(سيف صدام)،، هدية إبن شليويح لنجله

.

.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
في مسمع التاريخ إحكي يالأيام=الصوت واضح والحروف أبجديه
لا سيق عذر الطرس من روس الأقلام=وش عاد عذر الأرض يالجاذبيه
الفكر في رجم الشعر رز الأعلام=و السالفه شرح البيوت القويه
فرحة قدوم إللي سكن بين الأكمام=هدية الرحمن جزل العطيه
اللي غلاته غير عن كل الآنام=ما ينهدا هدية ٍ عايديه
أحدن يجيب إله الملابس والأنعام=وأحدن يجيب ورود في مزهريه
لكنّ أبوه اللي على الصعب مقدام=لا جاب لا هذي و لا جاب ذيه
خلاّ العمالق لجله بحجم الأقزام=بأرض الشقاق و مرتع العنصريه
حتى تخّطى جيوش عبّاد الأصنام=بين الخطر و الفتنه الطايفيه
ولا تحسّب للمدافع و الألغام=عقب تعدّا الجبهه العسكريه
قدام قصر ٍ سوره مطرّز رخام=له قبة ٍ أطول من الفيصليه
دونه سيوف الموت و حبال الإعدام=و حوله سريه من وراها سريه
دخل عليه و لا على وجهه لثام=عوايد أهل المجد و أهل الحميه
لو إنّها ما بين خاين و نمّام=تزهى الشجاع اللي له الأولويه
جاب الهديه و الهديه مـ/تنسام=ما تنتزعها غير يمنىً نديه
أغلى الهدايا تركة أبطال الإسلام=اللي سمو في وقعة القادسيه
من كف أبو غازي عقب كف صدام=رمى الحُسام بحضن نجله هديه
موقف يورّخ للزمن و الحدث هام=ينضاف في تاريخ ذوي عطيه[/poem]
.

.