(((بصمة على اوراق التاريخ)))

المشاركة الأصلية كتبت بواسطة فايز ابورجيله الثبيتي

بسم الله الرحمن الرحيم



اعزائي الاعضاء والزوار:كل عام وانتم بخيربمناسبة قدوم شهر رمضان الكريم


طلب منا بمناسبة الحفل الذي سيقام لمزاين عتيبه ان اعمل قصيده ولكم ماجادت به القريحة

بهذه المناسبه وقبل البدء انا اقول وبالفم المليان (ماعلى كل القبايل زود) ولكم القصيده






[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]سلام ولا مرحبا في حفل وافين الخصال=الاوله ماهي خطا والثانية في سوقها

بدعتها من هاجسي والعرف عندي راس مال=وياطيبها بعد استوت لي واستوى طاروقها

ولك عهد ياشاربي اني لجنبها الهزال=مدام راسي يعشق الجزله وهو معشوقها

واللي سالني قلت له تعال احل الك السوال=ولك قناعه في اجابه ياحلو منطوقها

تقول الي من وين وانا اقول مافيها جدال=من لابةٍ ماضيعت طول الزمان احقوقها

عتيبه الهيلا وانا منها ولي عمٍ وخال =الشجره اللي في ثرى الهيبه تمد عروقها

انشد جنوب الارض والا الشرق والا فالشمال=يوم المراجل حوق حنا اللي قدرنا نحوقها

ولو تنشد التاريخ والتاريخ ثابت لايزال=منهو قدر على طواغيت الزمان يعوقها

دون الشرف شفت المنايا اللي تهيبها الرجال=اقسم بربي مثل شرب الماء لو انا انذوقها

وشفت الجبال الراسيات اللي نسميها جبال=حنا علمنا من قديم الوقت رفرف فوقها

وشفت البحور اللي تصافق بين جال وبين جال=الله واكبر يوم عمنا وانفتح صندوقها

نارد بعد لمع السيوف المرهفه عدٍ زلال= ولا العداء حرام ماتقدر تبل حلوقها

وان قلت الي هذا طغى حلفت الك بانه حلال=في ناس تلقى لقمة الايتام تحت اشدوقها

حنا ملكنا الارض هيبه دون شكٍ واحتمال=وافعالنا بانت مع افعال الرجال افروقها

مخايل المجد القديم اللي من اسنينٍ طوال=لاجبت طاري لابتي قامت تلوح ابروقها

فينا كرم مايشبهه الا هماليل الخيال=ولا نخيلٍ بالتمر قامت تميل اعذوقها

وفينا حميه يوم طوحنا العمامه والعقال=عشان ذيك الدمعه اللي ماسترها موقها

وفينا وفى يوم انها راحت على سلم الريال=تكرم لحانا في وفاها عن نوايا بوقها

يضفي علينا الستر من ربي على طول الليال=لو غيرنا ماعاد رقعتها تسد اشقوقها

ياهيه ويش اقول لك شيٍ يقارب للخيال=ولا والله الا كل حجه وثقت بوثوقها

هذي سوالف لابتي ماهي بلاقيلٍ وقال =ومنهو قدر ينكر غروب الشمس ولا اشروقها

لكن باعيد الك الاجابه واستمع يابن الحلال =انا من اللي ماتضيع فالزمان احقوقها[/POEM]





وسلامتكم

فايز الثبيتي

صح لسااانك وجااااد بياااانك

يدوم عزك وعز

الهيـــــــــــــلا

ومهما قلنا في الهيلا لن نوفيها
حقها علينا

دمت بخير

تحياتي لك