قلاده وسبحه

امل ان تنال بعض الرضى
7
7
7
[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت السماء تمطر علينا سكينه=حنا الالم يبني علينا مدينه
طفلٍ كسير ونام بحضان جده = والجد حاضن هالصغير بيدينه
والطفل حضان في عيونه دموعه=وياكثر مايخفي بقلبه حنينه
في كفه اليمنى بقايا لسبحه=وفي كفه اليسرى قلاده ثمينه
راحوا وخلوله بقايا وذكرى=وجروح مابين الحنايا دفينه
يرسم على الكراس زوله وزولين=ويشكل يديهم على راحتينه
يرسم حوادث ثم يرسم مصابين=ويسجل اسماهم وتشتاق عينه
يفز من نومه (يبه) لاتروحون=ويضم دميه والوجع في كنينه
يكتب ولد خالد ويكتب ولد شوق=ويخاف احد يكشف خبايا سنينه
عزي لمن يفقد عيونه وقلبه=وش طعمها اليا فقد والدينه
صارت حياته بين كسره وحسره=مشاعرٍ في وسط صدره سجينه
يدله ويذكر لاثنى الليل رجله=كلامهم لازال بذنه رنينه
كافح وعاش العمر لحظه ولحظه=وملامحه حتى بعرسه حزينه
يخفي بقلبه شوق والشوق فاضح=ياخاف تفضح هيبته دمعتينه
شيب وفي جيبه بقايا لسبحه=يعطر انفاسه بها كل حينه
وفي عرس بنته من غلاها عطاها=قلادة اللي في فؤاده ثمينه[/poem]


.

ابو راكان
اسعد الله جميع اوقاتك بكل خير
احتار في التعبير
لكن اقول(يالله مقسوم خير)
دمت غواص في اعماق بحور الشعر
الله يعطيك طولة العمر
تقبل مروري

ياسلام

صح لسانك

نص جزل من شاعر جزل

مبدع

لاهنت

المشاركة الأصلية كتبت بواسطة مشعل حمود

ابو راكان
اسعد الله جميع اوقاتك بكل خير
احتار في التعبير
لكن اقول(يالله مقسوم خير)
دمت غواص في اعماق بحور الشعر
الله يعطيك طولة العمر
تقبل مروري

الله يسعد حياتك يابو حمود

ولك وحشه ياصديقي