شعراء مغمورين

المشاركة الأصلية كتبت بواسطة أحمد خليفة الأسعدي

ياحبي لك يالامير

وعجل باللي عندك

القلوب شواهد

لاعدمتك يالامير

وابشر ان حصلت من مساجلاتهم شي جبته هنا

يا سلام يا سلام واصل يا رائع في هذا المتصفح الثري بالأبداع

لاهنت ياغالي
محبتي لك .

السلام عليكم ورحمة الله وبركاته
قصيدة أخرى للشاعر مبارك بن شحيمان ..........

أنا لابغيت أسج من طلعه المرقــــــاب *** تعرض لفي المقرود حظي وتنكيده
تداوج همومي بالصدر دوجة الركاب *** على تكسي والعيد باكر مواعيده
على واحد قلبي معه عاد عمري شاب *** ولازال معلوق الضمائر مواريده
ينفذ علي أوامـــــره هـينّـه وصعــــــاب *** وألبي كما المملوك لاجاوبه سيده
هزمني وأنا جيشي معه مدفع وإحراب *** وهو لابغاني سيدي صادني بيده
مضتلي سنين ما حدث للفراق أســباب *** وذلحين قد داري من دياره بعيده
نزح وانتزح مني ودبر مع الأجــنـاب *** يبي موتري دونه ثمانين تبريده




يا الله يا الله يا معبود يا كافي=يا عالم الغيب خالقني وتدريبي
الوذبك وانت تعلم سري الخافي=يا والي العرش تعطيني مطاليبي
رجل بلا مال ياتي عيبه اصنافي=لو كان يومي لهشال المراكيبي
ورجل معه مال ياتي حقه الوافي=لو كان بيت الردا ملفاه والعيبي
لوكان عبد قالوا ولد حكام وسنافي= وعطوه شوفاتهم كرهن بلا طيبي
هبيت يا وقت ما تحكم بالانصافي= قومت عز الثعل و تحطم الذيبي
ياسعود يامشكاي كانك ترحم الحافي=واليوم مضهود لاشكن ولاريبي
ان قام حظي سعودن قام باسعافي=وان كان سعودن تعذر مالي مثيبي



الي هنا وصلنا الي النهاية مع الشاعر مبارك ابن شحيمان

اقول عزالله انك ابيض وجه


فعلا انصفت المبدعين الذين لم يحظون بالضوء الاعلامي اللي يبرزهم كما يليق بهم


متابع بشغف

تقديري الجم

أسعد الله جميع أوقاتكم بكل خير


الشاعر /


(( عبيد الحريصي السبيعي ))


من الشعراء المقلين للنشر..


و أحببت أن أضع أمام أعينكم بعض من قصائده الرائعه








و أتمنى من العزيز الحكيم أن تحوز على رضاكم...


و أعدكم بأذن الله إنني سوف أسعى إلى ان انزل مااستطعت من قصايدة




الشاعر : عبيد بن فهيد الحريصي السبيعي من بني عامر من عجمان الرخم وهو شاعر لايحب الظهور الاعلامي على الرغم من كونه من فطاحلة الشعر يبلغ من العمرخمسين عام لاعلم عنة الكثيرالا ماذكرت لاكنه شاعر مبدع ومجيد
ونختار لكم من قصائده :


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا ابوفهد بعض السوالف غثا بــال =مالي بها لازم ولا لي با اهلـــــــــــها
وش لي بهرجة ناقل القيل والقال =اللي ليا من سمع هرجه نقلــــــــها
مع بعض اضافات عريضات وطوال = واقل مقدار الزياده دبـــــــــــلهــــــــا
سوالف مابين حاوي وجمــــــــــال = ما ارخي لها سمعي ولا لمن حملها
ناس لها بالكذب مخرج ومدخــــال =وفي عرض منهو غاب بالهرج تلهــــــا
شذابة المقفي رديين الافعـــــــــال = عنهم اسوق الرجل تمشي عدلهــــا
عنهم من هل الطيب بلقا لي ابدال = وعن هرجهم بلقا هروج بدلهـــــــــا
ولانيب مكلوف بتعديل من مــــــــال = ماني وكيل بالعبــــاد وعمــــــــــلها
في الناس عقال وفي الناس جهال =واهل الجهاله مايعالج جهلــــــهـا
ولا كل رجال كما قيل رجــــــــــــال =ولا تلحق الشرهات من لا احتملها
هذا ومن يقفى المقفين بأقـــــوال = الواجب انه يقال في الوجه قلها[/poem]


