يا حلاوه حلي

كل ما زرت الخيال بطلتك ياخلي
* * * * * * * * * فزّ خفاقي وتل من الوله معلوقه
من كثر شوقي عليك يتل عرقه تلي
* * * * * * * * مثل طيرٍ فزّ من وكره وتل *سبوقه
لا عدمتك خل كيد الحاقدين يولي
* * * * * * * * * لا يهمونك ترا دنيا العنا ملحوقه
انت غالي لو ما ارسل لك ولا ترسل لي
* * * * * * *الوفا والله ما اخونه والعهد ما ابوقه
لويجيني منك بعض الود جيتك كلي
* * * * * * * * *مثل نوٍّ جا من المنشأ تلوح بروقه
جيت ابااسلا عنك ميرازريت وانت افطن لي
* * * * * * * * *اخذعلمي والمصادر كلها موثوقه
كثر هجرك ماينقّص كبر قدرك مللي
* * * * *محتفظبك مثل حفظ الكنز في صندوقه
ممتلي شوق وحنين وصرت مانيب اللي
* * * * * * * *التذكرفي حنينه والامل في شوقه
وصار لك طيفٍ ملازمني ملازم ظلي
* * * * * * *واتخنقني عبرةٍ من غيضها مخنوقه
ليت يوم اشفق على وصلك عليّ تطلي
* * * * * * *واعتبرها بادرة وصلٍ مهي مسبوقه
دام حبي لك على وضح النقا متجلي
* * * * * * * له من النادر بوادر ما تخسّر سوقه
من حكى ف البعدعنك البعد عنه احسن لي
* * * * * ما درى عن غاية *القلب *وهواه *وذوقه
ولا درى اني مغرمٌ باللي هواه يسلّي
* * *ولا درى اني ذقت طعم الشهد في منطوقه
ولا درى اني فيه اغني يا حلاوه حلي
* * * * * * * *واطرق لحونٍ قبل ما كنها مطروقه
في قرارة نفسي اشوفه ماهو حاصل لي
* * * * * *وكيف لا..يمكن مقادير الكريم تسوقه
واتهنا فيه وابرد من عذولي غلي
* * * * * * * * ويتمتع حبي الصادق بكل حقوقه

* * * * * * * *هلال عوض المطيري

انت غالي لو ما ارسل لك ولا ترسل لي
الوفا والله ما اخونه والعهد ما ابوقه

لويجيني منك بعض الود جيتك كلي
مثل نوٍّ جا من المنشأ تلوح بروقه

ياسلام..

صحّ لســانك ياهلال .. ابدعت وامتعت

تحيتي,,,,

الغالي احمد خليفه

صح بدنك وتشرفت بمرورك المتميّز

تحياتي

رائع


صح لسانك

صح لسانك ياهلال وبشرك ابشر بالسفر حط في بالك حبيبك تحصل عليه تحيات وودي

ياسلام عليك يامبدع

مروري للسلام ووتجديد الاعجاب يابعدي ..

سلام’ عليكم

رائعة بحق!!

موسيقا ذات نبرة قوية وايقاع شعري يتردد بسمع القاريء بشده


أشكرك اخي على هذا الطرح المتميز

صح لسانكــ

وكن دائما بخير

اختي ملاك الشعر

الاروع مرورك

صح بدنك لاهنتي

صح بدنك اخوي ابراهيم

والسفاير فالك

تشرفت باطلالتك البهيه

المشاركة الأصلية كتبت بواسطة عبدربه

ياسلام عليك يامبدع

مروري للسلام ووتجديد الاعجاب يابعدي ..

سلام’ عليكم

اخوي وصديقي الغالي عبد ربه

والله انك وافي وهذا من طيب معدنك

اعجابك ومتابعتك وسام على صدري

بك افتخر

[QUOTE=مصلح الحربي;1501106]رائعة بحق!!

موسيقا ذات نبرة قوية وايقاع شعري يتردد بسمع القاريء بشده


أشكرك اخي على هذا الطرح المتميز

صح لسانكــ

وكن دائما بخير[/QUOTE

اخوي الغالي مصلح

العفو طال عمرك انا اللي اشكرك على على حضورك وهذا الاطراء
وشهادتك وسام

صح بدنك لاعدمتك]

صح لسانك
ولاهنت على هـ العذبه

تقديري,’’

المشاركة الأصلية كتبت بواسطة شاعرة نجد

صح لسانك
ولاهنت على هـ العذبه

تقديري,’’

صح بدنك وما تهونين

اختي


شاعرة نجد

تحياتي