اوراق خريف العمر .. !

.



.


يا زحمة الشعر والاعلام " خلوها " !!!

.. .. .. .. .. بسطٌر حروف شعري واكسر الحاجز !

الاوضاع بالوقت لفوها وحاسوها !!!

.. .. .. .. .. ماعاد باقي لـ عشاق الشعر حافز !

شعار هـ الجيل جابوها وودوها !!!

.. .. .. .. .. وحطوا شروط الاماسي ضحك ومناقز !

لابو القصايد لابو ناس ٍ تشرٌوها !!!

.. .. .. .. .. لابوك يا قاف بيني وبينك ملازز !

الشعر بأردى دراجاته يا ابو سوها !!!

.. .. .. .. .. وانا مع اهل الهوى متمركز وراكز !

حبيبتي كل هـ " العالم " تمنوها !!!

.. .. .. .. .. ولا اضن غيري من العالم بها فايز !

احبها و " المحبه " آآآه سموها !!

.. .. .. .. .. كذب ومصالح وطيش عيال ومخازز !

طالبك يالله تحفظ " ........ " لأبوها !!!

.. .. .. .. .. وتحقق احلام " شاعر " مغرم وعاجز !

.




.






تعرفيني مثل ما انا خابرك !

.. .. .. .. .. .. الجمل مهما حصل يبقى جمل !



صاحبك بالوقت هذا ذاخرك !

.. .. .. .. .. .. اذكري كم شال فوقه من حمل !



والله ادري بـ تاخذين بخاطرك !

.. .. .. .. .. .. بس انا واللــه مابيدي عمل !

.



.


اهداء !




[media]

.




.






ضاق صدري بعد ما ضاق صدر الكويت !!


.. .. .. .. .. .. آآه لا من ذكرت الشوق !!!!!! " يطري جفاك " !




كنت احاول ادور لك عذر !! ما لقيت ..


.. .. .. .. .. .. الله يسامح جروحك ويدمح خطاك !!

.



.


جيت كلي حسب مفهوم / " حب وحبيبه " . .

.. .. .. .. .. .. جيت والشوق قدامي , , وانا سايقه !!


ليه هذا الحبيب !! وليه هذا / نصيبه . .

.. .. .. .. .. .. كل " كلمه" تراود / خاطري " ضايقه " !!

والله اني حزين / وحالتي " مستصيبه " . .

.. .. .. .. .. .. لا تقول " المفارق " دمعته " لايقه " !!

انت صمتك رهيب / ونظرتينك رهيبه . .

.. .. .. .. .. .. اقطع الصمت ! انا صمتك ماني طايقه !!

.





.



الوقت داير والفلك معه دوار ,,

.. .. .. .. .. .. .. .. والعلم عند الله منشي الخيالي



الوالي اللي يستر الخلق بستار,,

.. .. .. .. .. .. .. .. العالي الجبار رب الجلالي



أطلبك توبه وانت للذنب غفار ,,

.. .. .. .. .. .. .. .. في يوم مابه غير ضلك ظلالي



مسلم ولا صفيت في صف كفار ,,

.. .. .. .. .. .. .. .. والمسلم اللي بسم بربه يسالي



الله يكافينا صواديف الاقدار ,,

.. .. .. .. .. .. .. .. ونلقى السعد في مقبلات الليالي



قدامنا جنه وقدامنا نار ,,

.. .. .. .. .. .. .. .. والطيب اللي شاع بين الرجالي



الشعر موقف ما يجي فيه معذار ,,

.. .. .. .. .. .. .. .. خصا ً ليا منه رفيقي عنالي



انا أقطف الجزله من الشعر وأختار ,,

.. .. .. .. .. .. .. .. وأصرف ذهب ما أصرف جنيه وريالي



شاعر وأقدمها على روس شعار ,,

.. .. .. .. .. .. .. .. أقدم وأحل معوقدات الحبالي



انا اشهد اني من طويلين الاعمار ,,

.. .. .. .. .. .. .. .. وربعي هم اللي يحتمون التوالي



جبلان والجبلان وافين الاشبار ,,

.. .. .. .. .. .. .. .. ربعي ليا من الزمن ما صفالي



تشهد لهم كل القبايل والاقطار ,,

.. .. .. .. .. .. .. .. تشهد لهم فالوقت الأول وتالي



أفعالهم تاقف مثل ضلع سنجار ,,

.. .. .. .. .. .. .. .. والا سوات طويق بين الجبالي



يوم الحقيقه ما يجي فوقها غبار ,,

.. .. .. .. .. .. .. .. مال الحمول الا ظهور الجمالي

.






.






والله ان كبدي على بعض العرب مندبله . .



