. اصـــدقاء الضحــــــك

صبحكم اللـــه بالخير
اقدم لكم هذا المتواضعه

امل ان تحوز على ربع الاعجاب




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
يامجاهيـم الـزمـان وياهمـومـه = النوايـا بايته والليـل ســاري
خذتلي من ماضـي العمـر معلومـه = ما رواها الترمـذي ولا البخـاري
مايطـاول قمـة المجـد ويـرومـه = واحدن بالضيق عن عمـره يـداري
ولله ان نفسي علـى العليـا عزومـه = مير جاريلـي مـن الايـام جـاري
من كثر ماهدنـي الوقـت بهجومـه = مااميز مـن يمينـي عـن يسـاري
ماتشـره عالـزمـان ولا نلـومـه = شرهتـي علـى طويليـن الشبـاري
هب ياهـذا الزمـن مكثـر رخومـه = الرخامـه قامـت تمـارس جهـاري
جزت عن ربعن عن الطيب محرومه = اصدقاء الضحـك والـرز البخـاري
هروجهم ماهي عن الشين معصومـه = اطيبهم اللي فـي ردا ربعـه يمـاري
قـوم لاتحشـم ولاهيـب محشومـه = وجههم اصبح من النومـاس عـاري
والجروح ان جت من ابناء العمومـه = مايداويهـا الطبيـب الاستـشـاري
علتـن بالجـوف ماهيـب مكتومـه = اقسى من طعن الخناجـر والشبـاري
الصداقـه اصبحـت شبـه معدومـه = انتشفـق لا طـرو للطيـب طـاري
مانخاوي الرجل طمعن فـي سهومـه = ماخلقنـا الله عبـيـدن للمـصـاري
الرفيـق اللـي تنومسنـا سلـومـه = وقره واشوف فـي عينـه وقـاري
للرفيـق نفوسنـا دايــم خـدومـه = لو بغاله قـرض بالبنـك التجـاري
ان نصانا صارت الدعوى محسومـه = لو على ضرب المشـوك والسـواري
خوف لامني عجزت اقضي لزومـه = قالو العالم عجز عنها.. المطـاري...
محتمن اسمي وسـم جـدي وقومـه = عـل تفداهـم خفافيـش الـغـداري
كان زان الوقـت او شانـت علومـه = مايغيرنـي ولا غـيـر مـسـاري
تربية من جعل يومـي قبـل يومـه = شايبن قلبه على النامـوس ضـاري
وكانها بالشعر لـي جلسـه وقومـه = شاعرن يصعب على الكتب اختصاري
كان شعري مامـلا الكـون بعمومـه = ويجعـم افامـي كثيريـن الهـذاري
وش لزومـي فيـه بقفـاه وقدومـه = علـه يلاحـق ذعاذيـع الصحـاري
[/poem]