قادة الأمه تصيمخ !!

[align=center]الأخوه في المرقاب

الأقصى ينزف دما

والمحتل يزيد في غيّه

ولاحياة لمن تنادي ![/align]

.


[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
مرحبا في كلمة الحق لوهم يزعلون= مرحبا في كلمة الصدق لوكانت تثير
أقبل أقبل يامصيري ولونك للسجون= مجبر انك تسوقني سوق بعيون الضرير
والله اني لاتحاكى ولو مايقبلون = ماضريت أمسّح الجوخ للراس الكبير
ياجماعه وصّل السيف لحدود المتون= وقادة الأمه تصيمخ عن انذار النذير
انتفاضه تقبع هناك / عشرتهم تهون= تحترق اركان الاقصى / ويشجبها الخفير!
وين مجمع كل عام(ن) على مر السنون= وين تفعيل البيان الختامي للوزير
وين جيش السلم والحلم ياللي تدّعون= وين صفقات(ن) عقدها لوانا والمشير
وين طياراتنا والمدافع والحصون = وين عسكرنا النظامي وقايده الخبير
كل ذا موجود لكن عرضتوا ماتبون= خايفين امن الكراسي تحتكم لاتطير
لعنبوا من يدخله ذل وعزومه تخون= لعنبوا من يجنح لسلم تحديد المصير
الحرايب والعه مالقت منّا زبون= هقوتي ماعاد فينا احساس ولاضمير
الخليل ونابلس اتهلس فيها الذقون= والنشاما من عربنا مخدتهم حرير
اليهودي من ردانا غدى جري وفتون =يدري انّا في مواجه مافينا جدير
ياجموع المسلمين افزعوا وش تنطرون= الجهاد بوقتنا فرض .. للحل الأخير
الأرامل واليتامى لقوا مايكرهون= لن عايلهم ياأمّا استشهد أو أسير
العذارى ناشهن من فسقهم والمجون= شقّقوا ستر الستيره وخاطرها كسير
وأم الأبطال ايتوطا كرامتها العفون= لنّها ولاّدة فحول / واقعها مرير
والطفل ودّع ابوانه على انهم يرجعون= عوّدت عقبه جثثهم تفوح امن العبير
اطلبوا رب السموت حتمتهم تكون= في سبيله / بعد دك العدو / حزة عصير
والشويبه حارس(ن) الارض / ماتوخذ بهون= والله انهم ماوطوها وهو عاده بخير
والبواسل مايهابون لوهم ينحرون = دون أرض وعرض ترخص حياة اللي يغير
زلزلينا يااراضي وصيبينا بجنون= العقل ماورّد الرّكب لمياه الغدير
نصف عقد امن الزمن والسّلق يستوطنون= والمصيبه مايبونك تجي معهم خشير
لعنبوا جدّك يابلفور فطّرت العيون= البكا بس لفلسطين والباقين غير
ياعربنا مايطهّر وطنّا مكرفون= ولايحرر الأرض تنديد يقراه السفير
وان بغيتوا زبدة الهرج / لازم تحترون= لين يظهر مثل خالد وطلحه والزبير[/poem].

.

[align=center]فهد بن عبدان[/align]





ً

الله اكبر عليك يابو عبدان




جزل يا بعدي
قصيده ناريــّــه

بيض الله وجهك ولا هنت

يتصيمخون لأن ما في يدهم حيله يابن عبدان



صح نبضك ومشاعرك الجميله



تحياتي / حامد

ياعربنـا مايطـهّـر وطـنّـا مكـرفـون
ولايحـرر الأرض تنديـد يقـراه السفـيـر

وان بغيتوا زبـدة الهـرج / لازم تحتـرون
لين يظهر مثـل خالـد وطلحـه والزبيـر



الله الله يابوعبدان صح لسانك


شرحت ووضحت الحاصل

وهلا بك في مرقاب القدس

واسمحلي بنسخه لموضوع شعراء المرقاب والقدس

غالب الشريف




هلا وغلا



ومرورك اسعدني



والله يرفع الظلم عن اخواننا الشرفاء فقط ... في فلسطين !

لاهنت يافهد









كل الشكر لك وللمشاعر الصادقه


بس جهز نفسك ..............؟!

هلا ياحامد


الله المستعان


وانت لاهنت على المرور

صح لسانك وعلا شانك

والله يغير الحال بكن

قادر سبحانه


قصيده اثارت في النفس الكثير

كل الشكر لك

موفق دوم

.
.




محمد الثبيتي


مرحبا بك مليووووون


وتمون اخذ النسخ اللي تبي





.
.

.
.



هلا

يابومبارك

هذا أنا طيب وبخير


.
.