اللـي طموحه قليـل يصيـر مثله قليــل .. بعد غيـآآآآآآآب

المشاركة الأصلية كتبت بواسطة فيصل بن دبيل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يا منتدى المرقاب سامحني لو إني ما خطيت=على غيابي عنك لو إني مطول بالغياب
في غيبتي وأنا كويتي .. كن ماني بالكويت!!!=أحس فاقد حاجة ٍ يحسب لفقدتها حساب
لكن من عقب البطا يشفع لي إني لك وفيت=شهادتي عذر لغيابي يا عزيزين الجناب
[/poem]

السلام عليكم ...

من بعد اجازتي الدراسيه من هذا المنتدى

رجعت لكم ووفيت بديني .. وبقصيده القيتها في حفل التخرج

اتتركم معهاااا رغم اشتياااقي للقااااائكم ..

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا هاجس الشعر جملني وعدّ الجزيل=وبهّر دلال ٍ يسر الراس فنجالها
أبدع خيار المثايل لا تجيب الهزيل=في لحظة ٍ من زمن وأنا أتحرالها
لحظه فرح وإبتهاج ومفخره والدليل=فرحات الآبآء في تفوق عيالها
حنا على الخيل والمشوار درب ٍ طويل=الخيل مجهودنا ونفوسنا ابطالها
أحدن مراعي حصانه صبح وأطراف ليل=لأجل يعينه ليا من كثرت أقوالها
وأحدن غفل وإلتهى مابين قال ٍ وقيل=مايدري إن العلآ يا صعب منزآلها
ولا ثارت الخيل فالميدآن تصهل صهيل=ترى الأصآيل تبين وتظهر أفعالها
والحمدلله سبقنا فوق ظهر الأصيل=وفتحنا الأبواب لو هي كثرت أقفالها
بالعزم وإصرارنا ما نعرف المستحيل=لو إنتوينا الثريا قد وصلنا لها
اللي زرع وإجتهد لابد يجني الحصيل=وترى الهمم ما تدور كود رجالها
وقبل أنتهي بالكلام اللي يسمى جزيل=بختم بغاية بيوتي وأطيب أمثالها
اللي طموحه ( قليل ) .. يصير مثله ( قليل )=واللي (بعيد النظر) .. روس القمم ( طالها )
[/poem]

.
.
.

فيصل صح الله لسانك
ولاهنت
جزل ووافي وهرجك سمين

لاهنت
وصح بدنك الف

اللي طموحه قليل يصير مثله قليل


هذا العلم والكلام




اخوك

سالم اليامي