لآكن لآمن شآش رآسي وأركبته أم آلعبيد ..!

../~

السلام عليكم ورحمة الله وبركاته

صبآح / مساء .. الخير

قصيدة تشرفت بألقآهآ في حفل زوآج آلشاب ( تركي بن عبدالله بن فالح النخيش ) اللتي أقيمت ليلة ألبآرحه في الدمام .. ونقول له الف مبروك ..

وأتمنى ان تنال على اعجابكم ..

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي تحرّون القصايد هاكم ابيات القصيد = جينا بها لارحم ابوها كلها جينابها
لو كان فكري من هموم الوقت والدنيا عنيد = ما عاد يرقى بي مراقيبه لاجل مرقابها
لاكن لامن شاش راسي واركبته ام العبيد = يطيع طوع اللي عسفها في يده ركابها
في حفل ربعٍ كاسبين الطيب والمجد التليد = اصوغها صوغ الذهب واعدها وازهابها
يامرحبا بك يالقريب ومرحبا بك يالبعيد = ترحيبةٍ ياعل منهو حاشها يبقا بها
ترحيبةٍ ماكنها الا كيف من فرع الوقيد = في دلةٍ من وارد الرسلان محدن عآبها
تطبخ وراعيها يجنبها عن الصالي يريد = يقهوي الضيفان وليا طابوا اتقهوا بها
ساق لهم الفنجال وان ثنوا حلف والله لزيد = واحد ماغيره يالرجال اللي ترف اشنابها
فنجالها من صبته لاهو يقل ولايزيد = وان زاد والا قل شرهتكم على صبابها
والا تراحيبٍ كما سيلٍ سرا واحياء الجريد = واحيا صحاري نجد مع ذيك الدير وترابها
واتباشروا به جملة البداون مطعمت الهريد = من عقب ما دارت دواليب القضى دولابها
والا تراحيبٍ كما وضحٍ مع الشهم الفريد = فنجال بن سلطان يوم الاوله كسّابها
وآلآ مجآهيمٍ تسر العين عند ابن فهيد = يدحم بها جنوب العرب واليا دحم يحضابها
اقولها نيابه عن اهل العرف والراي السديد = اربوعنا اللي شرّعت قدم الضيوف ابوابها
في ليلةٍ ماكنها الا من خيار ليال عيد = ما دام لبسها ذهبها تركي وجلبابها
ليلة فرح , ليلة كرم , ليلة عطا ,, ليلة نشيد = ليلة تطيّب كل طيّب من حلوّ اطيابها
مبروك ثم مبروك ثم مبروك ياتركي وآعيد = مبروك مدآم آلتبآريك ألك وانت اولا بها
يالله عسى عمرك مديد وعمرك تعيشه سعيد = عيشه رضا ترضابها وعيشة هنا تهنابها
ومدام كلٍ جاء ولابس فوقه الثوب الجديد = بقولها مدام ضاقت فالرجال اثيابها
حنا بني عمٍ ليا قام العضيد امع العضيد = ماكننا الا نار .. شب النار يا شبابها
الجاهل اللي ينتحي والعاقل اللي يستفيد = ولا فيه عله كود ياهل المعرفه باسبابها
اليا تلاحمنا سوا نبقى كما السيف الحديد = وليا تداحم بعضنا ذي حفره وطحنا بها
ادري بعضكم قال يافيصل علامك هيد هيد = بقول له روس الذيابه تحتمي بانيابها
و يالله يالمعبود يالرحمن يالفرد المجيد = تغفر لمنهو جنتك يسعى لها وطلابها
وختامها مبروك ثم مبروك ياتركي واعيد = مبروك ما دام التباريك الك وانت اولا بها
و يا مرحبا بك يالقريب ومرحبا بك يالبعيد = ترحيبةٍ ياعل منهو حاشها يبقى بها[/poem]

وسلامتكم

فيصل مفلح فالح النخيش

الله الله الله


قلت لك فالحفل صح لسااااانك مليار


واقولك هنا صح لساااااانك


رائعه من روائعك ولاتحرمنا تواجدك

والله ونعم اللابه
ونعم المنسب

صح لسانك عدد حروفها يا فيصل
وبيض الله وجهك وانا اخوك ،

..

صح السانك يافيصل

تحياتي وتقديري

صح لسانك يالنفيعي على الابيات الجزلة ولاهي غريبه على شاعر مثلك
ويستاهلون
لاتحرمنا من جديدك


نايف

بيض الله وجهك يافيصل

وصح لسانك عدد حروفهاا

جميله مُجمِله يالذيب

تقبل مروري وودي

فيصل النفيعي

صح لساااااااااانك ملايييييييين




تحياتي وتقديري

المشاركة الأصلية كتبت بواسطة محمد النخيش

الله الله الله


قلت لك فالحفل صح لسااااانك مليار


واقولك هنا صح لساااااانك


رائعه من روائعك ولاتحرمنا تواجدك

صح بدنك يابو غازي

ومنور يالغالي

،


ونعم ونعم مليون ولا يكفون
صح لسانك ولاهنت كتبت وابدعت



تحياتي

المشاركة الأصلية كتبت بواسطة سداح

والله ونعم اللابه
ونعم المنسب

صح لسانك عدد حروفها يا فيصل
وبيض الله وجهك وانا اخوك ،

..

ماعليك زود ,, وصح بدنك

ومنور يالغلا

المشاركة الأصلية كتبت بواسطة عبيد الغامدي

صح السانك يافيصل

تحياتي وتقديري

صح بدنك يالغالي

ومنور

ونعم بكم جميعا


صح لسانك مدد

المشاركة الأصلية كتبت بواسطة نايف القحطاني

صح لسانك يالنفيعي على الابيات الجزلة ولاهي غريبه على شاعر مثلك

ويستاهلون
لاتحرمنا من جديدك

نايف

صح بدنك يالغالي ,, وتستاهل الطيب

ومنور