(( عمودي ))

[poem=font="Simplified Arabic,4,black,bold,normal" bkcolor="transparent" bkimage="" border="ridge,6,orange" type=2 line=1 align=left use=ex num="0,black"]
اشوفك بالقمر لامن تجلى بعد نصف الليل=واشوفك بالسحاب اليا تعلا واسبل اطرافه
واشوفك بالبروق اللي تكاشف كنها القنديل=واحس ان البروق لخافي الاسرار كشافه
على القهوه حديثٍ فيك يكفي عن وجود الهيل=اذا اطراك المقهوي عنصر التبهير ما ضافه
بلغ حبك بقلبي ذروة الادهاش والتهويل=اذا وصفت غيره شئ ثاني..تطلع اوصافه
احبك يافتوحات الغرام من البحر للنيل=والى باقي التخوم اللي حكمها الحب بعرافه
واشاهد لك من الحرمان ضدي طايرات وخيل=تسابقها ظنونٍ في هلاك الحب هتافّه
لك النصر المحقق بأعتراف الدمع والمنديل=تسلّمني عروشٍ خاويه وجروح نزافّه
جميع الاوديه ترفض مروري غير وادي ويل=سمح لي بالمرور وحط لي حراّس سيافّه
غريب الاوديه صارت تعذّر ماتحب السيل=تباب لكل وادي مايمر السيل بأجوافه
انا رجلٍ خلقه الله شاعر يحمل التوكيل=عن الشعر السجين اللي كثير الناس ماشافه
اهيم بعالم الشعر الرهيب اللي يهّد الحيل=واجي سجن المعاني واطلق المعنى من اكتافه
انا خطٍ تصافح عنده اول جيل واخر جيل=انا من حقق اهداف القصيد وضيّع اهدافه
أنا من مثل الشعر الصحيح وحارب التمثيل=ولاردد نشيد يمدحه ويعيب أسلافه
تتبعت الجمال المختنق في زحمة التجميل=ورفعت الظلم من ذاتي عليه وقمت بانصافه
درست الكون في عين بصرها محكم التنزيل=وفي نفس شجاعة من عذاب الله خوافه
قطعت الألف ميل من الوفا بحساب واحد ميل=على باقي شراع كسر الحرمان مجدافه
خذت مني محبين الوفا كيفيه الترتيل=هذا علم نافع مايبور بكف صرافه
يكفيني وأفاضل وأتميز واهدي التفضيل=الى غيري يقوي موقفه ويعز ميقافه
أزيد الكيل للنخوة وأموت ولانقصت الكيل=ولوجاني من الأحباط تيارات جرافه
أنا عامودي تابع مسيرة فايز بن هذيل=زهد نخوة على اشداد الفخر والدرع باكتافه
عزومي مايهبطها رصاص الكذب والتضليل=ولايهزمني الحاسد بعون الله وأحلافه
أنا يهزمني المعروف بالموجز وبالتفصيل=كما يهزمني الحب الحقيقي يلعن أسقافه


ذيب الشمري[/poem]