يالحوثي الزيدي وطنّا لاتجيه

المشاركة الأصلية كتبت بواسطة مشعان البراق

,

وعليكم السلا والرحمه والاكرام ,
هلا وغلا يابو فهد , مرحبابك مجدداً بعد انقطاعك وغيابك عنّا ,

دونه نمورٍ تعشـق المـوت وتبيـه
عشقٍ مثل عشقـك وقومـك للحيـاه
هذا الصحيح ,

حمى الله دارنا من كل معتدي , [ صح لسانك مدد ماهوب عدد ] ! ,

دمت بـ كل ود ,

البقا يامرحب , ومرحبا بك أنت هنا

أبومحارب :

يعلم الله أني أفرح برؤية اسمك في أي زاوية من زوايا المرقاب , فمابالك
بحضورك في مشاركات أخيك .

صح بدنك , ولاهنت على التفضل بالقراءة والتعليق .

المشاركة الأصلية كتبت بواسطة بداح فهد السبيعي

يا سلاااام

المبدع الكبير فراج الدوسري

صح لسااانك يابو فهد

ونسأل الله أن يحمي بلادنا من كل مكروه

تحياتي لك

يامرحبا بالأخ العزيز والأديب الكبير أبوفهد

صح بدنك , شرفت المتصفح وصاحب المتصفح بإطلالتك الكريمة .

فكل الشكر لك على مرورك الأثير لدي .

تقبل أصدق التحايا ياأبوفهد .

المشاركة الأصلية كتبت بواسطة سداح

وعليكم السلام ورحمة الله وبركاته

يا مرحبا بالرجل الاصيل والشعر الجزيل

هذا النص يؤكد ما كنت ولازلت اراه عنك .. حيث انك من اجزل الشعراء رغم قلة نصوصك التي نراها هنا

ابو فهد ..

قصيدة موقف وانت من اصحاب المواقف المشرّفه دون مجامله

تحدثت عن جميع مناصرين الحق في العالم
وكشفت العبث الزيدي بهذه القصيدة المميزه

اعجاب كبير وتحية وتقدير

وصح لسانك مدد ،،


..

أخوي سداح :
والله أن ردك هذا يغني عن اللي أنت خابر لكن كريم والكريم الله

الله يزيدك من فضله , ولاعليك زود في كل ماذكرت .

وبالنسبة لقلة نصوصي هنا فصدقت , لأن الإنسان حقيقة يجد صعوبة في
اختيار مايشارك به بين نخبة مبدعي المرقاب الذين يشار إليهم بالبنان , فتجده
من كل عشرة نصوص لايختار إلا واحداً بعد طول تمحيص وتدقيق ( وعساه
يجمّل بعد )

شكراً لك من الأعماق على حسن ظنك بأخيك وتفضلك بالمرور والتعليق .

المشاركة الأصلية كتبت بواسطة ضيف الله السميري

حما الله دارنا

ابو فهد


صح لسانكـ ملاااااايين
فعلاً الوطن وطن نمور ودونه نمور

لاهنت على الابداع



قلت فأسمعت وكتبت فأبدعت


تحياتي لك

أخوي ضيف الله السميري :

صح بدنك , وأشكرك جزيل الشكر على كلماتك التي أعتز بها ومرورك الذي أسعدني .

تقبل وافر التحايا .

لوتدعمك ( طهران) بريـال وجنيـه
ماتنفعك والمـوت مـن كـلّ اتجـاه



اي والله ’ الله يدحر كيدهم في نحورهم


صح لسانك مدد .. ولا هنت



تحياتي

..

المشاركة الأصلية كتبت بواسطة خالد السيحاني

هذا الوطن مانستحـقّ نعيـش فيـه
إن كاننـا بالـدمّ مـا أروينـا ثـراه

عز الله صدقت

صح لسانك ولاهنت يابو فهد والله يرد كيد الزيود في نحورهم


تحياتي

صح بدنك أخوي خالد والله لايهينك على التفضل بالقراءة والتعليق .
والله يرد كيد كل معتدي في نحره .

تقبل شكر أخوك وامتنانه

المشاركة الأصلية كتبت بواسطة عبدالرحمن السمين

لوتدعمك ( طهران) بريـال وجنيـه
ماتنفعك والمـوت مـن كـلّ اتجـاه


حما الله ديار الحرمين وبلاد الأسلام والمسلمين


صح لسااانك مدددد


مودتي لك .