.. .. .. .. .. .. .. .. الله يسدد " خطآي " وزلتي يمحيها !!





العباد الله يكافينا " البلا " منهبله . .



.. .. .. .. .. .. .. .. نآس ٍ علوم الردى تشفق على طاريها !!





كل وجه ٍ مات فيه الدم ! ليه أحسبله . .



.. .. .. .. .. .. .. .. المراجل فـ الوجيه البارده !! ننعيها !!

,

,

,

,

لله درك عد مآلاح برآق
على البيوت النآدرات الثمينه



سجلني من أول المعجبين بهذا الركن ان كان مافيه أحد سبقني

واتركني هنآ

وتحيآتي لك يآمبدع..

.





.




أنا وخلي .. لا زعلنا !! فعلنا !!

.. .. .. .. .. .. وإليا تضايقنا ..؟ تضايق لنا الكون ..!!



ثار الغبار .. وعجعجت .. من زعلنا !!

.. .. .. .. .. .. وشلون لو ننوي على الصد !! وشلون ؟؟ !!

.




.



بيّض الله وجه من يستحقون البيّاض ..

.. .. .. .. الرجال اللي علوم الوفآ تزهأبهآ .. .. !!


ابتدأ الدبدآب قاف القصيده واستهاض ..

.. .. .. .. وانتقى جزل المعاني وساق ركابهآ .. .. !!


اشهد ان لي لابة ٍبرقها بالطيب ناض ..

.. .. .. .. يشهد التاريخ في صفحته وكتابهآ .. .. !!


ربعي الجبلان والطيب مافيه اعتراض ..

.. .. .. .. والفخر لمطير والنار من شبابهآ .. .. !!


الحقيقه واضحه بالطوال وبالعراض ..

.. .. .. .. يابن سمدان المراجل كسبت اعجابهآ .. .. !!


انت ابو فيصل ومثلك يغيض ولا يغاض ..

.. .. .. .. العلوم الوافيه يا بدر تسعى بهآ .. .. !!


ياعريب الساس مالك بديلن يستعاض ..

.. .. .. .. احتزم والكايده لا تحسب احسابهآ .. .. !!

.




.



وش بقآ من ذكرياتك وش بقآ ,

.. .. .. .. الهدايآ والرسايل والحنين .. !


والله ان حبك على وضح النقآ ,

.. .. .. .. وغيٌرت مبداك شهبات السنين ؟


هذي الدنيا .. سقآ الله ما سقآ ,

.. .. .. .. مالنا بالكون غير الله عويـن .. !


يا فمان الله / وروح ابلا لقآ ,

.. .. .. .. انت وجه بـ حزة الحآجه يبين ؟!

.



.


آمر يـ ابو متعب وحنا لك جنود . .

.. .. .. .. .. .. امرك نطيعه , وانت راع القياده .. !


نارد على حياض المنايا لك ورود . .

.. .. .. .. .. .. وندحم عدوٌ الله بـ نيل الشهاده .. !


وأعلامنا ترقى , ونرقى بك سنود . .

.. .. .. .. .. .. وهذا هوى المسلم وغاية مراده .. !

.




.



للطيب دور وللمواقف رياجيل ..

.. .. .. .. .. .. وكل ٍليا جاء موقفه بان دوره .. !



الصاملين [ الطيبين ] الحلاحيل ..

.. .. .. .. .. .. أفعالهم بين الرجال امـخبوره .. !



والا الردي طاريه عند المشاكيل ..

.. .. .. .. .. .. إليا حضر دايم يفشل حضوره .. ؟

.




.



لعنبيش أغليش يالعنق الطويل ،,

.. .. .. .. ولجل عينش قمت أوشوش لعنبيش ..!!



وكان تبغآ الصدق يالرمش الضليل ؟؟

.. .. .. .. كل أبوي يحب شوفة كل إبيش !!!!!!

.



.


الناس ماني مفتش عن خوافيها . .

.. .. .. ..الخيل آعرف الاصايل من مرابطها .. !


بعض الرياجيل ذكراها يكفيها . .

.. .. .. .. وبعض الرياجيل ماسرّك مهايطها .. !

.



.


المرجله ماهي على موت رجال ...

لكن على موتك فقدنا المراجل !!!!!!!!!!!!!

.



.


الهنوف اللي ذبحني حبّها ،
مع هبوب الريح راحت ياحرام

مانويت [ أحبها ] وأكبّها ،
وألحق الأيام شرهات وملام

الليالي ما عرفنا طبّهآآآآآآ ،
والمفارق ماعرف قدر الغرام

علموها كان خافت ربّها ،
لا تخليني كذا دون اهتمام !!