(( مقتطفات من شعراء عتيبة بـِ أقلامكم ))

السلام عليكم ورحمة الله وبركاته


وصلتني هذه الرسالة عن طريق الإيميل ايضا ..


[LINE]hr[/LINE]

السلام عليكم ورحمة الله وبركاته

أخواني المرقابيين

أطلعت على موضوعكم الخاص بمقتطفات شعراء قبيلة عتيبة

والفكرة جدا رائعة أهنئكم عليها واتمنى لها النجاح .

شاعرة عتيبية تعتبر من أفضل الشاعرات الخليجيات المعاصرات بوجه عام

وهي الشاعرة المثقفة / بنت روق (قهر يزيد ) وهي عضوة المرقاب وغنية عن التعريف ..



من قصائدها ..

لبّى عتيبة لبّها كل حزة


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لبّـى عتيبـة لبّهـا كـل حـزة=ماللفخر فيها مواعيـد واوقـات
ثورة غلا ترجف عروق المعـزة=وقلوب تمطر بالوله و التحيـات
كل يوم عيد لحبهـا فيـه فـزة=بيرق عتيبة فوق سبع السماوات
الله وهبهـا دايـم الـدوم عـزة=قدر لها قرب النبي والكرامـات
عرفان والعرفـان منهـا نمـزه=من مهدنا نرضع تواريخ وايـات
ذكر النبي وانسابنا مـا يجـزه=طول الزمن ولا مرور السنـوات
منهو يطول المصطفى من يبزه ؟=ابنفتخر به ياعليـه الصلـوات
ولا من مدحنا نفوسنا ما نتنـزه=كان النبي يفخر وبقريش بالذات
وحنا على هديـه نشـدّ ونلـزه=سنته فوق الفوق ماهي ابتداعات
من كان عوّره الفخر واستفـزه=يقرا احاديث النبـي والرسـالات[/POEM]





قبلي وقبلك ..







[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قبل الكلام يحس في معناه وثيابه تضيق =قبل الدفا يحضن دفاك و ياخذ لحضنه دفا

قبل الشروق يشوف نورالشمس وعيونه تفيق =قبل الغمام يرف بامطار المودة والوفا

قبل اختيار الفقد لضلوعي يولعها حريق=قبل الطفولة واليتيم اللي على الحزن انكفى

قبل الكثير اللي نسيته طاح في نص الطريق =قبل الكثير اللي اشيله لك ولا احسه كفى

قبل انكساري واختياري اتبع الخيط الرقيق =قبل الامل والياس واحلام المواجع بالشفا

قبل الدما تمشي مشاوير الغرام وما تطيق= احمولها والدرب وسط الريح ما عمره صفا

كنت الهوا اللي ما زفرته من تنفسته شهيق =كنت الذهول اللي تشل اطرافه ثلوج الجفا

قبلي وقبلك قبل ينده من على الموت الغريق =قبل ارتكاب الصبح جرم النور دنّق و انطفى [/POEM]



أنت كل العمر والباقي ... ظروف





[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا توريني حبيبي وش بشـوف ؟=صم قلبي عنهـم وبالـي كفيـف
خلني في عالمك وحـدك اطـوف=خل حسادك على جـال الرصيـف
وان أبيـت الا نقلطهـم ضيـوف=يقدعون الغـل والنـار الرغيـف
لو طلع فعيونهم نخـل الهفـوف=من رداة الحظ والفكـر السخيـف
يا حبيبي ماعلى المحبوب خـوف=ما يطولونـك وأثخنهـم نحيـف
انت في دمي ونبضي والحـروف=وين يا سقف السما كيد الضعيف ؟
انت كل العمر والباقـي ظـروف=حطها في الدرب تقديـر اللطيـف
كفتك ترجح ولـو صفـوا الـوف=ياربيع الحـب والباقـي خريـف
يارعى الله قلبك الغض العطـوف=يا لحى الله حاقد ٍ وجهه كسيـف
في شموخك كسرة الريح العصوف=في شموسك صهرة الشمع الرهيف
لاتوريني وانا غيـرك مااشـوف=خلني في غمرة الشـوق العنيـف[/POEM]




إنتهى ..