المشـهد السـاخن !

المشاركة الأصلية كتبت بواسطة سداح

السلام عليكم ،


أبيات متواضعه عن الوضع المحلي السائد في الكويت بعد حلّ مجلس الأمه وإستعدادت المرشحين لخوض الانتخابات القريبه جدا ، رأي شخصي لا أكثر ،



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
أنبلج نور القريحه وأسرج الهاجس حصانه=والضمير الحي حضّر ما يكنـّه في كنينه

كان ما لي مع سماحة هاجسي قدر ومكانه=ليه تزهمني بحوره وأرفع شراع السفينه

ما دخلت الشـّعر أغنـّي غير من باب الميانه=المواثيق القديمه باقيه بيني وبينه

لو ضمنت حقوق قلبي ما على قلبي ضمانه=خايف أنـه ما يوقـّف نبضه إلاّ من حنينه !

يشتحن ويثور ما بين المعزّه والإهانه=عزّ ربـّي من يعزّه .. هان ربّي من يهينه

ليت راع الإسطوانه ما يعيد الإسطوانه=من مسد حبل الليالي والسّهر تبـّت يدينه

وش حصيل المشهد الساخن ليا زاد إغليانه=والشرار اللي تقادح من عيون مشاهدينه

الحكومه في بلدنا عقب حلّت برلمانه=لا تعلـّمنا بعلم ٍ كلّـبونا خابرينه

مجلس الأمه لا ضاقت تضربه بالخيزرانه=وأن رضت عن ما يقوله قامت تقبـّل جبينه !

أنتهى وقت التحصّن وأبتدا رفع الحصانه=أقضب اللي بالحصانه يلمز ويغمز بعينه

راحوا النوّاب كل ٍ خايفٍ يفقد مكانه=عقب ما ذاق الحلاوه بالهداوه طاردينه

بالتـّعنصر والتـّنصر ما لصوت الحق خانه=نعرف البير وغطاه .. ونعرف اللي واردينه

عسكروا فالشارع المفتوح ومن يصدر بيانه=يحتضن خوف المواطن لين تغشاه السكينه

لو يشد حبال صوته ما يصح الله لسانه=يتهبّد .. ويتزبّد حلقه .. وينفض يمينه

هكذا الحريه اللي تحفظ الدار وكيانه=إنتخابات وشعارات ودعايات ورطينه

التـّحالف حان وقته مع فلان ومع فلانه=حوّلت حمى المصالح من مدينه في مدينه

بعد تشكيل الدواير علّموا عنتر زمانه=من شحوم الثور الأسود يدهن سيور المكينه

تلبسون البشت .. وإلاّ تلبسون الجبـّخانه=الثياب البيض ماهي فوق كلّ الناس زينه !

قد كشفناكم وشفنا فيكم أصناف اللعانه=كل واحد يشتم الثاني ويلعن والدينه

تحرمون الصوت منيّ وأفلحوا والصوت أمانه=واعذاب المسلم اللي في رضاكم .. باع دينه ![/poem]


وسلمتوا ،،




..

[poem=font="Simplified Arabic,6,blue,normal,normal" bkcolor="transparent" bkimage="" border="double,9,indigo" type=2 line=1 align=center use=ex num="0,black"]
والله انك شاعر(ن)بالشعر عالي في مكانه=بالشعر عالي وباذن الله ذباح السمينه
انت دوله والشعر عندك سفير(ن)بلحصانه=جعل عود(ن)عقبك في عز والله لايهينه
ياولد من يكسبون الطيبه واهل الرزانه=مشترين المرجله لوهي بالاسعار الثمينه[/poem]


[size=4][align=center]الله واكبر والله انه انت اللي مفروض

على جنة المليون يالبطل ماشاءالله

لك احترامي وتقبل ماكتبته من شدت الاعجاب[/align][/size]