أخوي عبدالرحمن السمين :
اللهم آمين لمادعوت به .
صح بدنك , وكل الشكر والعرفان لطيب مرورك .

المشاركة الأصلية كتبت بواسطة رشيد منور

ونه نمورٍ تعشـق المـوت وتبيـه
عشقٍ مثل عشقـك وقومـك للحيـاه


كفووو وصح لسانك


والله ينصر قواتنا

الأخ العزيز رشيد منور :
اللهم آمين لمادعوت به ,
ثم صح بدنك , وخالص شكري وتقديري لطيب مرورك .

المشاركة الأصلية كتبت بواسطة طلال الجميلي

الاخ العزيز .. فراج !

شاعر مبدع وزميل نكن له كل الاحترام !

وقصيده موقف وابدعت عز الله
وجزل جزل جزل

لله درك

الأخ الغالي طلال الجميلي صح بدنك ولاعليك زود لاعدمتك ,
وتأكد أن القلوب شواهد وأنا أخوك .
صادق شكري وامتناني لحرفك الكريم وشخصك الأكرم .

المشاركة الأصلية كتبت بواسطة النيره

*

يا الحوثـي الزيـدي وطنّـا لاتجيـه
إن كـان ودّك بالسلامـه والغـنـاه

دونه نمورٍ تعشـق المـوت وتبيـه
عشقٍ مثل عشقـك وقومـك للحيـاه

هذا وطن ( مكة وطيبة ) يا السفيـه
أطهر وطن نرخص غلانا مـن غـلاه

الله يعز الاسلام والمسلمين و يحفظ المملكه

فراج بن فهد الدوسري / صح لسانك ملايين ولاهنت

دمتـ ودآم إبدآعك

الأخت النيرة : اللهم آمين لمادعوتِ به .
ووافر الشكر على كرم المرور والتعليق .

فراج بن فهد الدوسري


عز الله انها قصيده جزله و بطوليه و لله درك عليها


وصح لسانك على هكذا شعر


تحيتي

المشاركة الأصلية كتبت بواسطة عفاس بن حرباش

ياحلو الشعر / الشعر

المشاركة الأصلية كتبت بواسطة عفاس بن حرباش

تسارعت الأحـداث والرجـل النزيـه

ماودّه بخوض الفتـن بيـن اقصـراه

وانت شاعر نزيه ومبدع ومن الاسماء اللي اثق ثقه تامه ان في متصفحه كل شعر وكل خير
ولا الوم سداح يوم يجاريك ، ولو دريت انك بتكتب عن الموضوع هذا مافكرت ولا احاولت اكتب ، لانك وصلت كل اللي عجزت اني اقوله بسهوله
لله درك يابو فهد وصح لسانك مليون

ارحب ياأبومحمد ولاعليك زود جعلك اتحيا ,

وسبق أن ذكرت لك شعوري حينما قرأت قصيدتك في الحدث
ولكن تواضعك وطيبك جعلاك تتكرم بالكلمات في الأعلى أعلى الله شأنك .
من الأشياء التي تشد المتابع للمرقاب وتكسبه هذه المكانة الراقية :
إبداع رموزه وتواضعهم , فقد جمع الله لهم بين سمو الخُلُق وسمو الشعر ,
ولاشك ياعفاس أنك أحد أبرز هؤلاء بكل جدارة .
تقبل شكري وامتناني .

المشاركة الأصلية كتبت بواسطة نادر العنزي

الله الله الله

قصيدة وافية من شاعر مبدع,,

صح لسانك يا فراج ويعطيك العافية على التميز..

