( الوقت طوَل ) مساجله مع الشاعر هادي الجلبان

المشاركة الأصلية كتبت بواسطة بشير العوام

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياحفيد الشاعر العوام الاول= يابو عبدالله نبي نسمع جديدك
انتظرنا نسمعه والوقت طوَل =وانت صاحب موهبه والامر بيدك
تقدح ابيات القصيده ماتسول= من عيون الشعر جعل الله يزيدك
لاتخلينا على القول المقول=ننتظر ياشيخ ونراقب بريدك
مانبي مافات من وقت يتحول=ودنا لحضورك الماضي نعيدك
ودنا في روضة الشعر نتجول= تطرب الاسماع لاسمعة قصيدك
وانت باللي ترغب تقوله مخول= من جديد الشعر والا من رصيدك

هادي الجلبان
الرد

عد نبتن من غزير الوسم توَل=مرحبا ياشاعر ٍ يطرب نشيدك
بالجزاله دايم ٍ شعرك مفول=والقوافي صعبها تصبح عبيدك
والشعر به ضجة ٍمن عام الاول= لو تسمع للقصايد ماتفيدك
جاه مستشعر وغنابه مهوَل= وقال جمهور الحداثه مايريدك
همه انه في حلو صوته يموَل=وعنده انه بالخشب يكسر حديدك
وزين شعر ٍ نسمعه والله منوَل= ذاك عيدي دوم ياهادي وعيدك
وان بغيت اللعب والجمهور ضوَل= انت شاعر محترف وانا عضيدك

بشير العوام
[/poem]

يا سلاااام يا سلااااام



المبدع بشير العوام



هلا وغلا ... ومنووور المرقاب


وصح لساااانك يابو عبدالله


وصح لسان المبدع هادي الجلبان


ومايجي منكم إلا الجزل والطيب دائماً