انا للهم والضيق سافرت=ومات الغصن من عقب ماكان وارق[/poem]


لــ عيوف

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يالله يالله ياعدال مامالي= منك الفرج وانت عدال الموازيني
النار بقصى الضماير تشعل اشعالي= والنوم سبع اليالي مادخل عيني
بس اتقلب مابين يمين وشمالي= والقلب الاقشر هواجيسه تقزيني
للعسكري صرت بين اقفاي وقبالي= ولجيت انا الباب قالو رايحن ويني
اقول انا عندكم لي واحدن غالي= والحارس اللي على البيبان عاديني
ويارب فيكم من اللي يرحم الحالي= يرخصه ساعتن يالربع ياتيني
قالو علينا ماسوليه وغربالي= ياوين ربي طرحني فالرديني
وباصبر على حكمة الله ولله الوالي= وعوذبه من وساويس الشياطيني[/poem]


عايض الهاجري

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفرق واضح كنه الحق والميل = بيني وبينك فرق عاقل وفاصل

انا عليك ابعد من الارض لسهيل = ولعبي مع شرواك تحصيل حاصل

انت على درب الردى والبهاذيل = وانا على درب المواجيب واصل

كلمه نعم مطمع جميع الرياجيل = من دونها ياهيه ويش انت حاصل

اقشر طبع في ابن ادم القال والقيل = وعكسه يجي حرص الاهل بالتواصل

وترى التصنع صعب يذبحك بالحيل = اليا برك فوقك يفك المفاصل

والذيل مهما عاش يفني وهو ذيل = والناس تدري ياقليل المحاصل

خدمه ابيها منك من دون تحليل = اشتر على شاني مجلة فواصل

وتقرى كلامي ثم ينهدلك حيل = ويمصل عليك من الهواجيس ماصل

واخر ماعندي ياقصير المحابيل = من دون مافكر ومن غير فاصل

ان جيتلك حلحيل وان رحت حلحيل = يكفيني اني من حلاحيل واصل[/poem]


تركي الديحاني

[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
احتفلنا في هوانا واحتوى المعنى قصيد = من شعورٍ بالخواطر يمتلك شوقٍ وذوق
واستوى ليل السهارى والقمر ظاهر بعيد = يوم تحجبه المخايل وسط ومضات البروق
وابتدا صبحي بشوقٍ من هوى النوع الشديد = واكتمل داخل ضميري من بعد نور الشروق
ساهرٍ والنوم فيني عارفٍ إني عنيد = غاب عني يوم شافك يالسهر ليّه سبوق !!
صرت تايه في نهاري لا ولاني مستفيد = غير ترديد العتاب وغير تذكير الحقوق
مير لا(جدوى) و(حيله) من خفوقٍ مايفيد = ولا (حياه إلمن تنادي) دام مافيها وثوق
قلت نهدي من وريد الحب مافاد الوريد ؟؟= قلت نعطي من عروق الشوق مافادت عروق ؟؟
قلت نسقي من جديد الكاس مافاد الجديد ؟؟= قلت نروي من غبوق النوق مافاد الغبوق ؟؟
مابقا (هاجس) بقلبي غير خلّيته نشيد = مابقت (رغبه) بنفسي غير أخلّيها تفوق
يوم أنا حظي غلبني والزمن ظلمه مديد = للوفا عندي مجال وللجفا عندي نفوق
(إيه عاشق والمحبه في ضميري ماتزيد = لو تزيد يحين موتي والسبب ضعف الخفوق)
مالنا قلبٍ يادوبك نبتسم نضحك .. نعيد = كل شيٍ في حدوده مانزوّد شي فوق
ياحبيبي طال هجرك ياعسى فالك سعيد = كيف ترضى يخيب فالي يوم في وصلك تعوق
لاتروح ولاتباعد .. لاتخليني وحيد = لاتخليني وأنا اللي كنت في حبي صدوق
ماذكرت انسان غيرك وأنت (ياهل من مزيد) = ماعشقت انسان غيرك وأنت منبع للعقوق
مارخصت لغير شخصك (دمع) و(محاتى بعيد) = ولاجهلت الحب بعضه في غرامٍ أو بشوق
.
.
اغترب وأرحل وأسافر وأبتعد وأطرق وأحيد = مع جلوسي في مكاني يوم أفكّر بك وأروق ؟؟
أكتبك قصه وأعيدك وأكتبك وأرجع .. أعيد = حتى حبري في كتابة قصتك صاير شفوق
القلم لاجيت أخطه صار له وضعٍ فريد = [ تطري البيدا ويطري دفتري والحبر نوق ]
بالمجاهيم الليال وبالحبر نزف الحديد = تختلف حسب التواجد بين مرباعٍ وسوق
وتتفق بالوصف إنها ملكٍ لراعي وسيد = وإنها منفذ هموم إن طوّقك همٍ بطوق
.
.
ياحبيبي صار شعري تايهٍ ماله رشيد = إسمعه وإقرا شعوره واذكره يمكن يفوق
الغلا همزة وصل مابيننا وأكبر رصيد = والمحبه مطمعي والشوق ألحق بي فتوق
(( بس أنا عاشق وحبك في ضميري مايزيد = لو يزيد يحين موتي والسبب ضعف الخفوق ))[/poem]


محمد الحلفي

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي شهر جيش الحزن يجتاحني ركبه=فارقت دم العروق ونبض شرياني

حملت ذنب وانا مانيب مرتكبه=مجني علي وحكمت بتهمه الجاني

ياشين ظلم الحبيب ان صرت مغرم به=امر من طعم سم وطعنه سناني

واليوم كني سليت ورحت للشبه=روحة قشر ليتني ريحت ركباني

طرو علي اسمها ذي والله النكبه=من يوم لامس سموعي زلزل اركاني

اسم على اسم ولكن سبته سبه=جدد جروح بوسط الجوف واشقاني

عادي لبعض العرب لو كان ينطق به=لكن عليه خطر ويجدد احزاني

سوّيت كن الوضع عادي وكنت اشبه=من ماتوا عياله وفالبيت ضيفاني

كريم يخفي مصابه خوف يعرف به=ضيفه وصدره من الاحزان ملياني

الله يجبر عزاه ويخلفه ربه=ويجبر عزايه بعد في سيد خلاني

مامات لكن تنحّت به وقفّت به=عوج السنين وكلام فلان وفلاني

من جاب طاريه ربي لايبارك به=قلب علي المواجع لين بكاني

وضيّق عليه عسى الوالي يضيّق به=مشيت ماذقت انا فنجالي الثاني[/poem]


ياسر العتيبي