يخادعني الخادع ولايام خادعته

سلام عليكم قصيدة تشرفت فيها من الشاعر الكبير مساعد مسعد الحربي



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يقول للذي عانى والايام لايعته=وميز صديق الصح من جملة الخلان
ترى الطيب للي عزة النفس رافعته=ويسأل عن احوالك وينويلك الصفطان
تمتع بودك وانت بالمثل متعته=من القلب منبع ود ماهو كلام لسان
يخادعني الخادع ولايام خادعته=تجيلي ليا حدي علومه مع العربان
يجيك الحكي من واحدن ماتوقعته=ولاكان يخطرلك على البال والحسبان
ولانته مصدق فيه هرجن تسمعته=ولكن مع مر الزمن والليالي بان
هذاك العدو للي له الطيب وزعته=تحسبه صديق وطلع السانه لثعبان
وقف في طريقك وان هزمته وروعته=سلكله طريقن غير ثم انخزى الشيطان
ولو تتركه بالدرب سمه تجرعته=ولاتامن الثعبان والسم باالنيبان
ياليت ان بعض الناس من دون منفعته=يفك البشر شره مايبغون منه احسان
ياحض الحضيض للي على الخير دافعته=نوايه مكسب خير وترجح الميزان
ولاله ورى هاذي وهاذي ومطمعته=على طاعتة لله ولعمل يتقنه بتقان
حصيلك من الدنيا ولوكان جمعته=مصيره فنا من راقب لله ماهو خسران
شبابك سريعن ولليالي مسرعته=ولابد من يومن على الولد والشيبان
خطاء النفس لامنك حسبة وراجعته=تجنبت شر النفس ولانس هم والجان
ولالك شغل في راهبن عند صومعته=وجاوب مع المذن اذا تسمع الاذان
وكلن على دينه ولو قلت ماقنعته=لهم دينهم وحنا لنا الدين والقران
تأكد تبا تكسب رضى لله لياطعته=وطاعت ولي لامر في طاعت الرحمان
وهذا الكلام للي نضمته وطوعته=ونضمت سبكه بالمعاني وبالقيفان
نسج في خيالي واحترفته وصنعته=وجملني لله في قصيدي عن النقصان
لمني نشرته للخلايق وطلعته=لقاله قبول ومعنويه وعزة شان
مابين الضلوع العوج والقلب مطبعته=وانا مقتنعبه لو يقولون لي غلطان
وعندي ثقه بالنفس والشعر شرعته=ولبسته الياقوت والدر والمرجان
بعد ماكتسبته وانتشيته ودلعته=عطاني دلاله مع جماله وحاله زان
مايقدر علي يعصا لياقمت سنعته=وحطيت له وارد وصادر على العنوان
ابيه ابمزاجي لادعيته ولنعته=يصل والرموز الغامضه مالها ماكان
تصل للبناخي من يدي يوم وقعته=يسيل السلام امع الغلا داخل الوجدان
سلامن بريح المسك والورد شمعته=معه عود كمبودي وريحان ياسلطان
[/poem]



[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هلا فالقصيد للي شذا المسك ذعذعته=هلا فالقصيد للي يحرك شجا الالحان
ياحلوه لحرك هاجسك ماتصنعته=يجيله طراوه يوم يشعربه الانسان
جاوبته بعد ماشلت عن وجهه اقنعته=على شان همزة وصل في لوحة الفنان
رساله من المبدع بعد شفت مبدعة=تهيضت مع نسجه وغنيتها طربان
نصيحة مجرب جرب الوقت ولسعته=سموم الزمان اوعاش لافراح ولاحزان
يقول الزمان ادروس خريج جامعته=تعلمت فيه وشفت الاشكال ولالوان
لاتامن زمانك لولياليه لمعته=ماشابت لحانا غير من هولة الازمان
ترى العمر رحله صاحبك عاش واقعته=والايام محسوبه من العمر مهما كان
واقول الرفيق للي على الطيب بايعته=واعرف البعير الساحلي من بعير اعمان
ولاخان وادعتي ولاخنت وادعته=ولاخان ميثاق الاخوه سوى الخوان
بعيد الشبوح للى على الطيب رابعته=عزيز المقام ابماقفه والفعول اسمان
وابو زوبعه ماتجهل الناس زوبعته=تطيح البيوت للي ماتبنى على سيسان
هلا الطيب حبل الطيب ماهيب قاطعته=على المنهج السامي نشت والحصان احصان
سراج الوفاء يمنن تبا العز ولعته=تبا ترضي الاصحاب وتزعل العدوان
ولانسان مايمدح ابشته وقبعته=ليا صار ماله فعل يامعرب الجدان
وكلن جنى ماحطت ايديه وزرعته=احد جانيله ثوم واحدن جنى ريحان
طموح الردي ماهوب متعدى اصلعته=وغيره طموحه عانقه بارق الامزان
خبيث النوايا غثة الناس لعلعته=هو للي على شذب العراقيب فيه ادمان
ليا بان وجه الصبح ينشاف بضلعته=لونه يغر افلان مااظن غر افلان
هذا للي كبود الناس ماهيب بالعته=تشوم الحرار للي لها مخلب وجنحان
سلوم الردي عن بذلة الخير مانعته=تطيب الرجال للي وفاها على برهان
ترى للي على وجهين لواني اشبعته=اباشوف منه الذم والنقص والنكران
ولا تصفي الايام لابد موجعته=تدور الليالي والزمن ماعليه مان
صدق من يقول ابعد عن الداب وشمعته=تجنبت مايجلبلي الذل والخذلان
كلام الوشي مهما حصل ماتتبعته=يصح الصحيح ويبطل الزور والبهتان
ظعيف العزوم يشوف فالعين فاجعته=ويبن الصديق امن العدو لاحتمى الميدان
ترى للي يبا يتبع هوى النفس ظيعته=مثل ظيعت المنجوم في حومة النقيان
وتم الكلام للي بماء الورد نقعته=مع الود والتقدير والشكر والعرفان



[/poem]

الله ا لله الله

الله الله الله

ما اجمل هذه المساجله والبدع الرائع

اي والله .. تطيب الرجال للـي وفاهـا علـى برهـان


صح لسانك ولسان الشاعر الكبير مساعد الحربي

وبيض الله وجيهكم ،،

..

سلطان عوض الطريسي

صح السانك ملاايين

وصح السانك الشاعر مساعد الحربي

صوت وصدى رائع

لله دركم

تحيتي لك

،’
سلطان

الله يصح لسانك ولسان مساعد الحربي
عزالله مساجلة من ذهب صافي .

تح ـياتي

سداح صح بدنك مرورك شرف

سلطان عوض الطريسي


ماجمل المساجله من شاعرين كفو


ارويت الذايقه وماقصرت

السمي

صح لسانك مدد والله ولاهنت

الشاعر سداح الكبير مرورك شرف صح بدنك

طلق الدعجاني صح بدنك