ليه أحس إني بعد بعدك وحيد .. ؟

صباحكم و مسائكم شعر و رقيّ حرف .. ,,
.
.
.

لقرب شهر رمضان المبارك نقول :

مبارك عليكم الشهر و كل عام و أنتم بخير

تواصليّه إسمحوا لها أن تحلّق في فضائكم

و تعانق مرقابكم .. ,,
.
.
.

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black""]
ليه أحس إني بعد بعدك وحيد = يا حبيبي يوم شدّيت الرحال
حال قلبي في غيابك لا جديد = بين هم وبين غم وضيق بال
شفت صمامة وريدي فالوريد = فجرت في غيبتك والدم سال
كان أحاسيسك بليده يابليد = حالتي لا جيت هي أقرب مثال
ناحل ٍ جسمي وكأني في جليد = فاقدك فاقد دفا كلمة تعال
شاحب ٍ وجهي وفاقد لي فقيد = غيبته طالت وهمي فيّ طال
كانها يومين عن عيني بعيد = ثانيه في غيبتك عندي ليال
قال لي حاول تجرب بالمحيد = كود ما تلقى تفاكيرك مجال
قلت طيب والصراحه والمفيد = مارفضته في وصاته يوم قال
راح يحسب قلب مفتونه حديد = ما درى به مايطيق الاحتمال
يوم سافر و الحكي كله قصيد = والورق قوا علاقات الوصال
القلم ينزف و حبره في مزيد = ينتثر فوق الورق نزفه خيال
من بنات أفكاري أوراقه تجيد = صورة ٍ لا جبتها نلت المنال
يا بنات الفكر شاعرك الفريد = يستمدك يزهمك في كل حال
ينبذ التكرار في فكره وليد = صورته في عنقها عقد الجمال
لو تشوف البيد ماهي بيد بيد = ضاميه للوصل ما فيها ظلال
و الشوارع ليلها ماهو سعيد = فاضيه كأن المدينه فاحتلال
شفت لا من حط فاليدين قيد = وأنت تصرخ لا لا هذا محال
و الحشا للهم والأحزان صيد = تبحث الحيله ولا فيه احتيال
هذا أنا ياقلبي وسيدي وسيد = كل عمري أنت ياذرب الخصال
لا زهمت الرقم عيا لا يفيد = يشبك الجوال في ذا الاتصال
وان بغيت ارسل رساله بالبريد = حرف شعري مع هجوسي في جدال
حرف شعري قال انا رايي سديد = الصبْرْ زين و جربه تلقى عدال
و الهجوس تزيد بالهرج وتعيد = من ضماها فيك يالعذب الزلال
شوفتك عندي تراها يوم عيد = يا ضما العطشان ياسمح القبال
غيبتك طالت و همي لا يزيد = عود تكفى عود لي يابن الحلال[/poem]

.
.
.

ع م ر

يا بنات الفكر شاعرك الفريد

يستمدك يزهمك في كل حال

ينبذ التكرار في فكره وليد

صورته في عنقها عقد الجمال

لو تشوف البيد ماهي بيد بيد

ضاميه للوصل ما فيها ظلال

صح لسانك ياعمر الدغيلبي

قصيده جزله ومعاني فيها جماله فكري راقي

امتعتنا بها

لاهنت

تحياتي

صح لسانك ياعمر على الابداع

حضور جميل يا عمرررر


صح لساااااااانك وسلم بوحك


تقديري

الله الله

عمر الحمد لله على السلامه
وصح لسانك مدد

غيبتك طالت و همي لا يزيد

عود تكفى عود لي يابن الحلال

صح لسانك

وبيض الله وجهك

المشاركة الأصلية كتبت بواسطة محمد مرزوق السميري

يا بنات الفكر شاعرك الفريد

يستمدك يزهمك في كل حال

ينبذ التكرار في فكره وليد

صورته في عنقها عقد الجمال

لو تشوف البيد ماهي بيد بيد

ضاميه للوصل ما فيها ظلال

صح لسانك ياعمر الدغيلبي

قصيده جزله ومعاني فيها جماله فكري راقي

امتعتنا بها

لاهنت

تحياتي

ابو مرزوق صح بدنك ,,


إشادتك شرّفت أخوك فيها


لا عدمتك ..

و لا خلا من حضورك

.
.

ع م ر

محيا محمد السلات

صح بدنك ,
وسلمت ع الإشاده

شرفت أخوك