سجّةٍ بالرجل في أرضٍ خلاويّة@مايجيها اللاش ودويني الخالي 00000

أيها الأخوة والأخوات أعضاء وزوّار هذه المنتديات الشامخة00000000سلمكم الله

السلام عليكم ورحمة الله وبركاته 000وبعد


هذه ثلاث رديات بيني وبين الشاعر القدير / فهد بن شعلان الأكلبي الصوت مني والصدى منه ومن ثم رديت بصدى آخر لصداه هي مصافحتي الأولى لذائقتكم آمل أن تحوز على رضاكم


وتقبلوا تحياتي وتقديري


صوتي

[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=sp num="0,black""]ماحلى الفنجال لامالت الفيّة=فيّ هضبة في خلاً نازحٍ خالي

مع نشاما ماخلطهم خواضيّة=السوالف كنّها جنيه وريالي

مثل أبو فيصل ليا حل طاريّة=فز قلبي فزّة الشيخ للغالي

يافهد ونكان ودك ببريّة=ريحها يجلى عمس ضيّق البالي

شغل رجالٍ حشم ذي من ذيّة=يحتسي للمرجلة طيّب وغالي

وارد الخولان ماهيب كينيّة=أحتسيها في حرا كل رجالي

عانني يالقرم في أمات حيشيّة=في ذراها شرق ماغير أنا لحالي

ماشيٍ في شف نفسٍ شقاويّة=أبتعد بالعين من شوف الأنذالي

من صديق المصلحة والدوينيّة=والذي لاقال ماهوب فعّالي

سجّةٍ بالرجل في أرضٍ خلاويّة=مايجيها اللاش ودويني الخالي

ديرةٍ ماهيب بالشبك محميّة=ينبرح شوفك مع جرد الأسهالي

شوقها في القلب شوقه لحوريّة=في جنان الخلد في خير وظلالي

وأبتعد من مجتمع كاسب السيّة=الذي يبلاك بالقيل والقالي

ياهني من معه نفسٍ دلوهيّة=بكل حالٍ خاطره داله وسالي

وينكم ياهل الوفا والشهاميّة=والله إني بشوفكم يرتشي حالي

الرجل بالفعل للطيب ماريّة=وأخسروا اللي فعلهم صوغ الأمثالي

الختام إعداد ماخطّت إيديّة=ياصلاة الله على الرسل والآلي[/POEM]


رد فهد بن شعلان الأكلبي

[POEM="font="Simplified Arabic,5,black,bold,normal" bkcolor="transparent" bkimage="" border="double,5,gray" type=2 line=1 align=center use=sp num="0,black""]عد ماناحت على الغصـن قمريـه=مرحباً بالصاحب الوافـي الغالـي
مرحبـاً واهـلاً بشـوق السنافـيـه=والله ان شرواك دايم علـى بالـي
حي هـذا الصـوت ... ياحيـه=لو هذاك الصوت يثر على حالـي
وجـد حالـي لاسمعـت الهجينـيـه=من لسان ابو عمر عبـر جوالـي
اتــذكـــر مـتـعـبـيـن الـعـمـانـيــه=ربعنا اهـل الطايلـه فـاول وتالـي
ام حيـشـيـه مــنــازل عـواجـيــه=روس قوم تمن الخايـف الجالـي
جعل يسقيها من الغيـث وسميـه=لـه ثمـان إليـال والوبـل همـالـي
لـيـن تخـضـر الـديـار السنـاويـه=نبتهـا جـاي لـه الـوان واشكالـي
وانت ياللي تشعم النار عصريـه=فام حيشيـه وفـي ذيـك الاطلالـي
أشهـد ان شـرواك مافيـه شكـيـه=ودي اجـاريـه فــي كــل مـوالــي
عـشـت يــاراع الــدلال العراقـيـه=رابعتـك بعيـد وعلـومـك جـلالـي
يــوم هبـتـه الهـبـوب الشمالـيـه=جر صوته طيـب الذكـر والفالـي
ماتـغـزل فالـهـنـوف السـحـاويـه=ايتـغـزل فاشـقـر الـبـن ويـلالــي
ويتـعـوذ مــن وجـيــه النقيـلـيـه=شلةٍ عاشت على القيـل والقالـي
ألسنتهـم باقـشـر الـهـرج مبلـيـه=والسوالف بينهم حلـف وجدالـي
ويتمـنـى شــوف ربــعٍ شقـرديـه=نهجهـم عالـي وتفكيرهـم عـالـي
النفـوس اخفـاف قــدر ومحنـيـه=والسوالف كلها سمـان وجزالـي
لـن صداقتهـم علـى العـز مبنـيـه=وطاعة الله عندهم خير الاعمالي
واعتذر من بو عمر والنداويه=سبة التاخير مـن كثـر الاشغالـي [/POEM]

