( للنفس حق وللضروره دواعي )

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ياراكب اللي لاكشح نور الاكباس = اليا اونس البنزيم فالخط فاعي
اليا سرى كن المسارات الامواس = ارحل من الدمام واعلن وداعي
وانحر كهوف التيه مع كل قرناس = وسج رجلي فالفجوج الوساعي
اشد عزمي بالامل واطعن الياس = ويبقى سموي في سمو ارتفاعي
اترك ضجيج السوق ومجادل الناس = وهذا شرى سلعه وهذاك باعي
مابي علوم(ن) ماوراها الا الفلاس = مليت من كثر الحكي والسماعي
القى هدو البال لا ابعدت الارماس = للنفس حق وللضروره دواعي
والبعد عن ماتكره النفس نوماس = لا افلست من خوت حميد المساعي
في وادي(ن) ممطور ماجاه عساس = قفرن عذي ماللبدو فيه راعي
لاجا لدن دان الرعد فيه هجراس = اجي في حيد السيل وارمي شراعي
وانزل واكرع فيه ما اشرب من الكاس = مويت غدير ولا حليب المراعي
واجلس بمجلاس ماهو بأي مجلاس = ابسط فراشي في وساع الرباعي
فيها يزين لشبت النار مقباس = واجمع علاها من هشيم التلاعي
وانزل العزبه اليادق هوجاس = وصفرالدلال اللي لها القلب زاعي
شقر النحور اخصورها مثل الاقواس = قمت رفاهيت هواي ومتاعي
خص(ن) لاجا فنجالها يقعد الراس = زوود عليها لهفتي واندفاعي
للبن مقياس(ن) وللهيل مقياس = ختلت زلتها قدر مستطاعي
برية(ن) قطما وتحمس بمحماس = وابهارها من منتجات الرفاعي
اليا بعث فايح شذى الهيل الانفاس = فنجالها الاول يداوي صداعي
لا ابطيت عنها جاني ارهاق واعماس = تقول مفطوم علاها رضاعي
قلبي لها مولع و مرهف وحساس = وباقي على طبيعتي ونطباعي
والله ما أغبط من يتاجر باللماس = لو الضروف الراهنه ماتراعي
[/poem](صقرالمعتاد)

الشاعر صقر المعتاد

اسعد الله اوقاتك بكل خير

نص شامخ الله عليك صح لسانك مدد ..

بانتظار مايفيض قلمك

لاهنت ..

شعرك على الراس
ابوفارس
شاعر مميز

ابو فارس

صح لسانك مليون

فصيدة رائعة بروعة حضورك

تقبل مروري وإعجابي

اخوك

عبدالله بن رده

المشاركة الأصلية كتبت بواسطة فرج الدهمشي

الشاعر صقر المعتاد

اسعد الله اوقاتك بكل خير

نص شامخ الله عليك صح لسانك مدد ..

بانتظار مايفيض قلمك

لاهنت ..

.....................................
بارك الله فيك

مرورك تشريف

هلا وغلا

وانـزل العزبـه اليـادق هوجـاس
وصفرالدلال اللي لها القلـب زاعـي
شقر النحور اخصورها مثل الاقـواس
قمـت رفاهيـت هـواي ومتـاعـي
خص(ن) لاجا فنجالها يقعـد الـراس
زوود عليهـا لهفـتـي واندفـاعـي
للبـن مقيـاس(ن) وللهيـل مقيـاس
ختلـت زلتهـا قــدر مستطـاعـي
برية(ن) قطمـا وتحمـس بمحمـاس
وابهارهـا مـن منتجـات الرفاعـي
اليا بعث فايح شذى الهيـل الانفـاس
فنجالهـا الاول يــداوي صـداعـي


تصوير رهييب
صح لسانك يـ الشاعر على هـ الابدااع

تقديري,’’

وانحر كهوف التيه مع كـل قرنـاس
وسج رجلـي فالفجـوج الوساعـي
اشد عزمي بالامـل واطعـن اليـاس
ويبقى سموي فـي سمـو ارتفاعـي


يامال الشحم بيض الله وجهك اخوي صقر


انا اشهد با لله ابداع×ابداع

اشد عزمي بالامـل واطعـن اليـاس
ويبقى سموي فـي سمـو ارتفاعـي



القدير صقر المعتاد

صح السانك مدد بلا عدد

نص رائع

صادق ودي وتقدري لك

المشاركة الأصلية كتبت بواسطة مناحي الفرزه

شعرك على الراس
ابوفارس
شاعر مميز

.....................

يامال العافيه يامناحي

تحياتي واشواقي

المشاركة الأصلية كتبت بواسطة عبدالله الفهري

ابو فارس

صح لسانك مليون

فصيدة رائعة بروعة حضورك

تقبل مروري وإعجابي

اخوك

عبدالله بن رده

...........................

ابن رده هلا وغلا

مرورك تشريف

الانك بالشعر عريف

تحياتي