وهذه واحده من روائع قصائده

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

بسم رب الكون رب آدم وحوّى=جلّ شانه فوق عرشه ومتساوي
دون كيف أنه أستوى أو كيف سوّى=مؤمنين أنه أستوى ماله مساوي
ربنا اللي فاتقٍ ذا الجـو جوّى=من سـماءٍ مطبـقت قـاعٍ دحاوي
بقدرته ذا الكون كان و ماتحوّى=والأراضي السبع مع سبع السماوي
عالم النجوى و ما بالجوف جوّ ى=من نوايا ومن شـعـور ومن هقاوي
ومحصي الأعمال من خيرٍ و سوّى=وكـل ما يكـتب وماينطـق شفـاوي
أسـأله بسمـاه من رحمـاه نوّى=ماطره يشمل جميع أرجا النحاوي
متلوي الغيث غـيث لكـل جـوّى=غيث قــلب وغيث جمـالٍ وشاوي
يرجع برحمـاه نبت إيمـان ذوّى=من فعل شيطان الأنفس والشهاوي
و أسأله يقضي على من له عدوّى=الخـسـيـس اللي لأمتـنا عـداوي
و أسـأله حـظٍ يفـلّ ولا يطـوّى=وسعّد عيش الدار الآخر و الدناوي
و أسأل الله الهدى لأغوي وأغوّى=و درء أبه شرور نفسي و الخطاوي
و أبتدي في هـاجسٍ بالفـكر دوّى=يـوم قـام الـقـيـل يـرقى للعـلاوي
أحمد الله و أشـكره و أبه أتقـوّى=من فضل ربي على الجزله رهاوي
صعـبة التشـكـيل للمعنى تزوّى=طــرز فـكـرٍ صيدتـه صـيدة نداوي
بيـعـةٍ يأخـوان نـوره تو توّى=تـسـمـع الأصقـه وينظرها العماوي
بالعـقـيـده ثابـته وإلها الولوّى=دام شـرع الله مـقـضـوب العراوي
دارنـا دار المعـزّه و الرخـوّى=دونـهـا الأرواح نهـديـهـا هـــداوي
لازمى العـايل عـليـها مايضوّى=جـالب الأرواح يـلـقى له شـــراوي
نشـتـري روحه ولو أنه غـلوّى=يبشر بقـبـض الثمن لو هو غـلاوي
دام عـزك ياوطـن عـزٍ مسوّى=بحـكـم حكـامٍ عـلى المـنهـج تلاوي
ياولـد مَـنْ عز دين الله حـموّى=وعــزه الله جـعـل الله بـالـجـنـاوي
بالـولا لـجـدادنا نتـلى تلـوّى=ماتغــيـّرنا سـوى حـضر وبـداوي
من بغى الكـويات في راسه يكوّى=ميـسـم الحـماي مأحـماله حـماوي
هـيه يامن للوطـن بيّن عِـدوّى=ما شحـنت البـال ياكـلب الشـواوي
غـاويٍ مغـويك غـاويٍّ مُغـوّى=قـد حـلف لله لـغـوي كــــل غـاوي
ما سـجد لآدم وباللـعنه تـبـوّى=وأنـت مـثـلـه لا تبـعـته بالخـطاوي
كـنّ ودك للـفـتن مقباس ضوّى=وفي حـزم كـلّاب تـلـبـسلك غطاوي
أتق الله مـن على الله إيـتـقـوّى=نحـمـده مـأنت بكـفــو رد العـزاوي
بث هرجك من معه زوّد وشـوّى=من بعض مأسماه لهـروجه حلاوي
لاحـلى الله حـال محـتالٍ ملوّى=مـثل الأفــعـى فـيه سـم وله ملاوي
هـرجة إعـلامٍ مـع العالم تروّى=شيب عيني شيب من كثر الدهاوي
لـيـت كـلٍ قبل هرجته إيتروّى=ويـطـلع لحـسـابها حـسـب الفـتاوي
وأنت يامن للحجاج الطلـق زوّى=بطلق حجاجي لو حجاجك زواوي
دون حقي لا عـليه أحـدٍ تنـوّى=لا غــدى كــلٍ عـلى حقـه حـماوي
أنثـني للحـق ماعنه أتـثـوّى=هـات حق و هـاك حــق ولاتراوي
ولاتغـيّر لـو زماني ماتـسوّى=وهـرجٍ بلا فعــل طـلقٍ في خلاوي
مقتنع بالنفس و أرقـيها علـوّى=هـاقيٍ بالطـيب وأدركـله حـــراوي
ولالتفت لهرج من للـوجه لـوّى=نيـتي تكـشف لي دروب السـراوي
ماجرحت بقصد من ليّ يوم خوّى=لـين يعـجـز فــيه طـبّاب الـمـداوي
وأن جهل راعي الجهل وألا تغوّى=ماخـضـع الهامه لمن قدمي زماوي
ودون وجهي مد كـفيـني ملوّى=والله الـخــــــلاف يـتـلاها تـــلاوي
متكـل باللي لـمـدّتـه أتـروّى=وكل ما بالـكـــون مع كـونه فناوي
وختم قيـلي ذكـر رب آدم وحوّى=وأســأله بخـتـامـهـا حـسـن النهاوي[/poem]

@@@@@@@



وهناء الشاعر كعادته يبدع في كتابت الجزل .
قصيدة معايده للوطن الغالي .

