البااارحه

المشاركة الأصلية كتبت بواسطة فالح المصعوك

بعد تردد وصراع مرير مع النفس

اضع بين ايديكم هذه المتواضعه ومرروها ياحباني:

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحه عدت ولاهي تساهيل=اعطتني المقسوم ضيق وندامه
الليل ماكنّه سكون وتعاليل=ماشفت من مدلوله الا ظلامه
اتخيل نجومه دلال وفناجيل=تسكب لضيف الضيق هم وعسامه
اقلب الآفكار واحط واشيل=والوم نفسٍ ماتطيق الملامه
مثّلت حال اهل العنا خير تمثيل=وجسّدت فقدان الهنا وانعدامه
يعني على ماقيل من باب تفصيل=قاعي قهر والغم فوقي غمامه
والحزن لو يسكن صدور الرجاجيل=ماحطم آمالٍ ولا حط هامه
مايثّر الا في حياة المهابيل=والطيب يفرق بين خامه وخامه
ان جاد لي كف الزمن بالبهاذيل=دمعي شحيح ولا له الا ابتسامه
ولي ان بلتني في حياتي غرابيل=كرامةٍ تحمي حدود الكرامه
لكنّ ابصبر والصبر حسْب ماقيل=مفتاح بيبان الفرج والسلامه
مانيب مغرق بالدموع المناديل=ولانيب قايل (ياحياة الندامه)[/poem]

الغالي

فالح المصعوك

صح لسانك وعلا شانك

انت مطلق والقصيدة كفو

تشرفت بالمرور على متصفح ومشاركتك الرائعه

لك خالص الود

أخوك