وردي اللي غرسته في الحدايق .... ذبل

السلام عليكم ورحمة الله وبركاته

مساكم الله بالخير

جديدة .. إلى ( حسن بن معروف ) ...


[poem=font="Simplified Arabic,5,darkred,bold,normal" bkcolor="transparent" bkimage="" border="none,5,gray" type=1 line=0 align=center use=ex num="0,black"]
راكب اللي يهولك عزمه ومستواه = إن مشى بك سحابه وإن وقف بك جبل

موترٍ بالمزايا فارقٍ مشتراه = المكينة V8وفيه ونش ودبل

يرعب اللي يشوفه كان ما اغمي علاه = فيه هيبة شجاع وفيه صفقة خبل

كل مافيه بدعة تلفت الإنتباه = من زوايا الحديد إليا زوايا الربل

لا عرض لك وقفّى راح شبحك وراه = كنّه يجر شوفك في قفاه بحبل

له وكاله لحاله ما وقف مع سواه = لو وكيله معمّد فالشفر والاوبل

ابيضٍ ما تميّز مقدمه من قفاه = وجهه تقول يضحك والمقفى قبل

صممه من عناتيت الزمان الدهاه = شلةٍ ما شغلها عنه عود وطبل

دينهم ما يحرم مغريات الحياه = مار كلش مرتّب له نظام وسبل

شرعهم فيه حج وفيه صوم وصلاه = مار ماهيب ( لله ) لــمناة وهبل

كل علمٍ بدو به ..وصّلوا منتهاه = والعرب بين كوره واحتفالات ابل

كرّسوا علمهم فيه بتروّي وآناه = لين ما صار بعده فالوجود وقبل

نصّه اللي ينومس ماقفه من نصاه = قبل ما اقول شاعر .. فيه طيب ونبل

شاعرٍ يبري جروح المعاني دواه = يوفي الكيل وإلا .. كان ما اوفى دبل

من سبيع العريبة كاعمين الطغاه = من زمان السيوف المرهفه والنبل

الرويبي حسن جاهه مع الناس جاه = والاسد ما يورّث عقبه الا شبل

قلّ له الكلمة اللي قلتها في رجاه = وردي اللي غرسته فالحدايق ذبل[/poem]




و هذا رد ( حسن بن معروف )


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

راكب اللي محد يقدر يقلّد علاه = ماتسوي الخليقه مثل خلقه قبل
أبدعه خالق الدنيا وزين حلاه = وجبله جل شانه للمكارم جبل
من سلالة خيول الفاتحين الغزاه=وصّلتهم بحر تونس وشرقي كابل
لفه الليل الاسود وادخله في رداه = ولفم الصبح الابلج في جبينه قبل
كل عضو تشوفه منعزل من عضاه = كن مافيه جلد فوق لحمه ذبل
ان قفيته حسبته من جبال السراه = وكن كله نحر لا جيت له من قبل
وان عرض لك بجنبه مثل قوس الرماه= والقوايم عليها مثل صف الدبل
كن رسم الاهلّه في مواقع خطاه = وكن خلقه على وجه الثرى مندبل
وكن من يعتلي سرجه مع ارض فلاه= طايح بين ضلعين لفرشة عبل
وكن ذيله ليا قام يتنثر وراه = شخب مزن تنثر من حقوق الوبل
ما شحن بال خياله ولا اومى عصاه = كلّما سمع صوته فز له منهبل
مكرمه قدم بيته من زيادة غلاه = ماسطا قلبه انه يتركه فأسطبل
نحره صالح بن هريس راع الوصاه= فيه سمت الكبر..والعمر في مقتبل
كلّما طب له ماد بعيد مداه=فاز بالقسم الاول من جوايز نوبل
ويتنقى فريد الشعر كانه بغاه = يبتكر ندر ماجت بفكر الطبل
من عتيبة مطوعةالعصاه الغواه= تنطح المعتدي ولا تحبله حبل
علمه بالحقيقه خل هرج الرواه = ماتضيع الحقايق بين كلا وبل[/poem]