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]


عاد عيدك بالفـرح ياوطنّـا والسعـود=جعل عيدك كل عامٍ يجـي عيـدٍ سعيـد
كل عامٍ وأنت بالعـز والأمـن معـدود=بأمر من حكّمت شرعه بمسيـودٍ وسيـد
يامنار الحق والخير فـي كـل الوجـود=يانواة الدين وحمـاه عـن كـل إتهًدِيـد
عن حِمى الإسلام وأهله على البيداء تذود=جعّل من ينكر حسانيك وأفضالـك يبيـد
كلمة التوحيد لك رايـة وغايـة جهـود=ودونها الغالـي نبيعـه لسوامـه زهيـد
فيك مانسمع ولانطيـع هـراج وحسـود=ماسواك فداك يأغلى وطن وأطهر صعيد
ياوطنا والله إنك علـى الأمـن محسـود=مير سو الكيد يرجع على من لـك يكيـد
ياوطنّـا لايهمّـك غليلـيـن الكـبـود=شرذمة فكر التطرّف مكثّـرت الوعيـد
طغمة الشر الخوارج خبيثيـن السـدود=من على عصر الصحابه وهم علة وريد
سجل التاريخ بفعالهـم صفحـات سـود=من جهل يقرى ويلقى به العلـم الأكيـد
والرسول المصطفى قال من أبناء الجلود=فرقةٍ تمرق من الديـن كالسهـم الهديـد
لو عددهـم زاد مـا فـاد والله مايفـود=دونك اللي عن حِياضك يضدون الضديد
ياوطنّا كلنا لك لا جـاء الـلازم جنـود=نلطم العايل ونقضي على الضـد العنيـد
والولا لهل الولا مثبتـه شـرع وعهـود=ما يبيد وكـل يـومٍ يجـدد مـن جديـد
للملك فهد أبـن عبدالعزيـز آل سعـود=أبوفيصل جعل عمره على الطاعه مديـد
قايد الأمه ذراهـا فهـد ذخـر الفهـود=لولَبّي الراس بسياسـة الـراي السديـد
خادم البيتين فرز الوغى مرسي الحـدود=ومنتهى الدعوى إلى طق حيدٍ عرض حيد
تشهد سنين مضن لّه وخلـق الله شهـود=مشهدٍ مشهود والله علـى خلقـه شهيـد
كانها بالراي رايه علـى الأريـا يسـود=وكانها بالفعل ينقـال مفـراص الحديـد
ولولي العهد عهـد الـولا كامـل بنـود=أبو متعب متعب الوصف باليوم الشديـد
للملك نايب وإلـى غـاب للأمـه يقـود=نعم به والنعم موصول باللي له عضيـد
أبو خالد نايـبٍ ثانـي و يرقـى سنـود=أن دعا الداعي ونادى نلبـي مـا نحيـد
عقب اللي لا وجب واجبه عنّـه يحـود=وعقب اللي كل همه حياتـه والرصيـد
من يوقد نار فتنـه لهـا يصبـح وقـود=ومن توفي دون دينه كُتب موتـه شهيـد
ياوطنا رايـة العـز فـي راس العمـود=وجعلهـا دايـم رفيعـه وبالعـزّه تزيـد
وجعل في عين الحسود اللدود يحط عود=وأستعيذ الله مـن كـل شيطـانٍ مريـد
يا إله الكـون يـا ذو الجلالـه يـاودود=ماستعنـّا ألا أنت وحدك وحنّا لـك عبيـد
ياقديرٍ مـا علـى قدرتـه شـيٍ يكـود=جلّ شانك كل ماشئـت تفعـل ماتريـد
أنصر الأسلام وذلّ النصـارى واليهـود=مع جميع أنصارهم من قريب و من بعيد
ياقـويٍ مـا علـى قوتـه قـوّه تـزود=ورِّنـا قوّتـك فيهـم ومزقهـم بـديـد[/poem]

@@@@


وهذا غيث من فيض من قصايد هذا الشاعر المبدع


لكم مني كل ود وتقدير


هنا مقاطع صوت للشاعر

[youtube]

وهذة قصيدة اخري



[youtube]