رساله لقراصنة الالقاب والمتلاعبين بالانساب

الليله الليله الاشعار وسميه
ترخي هماليلها ويلوح بارقها
مجنونه إيسوقها جني وجنيه
تسرح وتمرح واغربها واشرقها
وسمي علي جنبها ماهي بعاريه
مطنوختٍ عن جميع الغِيد تفّرقْها
ماهي بحيّا الله ولاهي بعاديه
معشوقةٍ مافتنها غير عاشقها
ماشاقها اللي مغير يقول قافيّه
قافيته خابره من وين لآفقها
ركّب عليها لحن ياطاق طاقيه
وسرى عليها ولمعها وزبرقها
وانا بعد جيت والابيات حصريه
على المنصه تسابقني واسابقها
اخترت لي من جزيل الشعر مطويه
في المحفظه كمّلَهاَ وانا مطبقها
للي لهم في علوّ الطيب ماريه
ماخاب من فيهم الهقوه معلقها
ربعي هل الكايده لادارت الهيّه
روس المناعير يالله لاتفرِقها
إيِنوُلها من سمان القول منقيه
ينشط بها خاطري ويِزِيِن منطقها
ربعي ليا صارت الافعال جديه
عمار لاكبرت القالات روّقها
يوم انها بندق وسله وجنبيه
افعالنا تاجها والعز بيرقها
فزعاتنا ماهي بفزعة حلنقيه
أسم على هامة الطاغي يطربقها
مانلتفت للهروج وللخطاويه
وناسٍ على الطيبه ماالله موفقها
لكن انا بعتبرها شبه برقيه
ارسالةٍ يارسول المعرفه سقها
سقها وعنوانها* (قصة حراميه)
للي صنع كذبته وامسا وصدقها
اشتالها واستلم خط اليمانيه
ولآوصل مكه الا زِيِد فرقها
اظنها عمرها بالظبط حوليه
من يوم اخذها وفبركها ولصقها
مايدري إن الثمن بالدم مشريه
من دونها عسكر البارود بندقها
عزوة قثامي ومن دار القثاميه
يابعدها عن مرادك لو تشفقها
وخذت معها حليمه واصبر شويه
يمكن على غيرها تومي مطارقها
وشاعرهذيل اعترف ماهي هذيليه
شهادتٍ قالها بسناد واطلقها
وحتى هل الفيل من قبل الهلالييه
اجيوشهم ماتهنا لين مزقها
اهتج فيل ابرهه فوق العمانيه
ماباقي الا حلوق الناس يخنقها
وعكاض والناس مبتلشه ومبليه
غيّر تواريخها واخلف مناطقها
هذي خطيه ومربوعه ومثنيه
ياكبرها عند ربك كيف تسرقها
اهذيل تاريخها وفعولها حيه
ماهي بحاجة تواريخٍ* تلفقها
نعمين اغني بها من صافي النيه
من عادتي ياحقوق الناس مادرقها
واللي تعدا علينا يونس الكيه
*اكبود تلقى الرضى وكبود نحرقها
مير اعتبرها رساله شبه برقيه
وصلتك تحتاجها والا تشققها،

اتمنى احد ينسقها ماجات معي..

القثامي
ارحبب
صح لسانك
تقبل مروري

مايدري إن الثمن بالدم مشريه
من دونها عسكر البارود بندقها
عزوة قثامي ومن دار القثاميه
يابعدها عن مرادك لو تشفقها


صح لسانك يابن قبلان

ابدعت وامتعت

وصدقت ...