(( .. كفوف الشقا .. ))

.
.

فهد الزعبي ,
صح لسانك وقلبك جميل ورائع

مودتي لك .

فهد آلزعبي


آلله آلله

سلمت / وصح فكرك / و لآ هنت
مبدع لله درك


كل آلود

،
ماجد الروقي

صح بدنك ، وتشرفت بـ مرورك الكريم
لاخلا ولا عدم




تح ـياتي

المشاركة الأصلية كتبت بواسطة فهد الزعبي

،

أسعد الله أوقاتكم بكل خير ومودّة
لا أجيد المقدمات ، فإقبلوها كما هي
،

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
تضيق ياصدري ولا لك لو تضيق إلا الصبر=لو كان كبدي من تنهاتك قِطع معلوقها
أنا أدري إنك من قسى الدنيا وصدتها ضجر=لكن تعال وحسّب آهاتك وعد فروقها
من خلقت الدنيا وهي درس وتجاريب وعبر=يضفر بها الطيب وينجى والضعيف / يذوقها
وحنا خلقنا الله رجالٍ لـ .. المصامد والسطر=نعرف حقوق الله ونوفي لـ ..الرجال حقوقها
فـ ..لا يدنق للحمول إلا قويين الظهر=ناسٍ تقلطها فعايلها قبل منطوقها
وأنا نقيل الجرح وجروحي من الدنيا خضر=أضمّد جروحي من الصدة وأخيط فتوقها
البارحة ليلة هواجيسٍ مواريها قشر=أول ما سمت في عيوني وإستباحت موقها
وحدتني السجة على المسرى وخاويت السهر=والرجل تسبقني خطاويها ونوب أسوقها
أخيل براقٍ رعوده فـ .. أدهم الغيم تهدر=وقام يتكاشف في جبين الصوح / ضوح بروقها
وجلست أفكر بـ .. الزمن والوقت وأتعبت الفكر=وعوّدت بـ .. آفاتٍ كثيرة ما قدرت أحوقها
وأيقنت بإن الماضي إمن شهور وسنين العمر=عرقاً على كبدي مياسمها تخط حروقها
سبع العجاف إمن السنين اللي فهقناها دهر=والقاع يبست ما قطفنا من زهر زملوقها
أحوووه يافرقى خشير الرووح والفرقى قهر= إلى طرى لي شحت حظوظي علي بـوفوقها
ما أبطاه لو إن العهد به تو / ماتم الشهر= مدري متى شمسه على ليلي يبين شروقها
عزالله إن الغيبة اللي مايبررها عذر= غبينة توجع ونكسة حال يبطي عوقها
هذي الحياة وذي مقاسيم العباد إمن القدر=وحظوظ خلق الله تبيع وتشتري في سوقها
أحدٍ يموت و(( تحت الارض )) يحط في لحد القبر= وأحدٍ على كف الشقى ميت وقبره (( فوقها))
[/poem]

وسلامتكم جميع

الله الله الله

فهد الزعبي

إسم أرتبط بالابداع
والابداع إرتبط به

نص رائع يا فهد كعادتك
والاعجاب يتجدد من نص لأخر


ألف صح لسانك يا مبدع




تحياتي

،
سلطان العطاوي

مرحبا بك ، وبـ إنتظارك يـ الغالي

تح ـياتي

هذي الحياة وذي مقاسيـم العبـاد إمـن القـدر
وحظوظ خلق الله تبيع وتشتـري فـي سوقهـا
أحدٍ يموت و(( تحت الارض )) يحط في لحد القبر
وأحدٍ على كف الشقى ميت وقبـره (( فوقهـا))


صح لسانك فهد

مبدع ماشاء الله تبارك الله وغني عن شهادتي

حضوري للأستمتاع والفائده

تقديري’,,

البارحـة ليلـة هواجيـسٍ مواريـهـا قـشـر
أول ما سمت فـي عيونـي وإستباحـت موقهـا
وحدتني السجة على المسرى وخاويـت السهـر
والرجـل تسبقنـي خطاويهـا ونـوب أسوقهـا
أخيل بـراقٍ رعـوده فـ.. أدهـم الغيـم تهـدر
وقام يتكاشف في جبين الصوح / ضوح بروقهـا
وجلست أفكر بـ.. الزمن والوقت وأتعبت الفكـر
وعوّدت بـ.. آفاتٍ كثيرة مـا قـدرت أحوقهـا
وأيقنت بإن الماضي إمن شهور وسنيـن العمـر
عرقاً علـى كبـدي مياسمهـا تخـط حروقهـا

لله درك والله يالزعبي

امتعتني وكأني امام فيلم سنمائي لممثلين محترمين تسمع وتشاهد وتتأثر
وعلى فكره مسكت يافهد الجزاله من علباها وحطيتها في هالنص
شكرا جزيلا على ماطرحته هنا
تحياتي وصح لسانك ايها المطر الرقراق

،
عفاس

مرحبابك يا بو محمد ، شرفت المتصفح بحضورك
صح بدنك ولاهنت الله يبيض وجهك .




تح ـياتي

،
محمد السالم

حضورك عطر المتصفح ، سعدت بتواجدك هنا
الله يبيض وجهك ..



نح ،ياتي