حبيب الجماهير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر مفتاح المشاعر وتعبير = شعور خفاقي نطق به لساني
في مثل هذي ماتفيد المعــــــاذير = كيف اعتذر من بعد ربي عطاني
الهاجس اللي مايعود مواخير = ولايمكن انه فاللزوم يعصاني
أصخر إجزال الطواريق تصخير = شاعر لساني فالمنابر حصاني
وقصايدي مثل الدلال المباهير = امقنده بالهيل والزعفراني
يطرب لها اللي ينقدون الشواعير = اهل النظر ماهم بصم الاذاني
من لا بدع قافٍ بمعنى وتصوير= لو هو ولد عمي وخيرة خواني
قلت استرح والله يمسيك بالخير = ماهو مجالك ياعريب المجاني
الشعر أدب يأهل الوجيه المسافير = وأنا هذا وقتي وهذا مكاني
حضرت اشارك حفلكم يالمناعير = واللي دعاكم في الحقيقه دعاني
ليت القصايد تقدر تسابق الطير = وتزف للشعب السعودي تهاني
بمناسبة عودة ملكنا على خير = اعظم ملوك الارض عبر الزماني
مقيم ومواطن وزوار وأمير =الكل يدعي لك بسر وبياني
ان غبت بغيابك على الشعب تاثير = مثل السما تفقد سهيل اليماني
وفي عودتك مانشتكي من معاسير =حنا على شوفك نعد الثواني
عم الفرح تبوك وحدود خرخير = ومن بحر جده لين ساحل عماني
وفي نجد ترقص زاهيات النواوير = والشرق يصدح لك بعذب الاغاني
حياك ربي يا حبيب الجماهير = في ظلك نعيش الرخا والاماني
وجهك يشع من الرضا والتباشير = ومحبتك ماتنوصف بالمعاني
حنا وطنا غير وملوكنا غير = على العهد مانقبل بشخص ثاني
مانسمع اهل الحقد ونواصل السير = طموحنا تحقيق كل الاماني
الحكم شرع الله ولافيه تغيير = مانعرف الاحزاب والبرلماني
نعرف هل العوجا الملوك المشاهير= اهل القنا والسيف والصولجاني
سلايل امام يقود الطوابير= اللي يخلي عشر خصمه ثماني
الدار وحدها بحدب البواتير = على كتاب الله بعزم وتفاني
اقبلها يوم المنايا مناحير = وبعد تعلا الكور شد العناني
ياجعل قبره للمزون المزابير = وعساه روضه من رياض الجناني
واليوم يحسدنا على خيرنا الغير = ماهو كلام يقال شوف العياني
الشعب ينعم في عداله وتطوير = صحه وتعليم وظمان ومباني
كل الدول من حولنا في زمهرير = وحنا نعيش بخير فامن واماني
الله يجنبنا صدوف المقادير = في ظل حكامٍ طوال اليماني
وحنا وطنا غير وملوكنا غير = على العهد مانقبل بشخص ثاني[/poem]