+( سيـف الـغلآ )+

الله لآيضركم









.. آسمحولي بـ قصيده ..









[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

من شاف وجهي قال وشـ فيك امغبون=واجامله واصدّ واخفيّ بلاي
.. سيف الغلآ .. يضرب على كل الركون=وشـ فيك (يابن سنيد) ماتضحك معاي
واضيعّ الموضوع .. عن لفت العيون=وأعانق الآوهام عن ضحكة عداي
مابيح له سدّي ولا هم يحزنون=من شان مايطمع .. وتقزر .. من خطاي
ماكل من ينشدّ عن الخافي يمون=ولاكل من فتشّ تواجه مع خفاي
في ذالزمن ياكثر مخلفة الظنون=آنعدمت الخوّه وانا قاضب سحاي
كلٍ لحاله كن ماهم يسمعون=ياجعلهم لو ضاقت الدنيا .. فداي
آيامي البيضا على حد السنون=شف من يناشبني على كسرة عصاي
إيه آنت( ياخاطر) على شانه يهون=ثلثين وضعي من غداي ومن عشاي
شرهين قبلي من هواهم يشتكون=ماتاقف الدنيا على ( بسمة) شفاي
تعبت من نار .. المحبه .. والشجون=وأخذت .. قسمي .. لين بادرني حشاي
حان (الوداع) وخافقي عنده زبون=إليا متى مكسور وادورّ رضاي
خلاص .. واسمحلي .. مع اللي يفرحون=بشيدّ ابيوتي على جبهة شقاي
ماعاد يمدي في هوى الغض الفتون=حظيّ .. جحدني .. لين ضيعّ لي هواي
آيستّ منه لين طلعّ لي اقرون=ونفسي غلبها داي واستاحش دواي
.. القلب .. من قوّ الخبر صار امعجون=لكن ابدعي لين ياتيني جزاي
يارب كل اثنين فـ الحب يعرسون=وياليت من يسمع يصادقني ( دعاي)
ماني بميتّ بعد قفنّ الضعون=الله يسمحّ دربها .. والله معاي
.. له منيّ .. أغامر على حد الجنون=.. ولي منه .. آنه ما ينقّص من غلاي
(حتيّش) ون عشت المقابيل امغبون=والله لو اموت ماطالع وراي
[/poem]









ولاخـلآ ولا عـدم