ردي عليه

[POEM="font="Simplified Arabic,5,black,bold,normal" bkcolor="transparent" bkimage="" border="double,4,gray" type=2 line=1 align=center use=sp num="0,black""]جاتني بيض التماثيل منقيّة=كنّها وضح إبن شيبان فنجالي

فايزة بالزين جملة وفرديّة=لانظرها صاحب الصنف يهتالي

صاغها من صعبها جاه طوعيّة=فهد من طوّع عسيرات الأمثالي

يصنع الأمثال ماهيب عاريّة=دايمٍ يأتيبها جداد وأغفالي

ظنتي إنه في العرب نادرٍ زيّة=بكل علمٍ طيّب شبوره طوالي

قدّم الجزله وقال المعذريّة=الذي قدّمت ماجت على البالي

التحايا لأبن شعلان مثنيّة=ورايته بيضا على النايف العالي

مل قلبٍ له مناهيج ونحيّة=في سنعها دايم الدوم يجتالي

باحثٍ ماشاف من الوقت خافيّة=دايم للهم مارد ومدهالي

النمارة قادها النيص ووخيّة=وأستكفت خلفها بضيق الأدحالي

عقب ماكانت لها شأن ورعيّة=أصبحت في الظل من حيث مامالي

والفرس صارت من العير مشبيّة=والحصان يشبـِّي قصار الأذيالي

وأرثت بغلٍ سمينٍ وبونيّة=للطلب ماتفيد في السلم وقتالي

والله إني ما أرتحل كود عمليّة=حرّةٍ سرجوفها كنه هلالي

بنت حرٍ من حرارٍ شفاويّة=شاهق النايف لهم فيه منزالي

وقت هدتهم وحوشٍ قساويّة=يعتدل لاشافهم كل من مالي

إبهم للداني مروفه وحنيّة=في ذراهم كنهم دونه جبالي

وللضعيّف بينهم بنك ماليّة=له دفاًمن البرد وظليّل اللالي

جعل عينتهم بها الأرض ممليّة=والله يكثر بالأجواد الأبطالي

الذي وقت القسا سيوف هنديّة=في شباها للعدا وقع قتّالي [/POEM]

الله الله عليك ياشجاع الاكلبي



ابدعت وابدع الاخ الشاعر فهد بن شعلان


صح الصوت وصح الصدى


تشرفت بمصافحتك يابوعمر


تحياتي وتقديري لكما

شجاع /
صوت وصدى يطرب البال
بيض الله وجيهكم وصحت السنتكم جميعاً
هجينيات غاية في الروعة
سلمتوا ودمتوا
تحياتي


محمد

شجاع الأكلبي

صح لسااااانك ولساااان فهد ااشعلان

ابدعتوا وامتعتوا

تقبل مروري وكل التقدير

صح السانكـ يا شجاع ولسان فهد

صوت رائع وصدى رائع

أخــــوكـ...

الله الله ياشجاع ,,

ابداع وامتاع ,, صح لسانك ولسان الشاعر فهد

تحياتي

المشاركة الأصلية كتبت بواسطة زاحم النومسي

الله الله عليك ياشجاع الاكلبي



ابدعت وابدع الاخ الشاعر فهد بن شعلان


صح الصوت وصح الصدى


تشرفت بمصافحتك يابوعمر


تحياتي وتقديري لكما

أرحب يازاحم


مرحباً بك وبطلّتك يالغالي



صح بدنك ولاهنت على كريم مرورك وعذب إطرائك



تحياتي لك

شجاع الاكلبي

يا مرحبا و مسهلا في منتداك وبين ربعك واخوانك


الحقيقه .. بدايه تجبرنا على متابعتك وصوت وصدى .. نادرين


صح لسانك ودمت

المشاركة الأصلية كتبت بواسطة محمد المغيره

شجاع /
صوت وصدى يطرب البال
بيض الله وجيهكم وصحت السنتكم جميعاً
هجينيات غاية في الروعة
سلمتوا ودمتوا
تحياتي


محمد

أرحب يامحمد



ووجهك أبيض وصح الله بدنك


لا هنت على مرورك


تحياتي

المشاركة الأصلية كتبت بواسطة ناصر الحربي

شجاع الأكلبي

صح لسااااانك ولساااان فهد ااشعلان

ابدعتوا وامتعتوا

تقبل مروري وكل التقدير

أرحب يالحربي



صح بدنك ولا هنت على مرورك وعذب إطرائك



تحياتي

وعليكم السلام ورحمةالله وبركاته







اررررررحب يابوعمر




صوت وصدى من الطراز الاولى.





صحت ألسنتكم




تحياااااااااااااااتي

المشاركة الأصلية كتبت بواسطة احمد بن غالب

صح السانكـ يا شجاع ولسان فهد

صوت رائع وصدى رائع

أخــــوكـ...

أرحب يابن غالب



صح بدنك ولاهنت على كريم مرورك



تحيتي لك

شجاع الأكلبي

صح لسااااانك ولساااان فهد ااشعلان

ولا هان فكركم

تقبل مروري وكل التقدير