والا يا شيب عينك ياحـسن ماعــاد تنفع ليت ...!!

[align=center]السلام عليكم ورحمة الله[/align][align=center]
اخر قصايدي مجاراة لوالدي شـامي مبارك الجعيد
رحمه الله رحمة واسعه
حيث أنه توفي وأنا صغير بالعمر لم استطع الحصول
على الكثير من قصائده ولكـن وجدت العديد منها راسخه
باذهان الكثير من ابناء عمومتي وذلك لقوتها والمواقف
التي قيلت فيهـا ...
.
.
.

وهذه ابيات قالها في اخوي الكبير / عوض الله بن شـامي .. الله يعطيه طول العمر
وهي قصيده غير مكتمله لم اجد منها سوى هذه الابيـات
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
سلام الله على عوض الله اللي جالس ٍ بالبيت = اكلف بالشقا واصبر ورى ما واحدٍ جاني
أنا كم من سنه صابر وأنا كم من سنه ناديت = أنادي واحتري للورع واليا الورع ما جاني
الا يابوي يومنك تنادي بالاذن ما اوحيت = لكن اصبر علية لين تاطأ الشوك حذياني
أنا خايف ليا منك كبرت اعن الهدى صديت = وتنسى ما فرض ربي على الاولاد لابواني
انا مثلك وانا صنعك وعن طرقتك مازليت = مكمل مافرض ربي على سلم العريباني[/poem]
.
.
.
وأنا اقـــول :/

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أنا لامن طرالي شايبي بأعلى جبل عديت = وغنيت البيوت اللي نظمها ماض الازماني
ولميت الحطب واوقدت ناري ثم جيت اركيت = وقمت افرك بمسباحي ولادري وش تعراني
وجاني شايبي قال : السلام " وقلت له : حييت " = هلابك يازعيم القوم جماله وفرساني
أنا فاقدك من عشرين عام وليه توك جيت ..!! = عساك بخير ياطب القلوب وسقم عدواني
أنا يابوي لو هو في يدية كان صرت الميت = وتبقى أنته عمود البيت تفرح كل ضيفاني
وتبسم لي وقال: الخير ياذيبان فيما ابقيت = رجالاً فعلها بالقوم مثل السيف شاماني
ليا من جيت عوض الله كبير وفالعرب له صيت = يعدي مخطية ربعه ويقنع كل غلطاني
ولا من جيت لعويض وهو يدعي لرب البيت = تحس النور في وجه يغطي كل الاكواني
ولا من جيت ابو سلطان تشكي من وجع حسيت = تبسم لك ونساك الوجع ياذخر جداني
ولا من جيت ابو راكان محتاجه وله ناديت = يقول ابشر بعزك ياحسن من قلب ولساني
ولا من جيت لإبراهيم عز الله وصلت وجيت = لأخوك اللي مايحسب لدراهم فالزمن شاني
وعبدالمحسن ليامن بغيت من الشعر تثبيت = يجيك بكل بيتاً دون زور ودون نقصاني
وانا خابرك لو جالك حداهم في طلب لبيت = وتبذل كل جهدك في رضاهم قدر الإمكاني
هذا من تربيتك اللي لنا ياوالدي ربيت = ومن طيب الجذور لزوم تثمر كل الأغضاني
وهذولي محزمي يابوي مهما قلت ماوفيت = لكن أنته وربي مايجي في منزلك ثاني
وصد وعبرته تخنق خفوقه يوم أنا ونيت = وهي صده بعدها ما لمحته طرف الأعياني
وأنا لي فوق خمس الليال دمع العين ماكفيت = وأقول العين هات الدمع دام يخفف احزاني
وانا ماقد شكيت لرجل مير من القهر غنيت = ومن ضيقة خفوقي جاوبة نفسي بالألحاني
والا يا شيب عينك ياحسن ماعاد تنفع ليت = لكن اصبر عسى الله يرحمه في روض وجناني
أنا يانفس باللي كاتبة ربي على ارضيت = وراضي بالقضاء والقدر دام ان العمر فاني[/poem]
.

*ابو سلطان / مستور ابن شـامي
* ابو راكان / نوار ابن شـامي
.
وســلامتــكم

حسن ابن شـامي الجعـيـد
.
.
.
[/align]

الله يرحمه ويرحم اموات المسلمين


صح لسانك

صوت وصدى رائعان

ومعاني فيها عذوبه وجزاله

ابدعت

لك فائق الاحترام والتقدير

تحياتي

،


الله يرحم شايبك ويسكنه الجنه وأموات المسلمين أجمعين

صح لسانك على المجاراه
كتبت وأبدعت ياشاعر

تقبل مروري

الله يرحمه ويسكنه الجنه ومن خلف ما مات


قصيده جزله ومن قلب نابعه

صح لسانك وادم بوحك وسلم راسك

تحياتي 00

الله يرحم شايبك ويسكنه الجنه وأموات المسلمين أجمعين

صح لسانك على المجاراه
كتبت وأبدعت ياشاعر

رحمه الله وأسكنه فسيح جناته


وصح لسانك على تلك المجاراة الوافية
ولا هنت يا مبدع



تحياتي

..

محمد السميري

صح بدنك ولاهنت

اسعدني تواجدك


تحياتي