تحياتي,,

أخي العزيز نادر العنزي :
صح بدنك
شرفت المتصفح بحضورك الكريم
والتميز هو بوجود أمثالك هنا .
تقديري وعرفاني

هذا وطن ( مكة وطيبة ) يا السفيـه
أطهر وطن نرخص غلانا مـن غـلاه

ياسلام


لوتدعمك ( طهران) بريـال وجنيـه
ماتنفعك والمـوت مـن كـلّ اتجـاه

الله الله الله

اي والله ماتنفعك عساك للفنا انت وياهم

صح لسانك مليون

حضور راائع وقصيده مليئه بالعزه والتضحيه وحب الوطن

والله ينصركم على المعتدين

لاهنت

احترااامي

و
ج
د

المشاركة الأصلية كتبت بواسطة سلطان العطاوي

كفو كفو

وصح لسانك لين ترضى

مرحبا بك أخوي سلطان وصح بدنك
تقبل خالص شكري لتفضلك بالمرور والتعليق

لاهنت ايه المبدع


وطنية صادقة

وفلسفة شاعر متمكن


بيض الله وجهك ودمت

المشاركة الأصلية كتبت بواسطة ياسر العتيبي

هذا الوطن مانستحـقّ نعيـش فيـه
إن كاننـا بالـدمّ مـا أروينـا ثـراه

الله ينصر اخواننا هناك ويسدد رميهم

قبل صح لسانك

مرحبا يابو فهد بالحضور اللي يشرح الخاطر وبعدها صح لسانك وبيض الله وجهك

شعر وشعور ماهو غريب منك ومن شرواك

سلامي ومحبتي

البقا ياأبومرحبا
واللي يشرح الخاطر ياأبومروي هو وجودك والمطاليق هنا .
صح بدنك واللهم آمين لدعائك .
وعاجز كل العجز عن إبداء شكري نحوك .

يامرحبا ويامسهلا يابوفهد

من طول الغيبات جاب الغنايم

والله انا مشتاقين لك ولابداعك

صح لسانك لين ترضى على هالسهلة الممتنعة التي عبرت بحرفنة شاعرها وجزالته عن شعور كل مواطن

تحية وتقدير واعجاب متجدد على طول .....اخوك

المشاركة الأصلية كتبت بواسطة بدر ناصر العجمي

وعليكم السلام ورحمة الله وبركاته

الله لا يلجمك يا فراج وبلاد الحرمين حاميها الله من كل شين بإذنه
صح الله لسانك ولا هنت ،،

كل التقدير

يامرحبا ياأبوناصر بك وبحضورك المشرف
صح بدنك
وتقبل مني صادق الشكر والعرفان

صح لسانك

يافراج وبيض الله وجهك على القصيده الوطنيه الجميله..

المشاركة الأصلية كتبت بواسطة فراج بن فهد الدوسري

السلام عليكم ورحمة الله وبركاته :

تجديداً للتواصل مع صرح الشموخ :
تعبير بسيط عن أحداث اليومين الماضية , ومحاولة جماعة الحوثي
اقتحام حدودنا الجنوبية في منطقة جبل دخان :

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تسارعت الأحداث والرجل النزيه=ماودّه بخوض الفتن بين اقصراه
لكن ليا وصْلت مشاكلهم إليه=مادون حلقه كون يمناه اتحماه
واللي بدا يدرج رحى الحرب بيديه=نبتر عروق يديه ونهشّم رحاه
يا الحوثي الزيدي وطنّا لاتجيه=إن كان ودّك بالسلامه والغناه
دونه نمورٍ تعشق الموت وتبيه=عشقٍ مثل عشقك وقومك للحياه
هذا وطن ( مكة وطيبة ) يا السفيه=أطهر وطن نرخص غلانا من غلاه
هذا الوطن مانستحقّ نعيش فيه=إن كاننا بالدمّ ما أروينا ثراه
من كثرة التخزين للقات الكريه=تشوف ( صعده) داخل ( أبها والسراه)
انزح وراك وطاوع الشور النبيه=أطماعك أبعد لك من النجم بسماه
وألا تحرّ لضرب بيضان الوجيه=حتى ( جبل دخان) يردمكم حصاه
لوتدعمك ( طهران) بريال وجنيه=ماتنفعك والموت من كلّ اتجاه
[/poem]

.
.
.

قمّه في كل شي يا فراج

موضوع وفكر وشعر ولا اجمل

عسى شر من فيه شر يرجع عليه

وصح لسانك وبيض الله وجهك

محبتي ومتابعتي واعجابي يا غالي

اخوك

المشاركة الأصلية كتبت بواسطة محمد الايداء المورقي

ايوالله يا فراج ,,, صح لساااانك هذا الكلام الصحيح لا فض فوك

تحيتي ,,,

صح بدنك أخوي محمد ولاهنت على المرور المبهج .

تقبل شكري وتقديري .